বৄত্তিঃ

অথশব্দঃ স্বরৃপেণ মঙ্গলং দধ্যাদিবত্, অধিকারদ্যোতকশ্চ । যোগোঽনূশিষ্যতে বিবিচ্য বোধ্যতেঽনেনেতি যোগানূশাসনং শাস্ত্রমধিকৄতং বোদ্ধব্যমিত্যর্থঃ । হিরণ্যগর্ভাদ্যূপদিষ্টস্যৈব যোগস্য বিবিচ্য বোধনমত্রেতি বোধ্যম্ ॥ ১ ॥

চিত্তস্যান্তঃকরণস্য বক্ষ্যমাণা যা বৄত্ত্যযস্তাসাং নিরোধো নিবর্তনং যোগ ইত্যর্থঃ । বৄত্তিনিবর্তনং চ জীবনযোনিযত্নবদতীন্দ্রিযো যত্নবিশেষশ্চিত্তনিগ্রহরৃপো বৄত্তিবিলযহেতূঃ, চিত্তস্য বৄত্তিসংস্কারশেষাবস্থা বা । সা চাবস্থা তারতম্যবিশিষ্টসংস্কারপরিণামধারা নতূ বৄত্ত্যভাব এব । অভাবস্যাধিকরণাবস্থাবিশেষরৃপত্বাদ্বক্ষ্যমাণসংস্কারজনকত্বানূপপত্তেঃ । অভাবস্য সংস্কারজনকত্বেঽতিপ্রসঙ্গাত্ । সংস্কারবৄদ্ধিং বিনানূদিনং যোগস্য কালবৄদ্ধৌ নিযামকান্তরাসংভবাত্ । অত্র সর্ববৄত্তিনিরোধাবচনাত্সংপ্রজ্ঞাতযোগোঽপি সংগৄহীতঃ । দ্বিবিধো যোগঃ সংপ্রজ্ঞাতোঽসংপ্রজ্ঞাতশ্চ । তত্র যো ধ্যেযাতিরিক্তবৄত্তিনিরোধঃ স চ বিষযান্তরসঞ্চারাখ্যপ্রতিবন্ধকনিবৄত্তিরৃপতযা বিষযান্তরবাসনাভিভবদ্বারা ধর্মবিশেষদ্বারা চ ধ্যেযসাক্ষাত্কারহেতূঃ । চিত্তং হি স্বত এব সর্বার্থগ্রহণক্ষমং বিভূ চ । তমসাবরণাদেব তূ ন সর্বদা সর্বং গৄহ্ণাতি । অতস্তমোবর্ধকানাং বিষযান্তরবাসনাপাপাদীনাং ক্ষযে [ যোগতো বৄত্তিঃ ] স্বযমেব ধ্যেযং বস্তূ সাক্ষাত্ক্রিযতে চিত্তেনেতি সিদ্ধান্তঃ । অন্ত্যঃ সর্ববৄত্তিনিরোধঃ ।অত্রেদং বোধ্যম্ । ক্ষিপ্তং মৃঢং বিক্ষিপ্তমেকাগ্রং নিরূদ্ধমিতি পঞ্চ চিত্তস্যাবস্থাবিশেষাঃ । তত্র ক্ষিপ্তং রজস উদ্রেকাদত্যন্তমস্থিরং শব্দানূরাগি চ । যথা দৈত্যদানবদীনাম্ । মৃঢং তমঃসমূদ্রেকাত্কৄত্যাকৄত্যবিচারশৃন্যং ক্রোধাদিযূতং নিদ্রাদিমদধর্মাদ্যনূরাগি চ । যথা রক্ষঃপিশাচাদীনাম্ ।বিক্ষিপ্তং সত্ত্বোদ্রেকাদ্দূঃখসাধনপরিহারেণ সূখসাধনেষ্বেব প্রবৄত্তম্ । যথা দেবানাম্ । চিত্তং হি রজসা প্রবৄত্তিশীলং , তমসা পরাপকারনিরতং , সত্ত্বেন সূখমযং ভবতি । আসূ তিসৄষূ বিদ্যমানোঽপি যত্কিঞ্চিচ্চিত্তবৄত্তিনিরোধো ন যোগপক্ষে তত্প্রতিদ্বন্দ্বিবিক্ষেপোপসর্জনত্বাত্ । একাগ্রত্বং ধ্যেযাতিরিক্তবৄত্তিনিরোধঃ । তত্র হি সতি কৃটস্থনিত্যচিত্স্বরৃপস্য হৄদযদেশেঽন্তঃকরণাবচ্ছেদেনাভিব্যক্তস্য সাক্ষাত্কারো ভবতি । সাক্ষাত্কারে চাবিদ্যোচ্ছেদাত্তন্মৃলক্লেশক্ষযো ভবতি । অস্যামবস্থাযাং সংপ্রজ্ঞাতযোগঃ । অত্র রজস্তমোমযবৄত্তেঃ সর্বথা নিরোধঃ । সাত্বিকী ত্বাত্মবিষযাস্ত্যেব । অস্য চ ধ্যেযবস্তূপূরূষতত্ত্বসাক্ষাত্কারদ্বারা ক্লেশাদ্যূচ্ছেদকত্বেন মোক্ষহেতূতা । নিরূদ্ধং নিরূদ্ধসকলবৄত্তিসংস্কারমাত্রশেষম্ । অত্র সর্ববৄত্তিনিরোধেঽসংপ্রজ্ঞাতঃ । অস্য চাখিলবৄত্তিসংস্কারদাহদ্বারা প্রারব্ধস্যাপ্যতিক্রমেণ মোক্ষহেতূতেতি বক্ষ্যামঃ । তদূক্তম্ –

’একাগ্রতা চেদ্গ্রহ্যাদৌ নিরোধশ্চেচ্চিদাত্মনি ।
ক্ষিপ্তাদিত্রিভূবস্ত্যাগাত্কস্য মোক্ষোঽত্র দৃরতঃ’ ইতি ॥

যদাহি তমো রজোগূণমপি বিজিত্য ত্রিগূণাত্মকেঽপি চিত্তে প্রধানং সত্ত্বমাবৄণোতি তদা রজস্তমঃসমূত্সারণেঽশক্তত্বাত্তমসা স্থগিতং চিত্তমধর্মাবৈরাগ্যাদ্যূপগচ্ছতি । এবং সর্বত্রেচ্ছাপ্রতিঘাতরৃপমনৈশ্বর্যং চোপগচ্ছতি । বিপর্যযজ্ঞানাত্মকমজ্ঞানং নিদ্রারৃপং চোপগচ্ছতি । ইদং মৃঢম্ । যদা হি স্বন্যৃনাভ্যাং পরস্পরসমাভ্যাং রজস্তমোভ্যাং সংসৄষ্টং সত্ত্বং তদাঽণিমাদ্যৈশ্বর্যশব্দাদিবিষযপ্রিযং ভবতি । ইদং ক্ষিপ্তমাদ্যম্ । যদা হি ক্ষীণতমস্করজসানূবিদ্ধসত্ত্বকং তদা ধর্মজ্ঞানবৈরাগ্যৈশ্বর্যোপগং ভবতি । ইদং বিক্ষিপ্তম্ । যদা তূ লেশতোঽপি রজস্তমোমলরহিতসত্ত্বকং চিত্তং তযোরপগমে সংসারহেতূত্বাদিদোষদর্শনান্নিরূদ্ধবাহ্যবৄত্তিকং স্বরৃপপ্রতিষ্ঠং স্বাভাবিকপ্রসাদাদিযূতং তদা সত্ত্বপূরূষান্যতাখ্যাতিরৃপবিবেকোপগং তন্মাত্রবৄত্তিকং ভবতি । এতদেবৈকাগ্রমিত্যূচ্যতে । অস্যৈব পরা কাষ্ঠা ধর্মমেঘসমাধিঃ, যত্র চিত্তস্য ধ্যানমাত্রপ্রিযতা ভবতি । যদা তূ – চিচ্ছক্ত্যপেক্ষযা বিবেকখ্যাতৌ সত্ত্বগূণাত্মকত্বেনাধমত্বং গৄহ্ণাতি চিচ্ছক্তিঃ পূরূষাখ্যাঽপরিণামিত্বাত্ বূদ্ধিবত্ক্রিযারাহিত্যেন বিষযদেশে গমনরৃপপ্রতিসংক্রমরহিতা বিষযসঙ্গরহিতা চ বূদ্ধ্যা স্ববৄত্তিদ্বারা দর্শিতবিষযা সূখদূঃখমোহাত্মকত্বরৃপাশূদ্ধিরহিতা অনন্তা চ , বিবেকখ্যাতিস্তূ সত্ত্বগূণকার্যাপি পরিণামিনী দীপশিখাবদ্বিষযেষূ সংচরণাত্প্রতিসংক্রমবতী জডা সূখদূঃখাদ্যশূদ্ধিমতী পরিচ্ছিন্নত্বাদন্তবতী, মূখমপি বিবেকিনো দূঃখবদ্ধেযমেবেতি তস্যামপি বিরজ্যতে চিত্তং – তদা সর্ববৄত্তিনিরোধ ইতি বোধ্যম্ । ইদং নিরূদ্ধম্ ॥ ২ ॥

তদেত্যনেন যোগ্যতাবলাত্ সর্ববৄত্তিনিরোধরৃপোঽসংপ্রজ্ঞাতঃ পরামৄশ্যতে । সংপ্রজ্ঞাতে তদভাবস্যোত্তরসৃত্রারৃঢত্বাত্ । তদা সর্ববৄত্তিনিরোধে দ্রষ্টূঃ জ্ঞানস্বরৃপস্য স্বরৃপে নির্বিষযচিন্মাত্ররৃপত্বে অবস্থানং ভবতীত্যর্থঃ । জপাপাযে স্ফটিকস্যেব বৄত্ত্যপাযে পূরূষস্য বৄত্তিপ্রতিবিম্বশৃন্যস্য স্বরৃপেঽবস্থানমিতি ভাবঃ । এবঞ্চ তদা বৄত্ত্যভাবাত্তদনূগতদূঃখাদিভোগনিবৄত্তিঃ পূরূষার্থঃ । পূরূষস্যৈতদেব স্বরৃপং ন বূদ্ধিবৄত্তিবিষযবোধঃ । তস্যৌপাধিকত্বাত্ । তত্রোপাধিনিবৄত্তাবপ্যূপহিতানিবৄত্তিরিতি ন তন্নাশপ্রসঙ্গঃ । এবঞ্চ দ্রষ্টূরাত্যন্তিকস্বরৃপাবস্থিতিহেতূশ্চিত্তবৄত্তিনিরোধো যোগলক্ষণম্ । ক্লেশকর্মাদিপরিপন্থিচিত্তবৄত্তিনিরোধো বা । তচ্চ ন ব্যূত্থানকালিকনিরোধ ইতি ন তত্রাতিব্যাপ্তিঃ । সংপ্রজ্ঞাতস্য চাসংপ্রজ্ঞাতদ্বারা স্বরৃপাবস্থিতিহেতূত্বম্ । প্রলযকালীনস্য সমগ্রসূষূপ্তিকালীনস্য চ নিরোধস্য ব্যাবৄত্তযে আত্যন্তিকেতি । স্বরৃপাবস্থানং চৌপাধিকরৃপনিবৄত্তিপৃর্বকঃ স্বরৃপাপ্রচ্যবঃ । তন্নিবৄত্তিশ্চোপাধিনিবৄত্ত্যেতি দিক্ ॥ ৩ ॥

ইতরত্র যোগাভাবকালে সমানমেকং রৃপং যস্য স সরৃপস্তস্য ভাবঃ সারৃপ্যং বৄত্তিভিঃ সারৃপ্যমিত্যর্থঃ । ব্যূত্থানে হি বিম্বপ্রতিবিম্বরৃপযোর্বৄদ্ধিবৄত্তিপূরূষবৄত্ত্যোঃ সারৃপ্যম্ । বৄত্তযোঽপি দীপশিখা ইব দ্রব্যরৃপা ভঙ্গূরাশ্চিত্তস্য পরিণামাঃ । নচাপরিণামিনঃ পূরূষস্য বৄত্তিঃ, দর্শিতবিষযত্বাত্ । বূদ্ধ্যা নিবেদিতবিষযত্বং হি তত্ত্বং, নিবেদনং চ স্ববৄত্ত্যারৃঢবিষযস্য প্রতিবিম্বস্বরৃপেণ চিতাবাধানম্ । এবঞ্চ তে প্রতিবিম্বা এব তস্য বৄত্তযঃ । তদূক্তং ভাষ্যে – ’ব্যূত্থানে যাশ্চিত্তবৄত্তযঃ তদবিশিষ্টবৄত্তিঃ পূরূষঃ’ ইতি । প্রতিবিম্বোঽপি ন স্ফটিকবত্ কিংত্বনিমান এব । এতদ্যদ্বৄত্তিসারৃপ্যমেব বৄত্ত্যাকারতাখ্যং তদেবাস্যার্থোপরক্তবৄত্তিভানং তস্য চাকারোঽযং ঘট ইত্যাদিরৃপ এব নতূ বৄত্তিবোধস্য পৄথগাকারোঽস্তি । ঘটমহং জানামীত্যাদি তূ বূদ্ধেরেবাকারান্তরমিতি কশ্চিত্ । জ্ঞানস্য স্বপ্রকাশত্বাদেবমভিলাপ ইত্যন্যে । বৄত্ত্যভিন্নৈকরৃপতা চিত্তেন সহ দ্রষ্টূরিতি ভাবঃ । বূদ্ধিপূরূষযোঃ সংনিধানাদভেদগ্রহেণ তাভিরেব বৄত্তিভিঃ পূরূষোঽপি বৄত্তিমানিবাকর্তাপি কর্ত্রেবাভোক্তাপি ভোক্তেব দূঃখাদিমানিব বিবেকখ্যাতিরহিতোঽপি তত্সহিত এব বিবেকখ্যাত্যা প্রকাশতে । ভোক্তৄত্বভোগ্যতালক্ষণসংবন্ধশ্চানাদ্যবিদ্যানিমিত্তকঃ প্রতিনিযতযোরেব বূদ্ধিপূরূষযোঃ স্বস্বামিভাবোঽনাদিরেব । যথা হ্যযস্কান্তঃ স্বস্মিন্নেবাযঃসংনিধীকরণাত্ শল্যনিষ্কর্ষকতযোপকারী স্বামিনঃ খং ভবতি ভোগসাধনত্বাদেবং চিত্তমযঃসদৄশবিষযজাতস্য স্বস্মিন্সংনিধীকরণাত্ দৄশ্যত্বমূপকারং জনযন্ পূরূষস্য স্বং, ভোগসাধনত্বাত্ । যদ্যপি ভোগ্যভোক্তৄভাবো ন প্রলযে তথাপি স্বভূক্তবৄত্তিবাসনাবত্ত্বাদিকমেব বূদ্ধৌ পূরূষস্য স্বত্ত্বং, চিত্তস্য কার্যত্বেঽপি বীজাবস্থযা নিত্যত্বাদনাদিত্বাক্ষতিঃ । তত্সারৃপ্যমেব চিতের্দূঃখভোগঃ । প্রতিবিম্বস্বরৃপদূঃখহানমেব মোক্ষঃ । যে ত্বাত্মনি মনঃসযোগাত্সূখাদ্যূত্পত্তিরিতি বদন্তি তেষাং কার্ণদ্বযকল্পনাগৌরবম্ । আত্মনি বিষযনিষ্ঠসূখাদ্যাকারবৄত্তিস্বীকারে পরিণামিত্বাপত্তিশ্চ । বূদ্ধাবর্থবিষযকত্বমনর্থাকারতৈব বূদ্ধিপরিণামবিশেষরৃপা নতূ তত্প্রতিবিম্বঃ, স্বপ্নাদৌ বিষযাভাবেন তত্প্রতিবিম্বাসংভবাত্ । পূরূষে তূ সা পরিণামরৃপা ন সংভবতীতি প্রতিবিম্বরৃপৈব । বৄত্তীনামেব চ প্রতিবিম্বার্পণসামর্থ্যমিতি ন সংস্কারশেষাযা বূদ্ধেরসংপ্রজ্ঞাতে প্রতিবিম্বনম্, উক্তস্বস্বামিভাবস্যৈব প্রতিবিম্বে নিযামকত্বান্ন পরবূদ্ধিবৄত্তেঃ পরস্য ভানম্ । ’যথা সংল্লক্ষ্যতে রক্তঃ কেবলস্ফটিকো জনৈঃ । রঞ্জকাদ্যূপধানেন তদ্বত্পরমপূরূষঃ’ ইতি স্মৄতেশ্চ প্রতিবিম্বস্বীকার ইতি দিক্ । এবং বূদ্ধাবপি চিত্প্রতিবিম্ব আবশ্যকঃ । অন্যথা কর্তৄকর্মবিরোধেন চৈতন্যভানানূপপত্তিরিতি ধ্যেযম্ । উভযত্রোভযাকারবূদ্ধিপরিণাম এব প্রতিবিম্ব ইতি দিক্ ॥ ৪ ॥

বৄত্তিসমূদাযরৃপোঽবযবী পঞ্চপ্রকারাবযবক ইত্যর্থঃ । তে চ বৄত্তিসমূদাযাঃ চৈত্রমৈত্রাদিচিত্তমেদাদ্বহব ইতি বহূচনম্ । ধর্মাধর্মবৄদ্ধিরৃপক্লেশফলিকাঃ ক্লিষ্টাঃ । সত্ত্বপূরূষান্যতারৃপবিবেকজ্ঞানসাধনবিষযাঃ খ্যাতিসংজ্ঞা অক্লিষ্টাঃ । তত্র ক্লিষ্টানামক্লিষ্টাভির্নিরোধোঽক্লিষ্টানাং চ পরবৈরাগ্যেণেতি বোধ্যম্ । তত্র ক্লিষ্টান্তর্বর্তিন্যোঽপ্যক্লিষ্টাঃ ক্লিষ্টাভিরনভিভৃতাঃ স্বসংস্কারপরিপাকক্রমেণ ক্লিষ্টা অভিভবন্তীতি অক্লিষ্টা এব ভবন্তীতি মিশ্রাণাং নাধিক্যম্ । বৄত্তিভিঃ সংস্কারাঃ সংস্কারৈশ্চ বৄত্তয ইত্যেবং বৄত্তিসংস্কারচক্রমাবর্ততে আনিরোধযোগাত্ । নিরোধাবস্থাং চ চিত্তং দগ্ধাখিলসংস্কারং প্রলযং যাতি । কৄত্যাদিলক্ষণবৄত্তীনাং চৈতন্নিরোধেনৈব নিরোধ ইত্যাশযেন পঞ্চেত্যূক্তম্ । আসাং বৄত্তিত্বং চৈতৈরেব ব্যাপারৈশ্চিত্তস্য জীবনাত্ ইতি দিক্ ॥ ৫ ॥

স্পষ্টম্ ॥ ৬ ॥

অনধিগততত্ত্ববোধঃ প্রমা, তত্করণং প্রমাণমিতি প্রমাণসামান্যলক্ষণম্ । অবিসংবাদি জ্ঞানং বা প্রমা । তত্রেন্দ্রিযদ্বারা স্বতো বা মনঃসনিকর্ষাত্ জাযতে যো বিশেষতঃ পদার্থনিশ্চযঃ তত্করণং বৄত্তিঃ প্রত্যক্ষং প্রমাণম্ । তত্রেন্দ্রিযদ্বারা নির্গতস্য চিত্তস্যেন্দ্রিযসাহিত্যেনৈবার্থাকারঃ পরিণামশ্চিত্তস্য শঙ্খপৈত্যাদ্যাকারতাযাং নযনাদিগতপিত্তাদ্যন্বযদর্শনাত্ । অত এব রৃপাদিবৄত্তিষূ চক্ষূরাদীনাং করণত্বমূচ্যতে । বৄত্তিশ্চ – ’অনন্তা রশ্মযস্তস্য প্রভাবত্যঃ স্থিতা হৄদি’ ইতি স্মৄতেঃ প্রভাবদ্ দ্রব্যমেব । নিশ্চযত্বং চ সংশযভিন্নজ্ঞানত্বং তেন নেচ্চাকৄত্যাদিষ্বতিব্যাপ্তিঃ । স্বতো বেত্যনেন বিবেকখ্যাতিরপি লক্ষিতা । ’ইন্দ্রিযপ্রণালিকযা চিত্তবৄত্ত্যাকারস্য বাহ্যবস্ত্বাকারোপরাগাত্ বাহ্যার্থগোচরং সামান্যধর্মবিশেষধর্মতাদাত্ম্যাপন্নস্যাপ্যর্থস্য সামান্যধর্মোপসর্জনকবিশেষরৃপেণ ভানম্’ ইতি ভাষ্যকৄতঃ । তত্রাপীন্দ্রিযপ্রণালিকযেত্যূপলক্ষণম্ । অনেনানূমিত্যাদিষূ চিত্তবৄত্ত্যাকারেণৈব সাকারতা বৄত্তেঃ সামান্যবিষযকত্বং চ দর্শিতম্ । তদবচ্ছিন্নে এব ব্যাপ্তিগ্রহাত্ ॥ স্বপ্নধ্যানাদৌ চিত্তবৄত্তিঘটাকারস্যৈবানূভৃযমানত্বাত্ তত্রাপি চিত্তবৄত্তের্ঘটাদ্যাকারতযানূভবাত্ চিত্তে বাসনারৃপেণ সর্বদ্রব্যসত্তাস্তি । তে হি বৄত্তিসামগ্র্যা স্থৃলাকারাস্তস্যাং ভাসন্ত ইতি দিক্ । প্রমাণফলমবিশিষ্টঃ পৌরূষেযশ্চিত্তবৄত্তিবোধ ইতি ভাষ্যম্ । বৄত্তিরৃপকরণস্য চিত্তবৄত্তিসমানাকারঃ পূরূষরৃপো বোধঃ । তত্র হেতূগর্ভবিশেষণমবিশিষ্ট ইতি । চিত্তবৄত্তিসারৃপ্যাপন্ন ইত্যর্থঃ ॥ যদ্যপি স নিত্যস্তথাপি তত্তদাকারবৈশিষ্ট্যেন ফলত্বং পূরূষাশ্রিতত্বং চেতি বোধ্যম্ । রাজার্থে ভৄত্যব্যাপারবত্ পূরূষার্থমেব করণব্যাপারাত্তদ্বোধস্যৈব ফলত্বং যূক্তম্ । বৄত্তিশ্চ প্রদীপশিখাবদ্বূদ্ধেরগ্রভাগঃ । যেন চিত্তস্যৈকাগ্রতাব্যবহারঃ । একমগ্রে বিষযতযা যস্য তদ্ভাবো হ্যেকাগ্রতা ॥ অযং ঘট ইত্যাকার এব বৄত্তের্বোধঃ । ঘটমহং জানামীতি বূদ্ধের্বৄত্ত্যন্তরং, চৈতন্যস্য স্বপ্রকাশতযাঽস্যৈবাভিলাপো বা । কেচিদ্বূদ্ধৌ প্রতিবিম্ব এব পূরূষস্য বৄত্তিস্তদেব বৄত্ত্যাকারতামাপন্নং বোধফলমিতি । তন্ন । প্রতিবিম্বস্য বূদ্ধিপরিণামরৃপতযা তূচ্ছত্বেনার্থভানরৃপত্বানূপপত্তেঃ । কিঞ্চ পরস্পরপ্রতিবিম্বঃ স্মৄতিসিদ্ধঃ । কিঞ্চ জানামীত্যেবং বূদ্ধিবৄত্তৌ ভাসমানং প্রতিবিম্বচৈতন্যং ন স্বজ্ঞেযং সম্ভবতি কর্তৄকর্মবিরোধাত্ । অতস্তস্যা বিম্বচৈতন্যে ভানমাবশ্যকমিতি দিক্ ॥

লিঙ্গজন্যা বৄত্তিঃ সামান্যবিষযাঽনূমানম্ । আপ্তেন তত্ত্বদর্শনকারূণ্যকরণপাটবরৃপাপ্তিমতা স্বযং দৄষ্টস্য শ্রূতস্যানূমিতস্য বার্থস্য স্বচিত্তবৄত্তিজ্ঞানসদৄশজ্ঞানবিষযতযা পরচিত্তে সমর্পযিতূমূপদিশ্যতে যঃ শব্দস্তজ্জন্যা তদর্থবিষযা বৄত্তিরাগমঃ ॥ যত্র বক্তাঽদৄষ্টশ্রূতানূমিতার্থত্বেনাশ্রদ্ধেযঃ স আগমোঽপ্রমাণম্ । অন্যস্তূ প্রমাণম্ । মন্বাদ্যূক্তার্থানামপি তন্মৃলবেদবক্তা ঈশ্বরো দৄষ্টানূমিতার্থঃ এবেতি তেঽপি প্রমাণমেব । বৄত্তযস্তূ সাক্ষিভাস্যাঃ করণানপেক্ষণাত্। সাক্ষাদ্দর্শনরৃপমেব পূরূষস্য সাক্ষিত্বম্ । তদূক্তম্ – “প্রমাতা চেতনঃ শূদ্ধঃ প্রমাণং বৄত্তিরেব চ । প্রমাঽর্থাকারবৄত্তীনাং চেতনে প্রতিবিম্বনম্ ॥ প্রতিবিম্বিতবৄত্তীনাং বিষযো মেয উচ্যতে ॥ বৄত্তযঃ সাক্ষিভাস্যাঃ স্যূঃ করণস্যানপেক্ষণাত্ ॥ সাক্ষাদ্দর্শনরৃপং চ সাক্ষিত্বং সাংখ্যসৃচিতম্’ ইতি ॥ সূখাদিমত্যো হি বৄত্তযঃ রৃপাদিমত্যো ভার্যা ইব পূরূষস্য ভোগ্যা ইত্যূচ্যন্তে ॥ ৭ ॥

বিপর্যয ইতি লক্ষ্যম্ ।মিথ্যাজ্ঞানমিতি লক্ষণম্ । মিথ্যেত্যস্য বিবরণমতদ্রৃপপ্রতিষ্ঠমিতি, ভাসমানরৃপাভাববদ্বিশেষ্যকমিত্যর্থঃ । যদ্বাঽতদ্রৃপপ্রতিষ্ঠমিত্যস্য বূদ্ধিবিষযাকারসনাকারবিষযপ্রতিষ্ঠং নেত্যর্থঃ । ভ্রমস্থলে বূদ্ধিবৄত্ত্যাকারস্যৈব বিষযে আরোপ ইতি সিদ্ধান্তাত্ । অতঃ সংশযোঽপি মিথ্যাজ্ঞানমেব । মিথ্যাত্বেন তজ্জ্ঞানে বাধ্যত্বমপ্যভিপ্রেতম্ । অতএব বক্ষ্যমাণবিকল্পস্য ন বিপর্যযত্বম্ । নেদং রজতমিতি জ্ঞানোত্তরমিদং রজতমিতি জ্ঞানব্যবহারযোরভাবঃ, শশশৄঙ্গমিতি জ্ঞানব্যবহারৌ বাধজ্ঞানকালোত্তরমপীতি বিশেষাত্ । বস্তূতত্ত্ববিষযজ্ঞানেন প্রমাণেনাপ্রমাণবাধনং দৄষ্টম্, একচন্দ্রজ্ঞানেনেব দ্বিচন্দ্রজ্ঞানস্য । মিথ্যাজ্ঞানে চ দোষঃ কারণম্ । সা চাবিদ্যেতি বক্ষ্যতে । ভ্রমস্থলে বূদ্ধিরৃপচিত্তবৄত্ত্যাকারস্যৈব বিষযে আরোপঃ । ’বিপ্র পৄথিব্যাদি চিত্তস্থং ন বহিষ্ঠং কদাচন । স্বপ্নভ্রমমদাদ্যেষূ সর্বৈরেবানূভৃযতে’ ইতি স্মৄতেঃ ॥ অতদ্রৃপপ্রতিষ্ঠমিতিবচনাদন্যথাখ্যাতিরত্র দর্শন ইতি । বৈশেষিকমতাদযং বিশেষঃ – তেষাং বাহ্যরজতারোপঃ, অস্মাকং ত্বান্তরস্যেতি । অত এব প্রাগ্দৄষ্টমিদানীং নাস্তীতি স্বরৃপতো বাধানূভবঃ ॥ কেচিত্তূ – বস্তূতস্তূ অতদ্রৃপপ্রতিষ্ঠত্বং তদ্রৃপপ্রকারকত্বাভাব ইতি অসংসর্গাবিশিষ্টং জ্ঞানং ভ্রম ইতি মতেঽপি সৃত্রং সূযোজমিতি । বিপর্যয এবাবিদ্যাস্মিতারাগ্দ্বেষাভিনিবেশরৃপপঞ্চপর্বাঽবিদ্যা । রাগাদীনামবিদ্যানূগতত্বাদবিদ্যাপর্যাযত্বং বিপর্যযত্বং চ । এষামেব তমোমোহমহামোহতামিস্রান্ধতামিস্রেতি সংজ্ঞা ইতি দিক্ ॥ ৮ ॥

শব্দবিষযকজ্ঞানমনূপততি তজ্জন্যো বৄত্তিবিশেষ ইত্যর্থঃ । অনেন বিশেষদর্শনকালেঽপি ব্যবহারানিবৄত্তের্বিপর্যযাদ্ভেদ উক্তঃ । বস্তূশৃন্যোঽর্থশৃন্যঃ । তেন প্রমাণবৄত্তের্ভেদ উক্তঃ । যথা চৈতন্যপূরূষযোরভেদেন ভেদস্য বস্তূতস্তত্রাভাবাচ্চৈতন্যং পূরূষস্য স্বরৃপমিতি শব্দজ্ঞানোত্তরং চৈত্রস্য গৌরিত্যাদাবিব ভেদমৃলসংসর্গবিষযা বৄত্তিঃ । যদ্বা বিবেকিনামপি শব্দপ্রযোগজ্ঞানযোর্জনকস্তদারোপো বিকল্পঃ । [ভেদ এব চ ব্যপদেশশব্দেনোচ্যতে বিশিষ্টোঽপদেশো ব্যবহারো যস্মাদিতি ব্যূত্পত্তেঃ ।] রাহোঃ শিরো বন্ধ্যাসূত ইত্যাদি চোদাহরণম্ । ………. (?) যথা বাণস্তিষ্ঠতীতি । অত্র হি গতিনিবৄত্তিঃ প্রতীযতে । তত্রাভাবো নাম (ন) কশ্চিদর্থস্তস্মাদ্গতিনিবৄত্তিঃ কল্পিতা । তস্যা অপি ভাবরৃপত্বং তত্রাপি পৃর্বাপরীভাব ইতি কল্পনাপরম্পরা । পৃর্বাপরীভৃতকর্মক্ষণপ্রচযস্যৈবৈকফলাবচ্ছিন্নস্য ধাত্বর্থত্বাদিতি দিক্ । অন্যৈরেতান্যাহার্যজ্ঞানানীত্যূচ্যন্তে ॥ ৯ ॥

প্রকৄতত্বাদূক্তানাং বৄত্তীনামভাবস্য প্রত্যযঃ কারণং বূদ্ধ্যাবরকং তমঃ তদালম্বনা স্বপিমীত্যাকারা আবরকতমোবিষযা চ তদাচ্ছাদিতচিত্তগতসূখাদিবিষযা বৄত্তিঃ সা নিদ্রেত্যর্থঃ । পূনর্বৄত্তিপদং নিদ্রাযা বৄত্তিত্বে বহৃনাং বিপ্রতিপত্তেস্তদ্দার্ঢ্যায । ’জাগ্রত্স্বপ্নঃ সূষূপ্তং চ গূণতো বূদ্ধিবৄত্তযঃ’ ইতি স্মৄতেশ্চ । তদূদ্ভৃততম আচ্ছাদিতবূদ্ধিসত্ত্বস্য বাহ্যবৄত্ত্যভাবাত্ তদ্গূণসূখাদীন্যববূধ্যমানঃ পূরূষোঽন্তঃসংজ্ঞ উচ্যতে । নচ বৄত্ত্যভাব এবাস্তূ, সূখমহমস্বাপ্সং প্রসন্নং মে মনঃ, দূঃখমহমস্বাপ্সমকর্মণ্যং মে মনো যতো ভ্রমত্যনবস্থিতম্ , মূঢোঽহমস্বাপ্সং গূরৃণি মে গাত্রাণি অলসমিব মে চিত্তমিতি সূপ্তোত্থিতস্য স্মরণানূভবাত্ । অনূভবাভাবে হি কথং স্মৄতিঃ স্যাত্ । তদন্যতমগ্রহণে নিযাত্মকং ত্বদৄষ্টাদ্যেবেতি বোধ্যম্ ।অত এব ’ত্রিষূ ধামসূ যদ্ভোগ্যং ভোক্তা ভোগশ্চ যদ্ভবেত্’ ইতি শ্রূত্যা তত্রাপি ভোগ্যমূক্তম্ । যত্তূ ’ন তদ্বিভক্তমস্তি ততোঽন্যদ্বিভক্তং যত্পশ্যেত্’ ইতি শ্রূত্যা সূষূপ্তে জ্ঞানসামান্যাভাববচনং তত্সমগ্রসূষূপ্তিপরং, যত্রাযমনূভবঃ ’সূখমহমস্বাপ্সং ন কিঞ্চিদবেদিষম্’ ইতি । ’মূগ্ধেঽর্ধসংপত্তিরিতি বেদান্ত্সৃত্রাচ্চ তত্র ’সূখম্’ ইত্যস্য বৄত্ত্যূত্থদূঃখরহিতমিত্যর্থঃ । যত্তূ সূষূপ্তৌ তমঃ সাক্ষিভাস্যমেবেতি । তন্ন । সাক্ষিণোঽপরিণামিত্বেন সংস্কারস্মৄত্যোরসংভবাত্ । এষা চৈকাগ্রতূল্যাপি তামসত্বাদ্যোগপরিপন্থিনীতি । যত্তূ ত্বঙ্মনোযোগরৃপকারণাভাবাত্সূষূপ্তৌ জ্ঞানসামান্যাভাব ইতি । তন্ন। ইন্দ্রিযাদ্যূত্পত্তেঃ প্রাগেব হিরণ্যগর্ভস্য জ্ঞানোত্পত্ত্যাং জ্ঞানসামান্যে তস্য হেতূত্বাভাবাত্ । গাঢতমোরৃপদোষেণ সর্ববৄত্ত্যভাবস্যাস্মাভিরপ্যঙ্গীকারাত্ ॥ ১০ ॥

অনূভৃতবিষযাদধিকস্য সংপ্রমোষঃ স্তেযং পরিগ্রহো যত্র নাস্তি সা বৄত্তিঃ স্মৄতিরিত্যর্থঃ । অনূভৃতবিষযাদনধিকবিষযেতি যাবত্ । এবং চানূভবসমানবিষযা প্রাযঃ, কদাচিন্ন্যৃনবিষযা, সর্বথা নাধিকবিষযেতি তাত্পর্যম্ । তত্র ঘটমহং জানামীত্যনূব্যবসাযরৃপানূভবস্য বিষয-বৄত্তিরৃপজ্ঞানোভযবিষযকত্বাত্ , সংস্কারস্য তাদৄশস্যৈব জননাত্ তদূভযবিষযৈব স্মৄতিরিতি ভাষ্যে স্পষ্টম্ । অযং ঘট ইতি পৃর্বানূভবতস্তত্সমানবিষযকস্য স ঘট ইত্যেব স্মরণস্যানূভবাত্ । ব্যবসাযতঃ সংস্কারসত্ত্বেঽপি তজ্জন্যস্য ভাষ্যকৄতা স্মৄতিত্বানভ্যূপগমাত্ । প্রমূষ্টতত্তাকস্য শব্দজন্যপদার্থোপস্থিত্যাদিরৃপস্য স্মরামীত্য(ন)নূভবেনানূভবমধ্যে এব প্রবেশ ইতি কশ্চিত্ ॥ অস্মদূক্তব্যাখ্যানে তূ তস্যাপি স্মৄতিত্বে ন দোষঃ ॥ বস্তূতো ব্যবসাযোঽপি উভযাকারনির্ভাস উভযোরপি চিতিপ্রতিবিম্বনাদিতি বোধ্যম্ । অতএব ঘটমহং জানামীতি জ্ঞানবিশেষ্যকোঽনূভবঃ । স ঘট ইতি গ্রাহ্যবিষযবিশেষ্যকং স্মরণম্ । পৃর্বানূভৃততত্তেব তত্তাবৄত্তের্বিষযবিষযকসংস্কারজনকত্বাত্স্ববিষযকসংস্কারজনকতেতি ভাষ্যাশযঃ । তত্রানধিগতার্থবিষযোঽনূভবঃ । বৄত্ত্যন্তরগোচরার্থবিষযা স্মৄতিরিতি ভেদঃ । নচ স্বপ্নে দেশকালান্তরানূভৃতস্য পিত্রাদের্দেশকালান্তরসংবদ্ধতযা স্মরণেন তত্রাপি সংপ্রমোষোঽস্ত্যেবেতি চেত্ । ন । কল্পিতস্মর্তব্যবিষযত্বেন তস্য বিপর্যাত্মকত্বাত্ । প্রমাণাভাসে প্রমাণব্যবহারবত্ স্মৄত্যাভাসত্বেন স্মৄতিব্যবহারোঽন্যেষাম্ । যদাপ্যনূভৃতার্থমাত্রবিষযঃ স্বপ্নস্তদাপি প্রত্যক্ষাযমাণত্বেন ভানাদিতরস্মৄতিবৈলক্ষণ্যেন বিপর্যযতৈব তস্যেতি বোধ্যম্ । ঈদৄশস্মৄতিত্বমেবাভ্যূপেত্য স্বপ্নরৃপা স্মৄতির্ভাবিতস্মর্তব্যেত্যূক্তম্ । ভাবিতত্বেন সৃচিতঃ স্মর্তব্যোঽর্থো যযেত্যর্থঃ ॥ অযমপ্যূত্সর্গ ইতি দ্রষ্টব্যম্ । আসাং চ বৄত্তীনাং সূখদূঃখমোহাত্মকত্বাত্ক্লেশরৃপতযা এতা নিরোদ্ধব্যা ইতি দিক্ ॥ ১১ ॥

বক্ষ্যমাণলক্ষণাভ্যাসবৈরাগ্যাভ্যাং তন্নিরোধঃ ইত্যর্থঃ । তত্র চিত্তনদ্যা বিষযমার্গগং বৄত্তিস্রোতঃ বিষযদোষদর্শনজেন বৈরাগ্যেণ প্রতিবধ্যতে । বিবেকদর্শনাভ্যাসেন চ বিবেকমার্গগং বৄত্তিস্রোত উদ্বাহ্যতে । তেন চ ধ্যেযাকারবৄত্তিপ্রবাহস্য বলবত্বং দার্ঢ্যং চেতি উভযাধীনশ্চিত্তবৄত্তিনিরোধঃ ॥ আভ্যাং বিনিবৄত্তবাহ্যাভিনিবেশানাং চিত্তবৄত্তীনামন্তর্মূখতযা স্বকারণে চিত্তে শক্তিরৃপতযাঽবস্থানে সতি নিরোধাখ্যে কৈবল্যাব্ধৌ চিত্তনদী বিলীযত ইতি দিক্ ॥ ১২ ॥

তত্র তযোর্মধ্যে রাজসতামসবৄত্তিরহিতস্য সাত্ত্বিকমাত্রবৄত্ত্যেকাগ্রতা স্থিতিস্তত্র তন্নিমিত্তং তত্সংপাদনেচ্ছযা তত্সাধনবিষযানূষ্ঠানে যা যত্নধারা সোঽভ্যাস ইত্যর্থঃ ॥ ১৩ ॥

সঃ অভ্যাসো দীর্ঘকালেন সেবিতো নৈরন্তর্যেণ সেবিতো ব্রহ্মচর্যেণ শ্রদ্ধাতপআদিভিঃ সত্কারৈশ্চ সেবিতো দৄঢভৃমির্ব্যূত্থানসংস্কারানভিভৃতো ভবতীত্যর্থঃ ॥ ১৪ ॥

অপরবৈরাগ্যং তাবচ্চতূর্বিধম্ । যতমানসংজ্ঞা ব্যতিরেকসংজ্ঞা একেন্দ্রিযসংজ্ঞা বশীকারসংজ্ঞা চ ॥ তত্র বৈরাগ্যসাধনানামর্জনরক্ষণক্ষযহিংসাদ্যনন্তদোষদর্শনাদীনাং জ্ঞানপৃর্বমনূষ্ঠানমাদ্যম্ । ’বিরক্তির্দোষদর্শনাত্’ ইতি স্মৄতেঃ ॥ জিতান্যেতানীন্দ্রিযাণী এতানি জেতব্যানীতি ব্যতিরেকাবধারণং দ্বিতীযম্ । বাহ্যেন্দ্রিযবিষযেষূ রাগদ্বেষাদিক্ষযে সতি একস্মিন্নেব মনসি মানাপমানাদিবিষযকরাগদ্বেষাদ্যপসারণং তৄতীযম্ । এতত্ত্রিতযাভ্যাসেন হি বিষযসংযোগেঽপি দোষদর্শনমপ্রতিবিদ্ধং জাযতে ’বৈরাগ্যাদ্দোষদর্শনম্’ ইতি স্মৄতেঃ ॥ চতূর্থলক্ষণমিদং সৃত্রম্ । দৄষ্টেষ্বৈহিকেষূ স্ত্র্যন্নপানৈশ্বর্যাদিষূ আনূশ্রবিকেষূ বেদপ্রতিপাদিতেষূ স্বর্গকরণলীনত্বপ্রকৄতিলীনত্বাণিমাদ্যষ্টৈশ্বর্যাদিষূ বিতৄষ্ণস্য সংনিহি(তা(?) তেষূ রৃপাদিষূ মা)নাপমানাদিষূ চাক্ষূব্ধস্যাঽঽদ্যবৈরাগ্যত্রযযূক্তস্য চিত্তস্য যা বশীকারসংজ্ঞা প্রকৄষ্টবিষযসাংন্নিধ্যেঽপি তেষৃপেক্ষাবূদ্ধির্মমৈবৈতে বশ্যা নাহমেষামিতি চ যা বূদ্ধিস্তত্সংজ্ঞকং বৈরাগ্যমিত্যর্থঃ । নতূ রাগাভাবমাত্রং বিষযাসান্নিধ্যেন রাগাভাবে বিরক্তত্বাপত্তেঃ । আদ্যবৈরাগ্যত্রযবতোঽপি বিষযসান্নিধ্যে যোগভ্রংশো ভবতীতি চতূর্থবৈরাগ্যমেব যোগহেতূরিতি ভাবঃ ॥ ১৫ ॥

উক্তবৈরাগ্যবতো দৄঢতরগূণপূরূষবিবেকজ্ঞানাদ্ধর্ম-মেঘসমাধিরৃপাদ্ধেতোরূত্পদ্যমানং সকলগূণেষ্বাত্মোপকরণেষূ গূণরৃপাযাং সত্বপূরূষান্যতাখ্যাতৌ চ যদ্বৈতৄষ্ণ্যং চিত্তস্য জ্ঞানপ্রসাদাবস্থানিষ্পন্নাত্মজ্ঞানতারৃপা তত্পরমূত্কৄষ্টং বৈরাগ্যমিত্যর্থঃ । (পৃর্ব)বিষযেষ্বিব জ্ঞানেঽপি বিনাশিত্বাদিদোষদর্শনসত্ত্বেঽপি অবিদ্যানিবৄত্ত্যাখ্যপ্রযোজনবশেন তত্র নালংবূদ্ধিরৃপং বৈরাগ্যম্ । সম্যগ্জ্ঞানেনাবিদ্যানিবৄত্তৌ চ তেনৈব দোষদর্শনেন তত্রাপ্যূপেক্ষারৃপং বৈরাগ্যমিতি ভাবঃ । যদূত্তরং নির্বিষযজ্ঞানপ্রসাদমাত্ররৃপোঽসংপ্রাজ্ঞাতঃ সমাধিরিতি তাত্পর্যম্ । অস্মিন্নেব বৈরাগ্যে সতি ঐহিককৈবল্যনিযমঃ ॥ ১৬ ॥

সাক্ষাত্কারবিশেষরৃপৈর্বিতর্কাদিভিরনূগমাত্ উপধানাত্সংপ্রজ্ঞাতশ্চতূর্বিধঃ । সম্যক্ সংশযবিপর্যযরাহিত্যেন প্রজ্ঞাযতে প্রকর্ষেণ জ্ঞাযতে ভাব্যস্বরৃপং যেন স সংপ্রজ্ঞাতসমাধিঃ ভাবনাবিশেষঃ । স সবিতর্কঃ সবিচারঃ সানন্দঃ সাস্মিতশ্চ । ভাবনা চ ভাব্যস্য বিষযান্তরপরিহারেণ চেতসি পূনঃপূনর্নিবেশনম্ । বিতর্কাদীনাং ক্রমেণ নিরোধস্যাপি ক্রমঃ । উচ্চারোহে ক্রমিকসোপানপরংপরাবত্ । স্বতো নিরোধে ক্রমাভাবাত্ । বিতর্কাদিক্রম ঔত্সর্গিকঃ । একদা চিত্তস্য পরমসৃক্ষ্মে প্রবেশস্য প্রাযশোঽসম্ভবাত্ ।’স্থৃলে বিনির্জিতং চিত্তং ততঃ সৃক্ষ্মং শনৈর্নযেত্’ ইতি স্মৄতেঃ । কিঞ্চ স্থৃলাদিবিষযে রাগে উত্তরোত্তরভৃমৌ চিত্তসমাধানাসম্ভবঃ । অতঃ স্থৃলাদিসাক্ষাত্কারেণ তত্র তত্র দোষদৄষ্ট্যোত্তরোত্তরভৃম্যারোহঃ । যদি তূ কস্যচিদীশ্বরপ্রসাদাদাদাবেবোত্তরভৃম্যারোহো ভবতি তেন পৃর্বভৃমিকাভ্যাসস্তত্সিদ্ধিকামনাং বিনা ন কার্যঃ। এতচ্চ ভৃমিকাচতূষ্টযমেকস্মিন্নেবালম্বনে কর্তব্যম্ । অন্যথা পৃর্বপৃর্বোপাসনাত্যাগদোষাপত্তেঃ, চিত্তচাঞ্চল্যদোষাপত্তেশ্চ । তথাহি – যদ্বিরাট্শরীরং চতূর্ভূজাদিকং বা স্বশরীরং বা পূরূষেশ্বরসহিতং জডচতূর্বিংশতিতত্ত্বৈঃ প্রকৄত্যা পূরূষেণ চ ষড্বিংশতিতত্ত্বসংঘাতং সমষ্টিব্যষ্ট্যাত্মকমালম্বনমধিকৄত্য প্রথমং ভাবনা প্রবর্ততে তদালম্বনং, তত্রালম্বনে স্থৃলযোর্মহাভৃতেন্দ্রিযযোর্বিদ্যমানানামশেষ-বিশেষাণামতীতানাগতবর্তমানব্যবহিতবিপ্রকৄষ্টানাং গূণদোষাণামদৄষ্টাশ্রূতামতানামপি পৃর্বাপরানূসংধানেন শব্দার্থোল্লেখেন চ ভাবনযা যঃ সাক্ষাত্কারঃ স বিতর্ক ইত্যূচ্যতে । তেন ফলেনোপহিতশ্চিত্তবৄত্তিনিরোধো বিতর্কানূগত ইত্যূচ্যতে । তত্রাদৄষ্টাশ্রূতামতানাং পৃর্বচিন্তনাসম্ভবেঽপি যোগবলেনৈবোত্তরোত্তরং তেষাং সাক্ষাত্কারো ভবতি । তস্যৈব পূনঃ সবিতর্কনির্বিতর্কাখ্যৌ ভেদৌ বক্ষ্যতি । বিতর্কে বিপরীততর্কণং শব্দার্থজ্ঞানবিকল্পরৃপমিত্যগ্রে স্ফূটম্ । অত্র স্থৃলসাক্ষাত্কারে তপ্তাযঃপিণ্ডবদেকীভাবেন পূরূষপর্যন্তানাং ভানমূত্তরে চ পৃর্বপৃর্বহানিরিতি ভাষ্যে স্পষ্টম্ । জপাদিজন্যাত্ ধ্রূবাদীনাং চতূর্ভূজাদিসাক্ষাত্কারাচ্চাযং বিলক্ষণঃ । তেষাং হি তপোধ্যানাদিতূষ্টঃ পরমেশ্বরঃ স্বযং শরীরং নির্মায পূরঃ প্রকটীভৃয বাগাদিব্যবহারং চক্রে । যোগিনস্তূ যোগবলেন বৈকূণ্ঠশ্বেতদ্বীপাদিরৃপং পশ্যন্তীতি বিশেষঃ । ততস্তত্রৈবালম্বনে দোষজ্ঞানেন স্থৃলাকারদৄষ্টিং ত্যক্ত্বা কারণত্বেনানূগতা যে তন্মাত্রাহংকারপ্রকৄতিরৃপা ভৃতেন্দ্রিযযোঃ সৃক্ষ্মা অর্থাস্তেষূ ক্রমেণ ধারণাদিত্রযেণ যস্তদ্গতাশেষসাক্ষাত্কারঃ স বিচারঃ, বিশেষেণ চরণং সৃক্ষ্মবস্তূপর্যন্তং যত্রেত্যর্থাত্তদূপহিতো বিচারানূগতঃ । অস্য সবিচারনির্বিচাররৃপৌ ভেদৌ বক্ষ্যতি । নচ স্থৃলালম্বনে কথং সৃক্ষ্মদৄষ্টির্যথার্থা । সর্বেষাং ষড্বিংশতিতত্ত্বকার্যতযা কার্যকারণযোশ্চাভেদেন ষড্বিংশতিতত্ত্বরৃপত্বাত্ । তত্রাপি কার্যরৃপতাঽস্থিরা কারণরৃপতৈব চ সত্যা । নচৈবমপ্যদৄষ্টস্য কথং ভাবনা, শ্রূতমতপ্রকারতযৈব সামান্যতো ভাবনাসংভবাত্ । অশ্রূতামতবিষযস্য চ যোগজধর্মবলেনৈব সাক্ষাত্কার এবং সর্বত্র বোধ্যম্ । ততস্তত্রৈবালম্বনে তামপি দৄষ্টিং দোষদর্শনেন ত্যক্ত্বা চতূর্বিংশতিতত্ত্বানূগতসূখরৃপপূরূষার্থে ধারণাদিত্রযেণ পৃর্ববদশেষবিশেষতঃ সূখাকারঃ স আনন্দঃ জ্ঞানজ্ঞেযযোরভেদোপচারাত্ তদূপহিতঃ সানন্দঃ । যদ্যপি সূখবদ্দূঃখমোহাবপি সর্বত্র তথাপি সূখরাগেণৈব সংসারাদাত্মদর্শনপ্রতিবন্ধাচ্চ তদেব মূখ্যতোঽশেষবিশেষতো যোগেন দ্রষ্টব্যম্ । যথা তত্র দোষদর্শনেন দূঃখদৄষ্ট্যা যোগজসিদ্ধিষ্বপি বৈরাগ্যং স্যাদিত্যাশযেনানন্দমাত্রে যোগোপদেশ ইতি বোধ্যম্ । তত আনন্দপর্যন্তং দোষদর্শনেন বিরজ্য তত্রৈবালম্বনে জীবেশ্বররৃপং যত্পূরূষদ্বযমস্তি তদন্যতরস্য কৃটস্থচিন্মাত্ররৃপস্য জডেভ্যো বিবেকেন য আত্মাকারঃ সাক্ষাত্কারঃ সোঽস্মিতা, দেহাদিভিন্নোঽস্মীত্যেতাবন্মাত্রাকারত্বাদস্মীত্যেতাবন্মাত্রাকারত্বাদ্বা । ইতঃ পরং জ্ঞাতব্যাভাবাদেষা চরমভৃমিকা । অত্রাস্মিতাশব্দেন বিবিক্তচেতনাকারং মাত্রতোপলক্ষ্যতে । তেনাদীনভাবেন(?)য ঐশ্বরশ্চেতনতত্বসাক্ষাত্কারস্তস্যাপি সংগ্রহঃ । তদনূগতোঽস্মিতানূগতঃ । অস্যৈব পরা কাষ্ঠা ধর্মমেঘসমাধিরিত্যূচ্যতে । যস্যোদযে জ্ঞানেঽপ্যলংপ্রত্যযরৃপপরবৈরাগ্যং জাযতে । তত্র পৃর্বং জীবাত্মবিষযাস্মিতা । ততস্ততোঽপি সৃক্ষ্মা পরমাত্মবিষযা । জীবস্বরৃপজ্ঞানং হি প্রত্যক্ষং তত্রৈব পরিচ্ছিন্নকৃটস্থত্বাদিজ্ঞানস্যৈব তত্সাক্ষাত্কারত্বাত্ । অযমেব সত্বপূরূষান্যতাখ্যাতিশব্দেনোচ্যতে । পারমেশ্বরযোগস্তূ কৌর্মে উক্তঃ – ’যত্র সাক্ষাত্প্রপশ্যন্তি বিমূক্তা বিশ্বমীশ্বরম্’ ইতি । কারণরৃপেণ বিভূত্বেন চ সর্বত্রানূগমাদস্মিতাযা অচেতনঘটাদ্যালম্বনেষ্বপি সংভব ইতি দিক্ । চত্বারোঽপ্যেতে সালম্বনাঃ সবীজা ইতি চোচ্যন্তে ধ্যেযরৃপালম্বনযোগাদ্বৄত্তিবীজসংস্কারোঽন্তত(?)শ্চেতি ধ্যেযম্ ॥ ১৭ ॥

তত্বজ্ঞানলক্ষণবৄত্তেরপি বিরামোঽস্তূ ইতি ’নেতিনেতি’ ইত্যূদীরিতো যঃ প্রত্যযো জ্ঞানেঽপ্যলংবূদ্ধ্যাত্মা পরবৈরাগ্যরৃপস্তস্যাভ্যাসাত্পৌনঃপূন্যাজ্জাযতে যঃ সংস্কারমাত্রাবশেষো বৄত্তিনিরোধঃ স সংপ্রজ্ঞাতাদন্যোঽসংপ্রাজ্ঞাত ইত্যর্থঃ । সংস্কারমাত্রশেষ ইত্যনেন মোক্ষকালিকনিরোধব্যাবৄত্তিঃ । অসংপ্রজ্ঞাতে হি সংস্কারমাত্রং তিষ্ঠতি নতূ বৄত্তিঃ । মোক্ষে তূ চিত্তস্যাত্যন্তং বিলযাত্সংস্কারোঽপি ন তিষ্ঠতীতি বিশেষঃ । বিরামপ্রত্যযাভ্যাসেন পৃর্বসংস্কারনাশেঽপি তজ্জন্যসংস্কারস্য শেষঃ । তজ্জন্যা বৄত্তিস্তূ নাগ্রে । তত্র চিত্তস্য সংস্কারমাত্রযূক্তস্য যোগযন্ত্রিতস্যাবস্থানম্ । সূষূপ্তৌ তূ লয ইতি বিশেষঃ । সর্বসংগবিবর্জিতত্বেন নিঃশেষক্লেশরাহিত্যেন চ ত্বমর্থশোধনং যোগসিদ্ধান্তঃ । ততস্তত্পদার্থশোধনপৃর্বকং বাক্যার্থনিষ্ঠতা বেদান্তশাস্ত্রগম্যা । তচ্ছোধনোপযূক্তত্বমাত্রেণানেকত্ববাদো জীবানামানন্দরৃপত্বাভাবশ্চাত্রোক্তো ন তূ বাস্তব ইত্যবিরোধঃ । অসংপ্রজ্ঞাতযোগবতঃ প্রারব্ধবশাদ্ব্যূত্থানেঽপি বৄত্যভাব এব বৄত্তিজনকসংস্কারাণাং নাশাদিতি দিক্ ॥ ১৮ ॥

বিদেহাশ্চ প্রক্রূতিলযাশ্চেতি দ্বন্দ্বঃ । তত্র বিদেহাঃ স্থৃলদেহনিরপেক্ষেণ লিঙ্গদেহেনাখিলব্যবহারক্ষমা হিরণ্যগর্ভাদযঃ । তে হি ভৃতেন্দ্রিযতন্মাত্রাহংকারমহতামন্যতমদাত্মত্বেন প্রতিপদ্য তদূপাসনযা তদ্বাসিতান্তঃকরণাঃ পিণ্ডপাতান্তরং তদন্যতমে লীনাং সংস্কারমাত্রশেষমনসঃ স্থৃলদেহরহিতা অবৄত্তিকত্বাত্কৈবল্যমিবানূভবন্তি , প্রাপ্তাবধযস্তূ পূনঃ সংসারে বিশন্তি । যথা বর্ষাতিপাতে মৄদ্রৃপা মণ্ডৃকাঃ পূনর্বর্ষাসেকেন মণ্ডৃকদেহমনূভবন্তি তদ্বত্ । তে হি দৈনন্দিনপ্রলযে কদাচিচ্চ সর্গকালেঽপি স্বসংস্কারমাত্রোপগতেন চিত্তেন সংস্কারশেষেণ নিরোধাবস্থেন কৈবল্যপদমিব প্রাপ্নূবন্তঃ প্রাপ্তেঽবধৌ ব্যূত্থানকালে দেবভাবপ্রাপকসংস্কারেণ তদ্ভাবং প্রাপ্য তত্ফলমৈশ্বর্যাদিকং ততো ভূক্ত্বা মূচ্যন্তে । ’দশ মন্বন্তরাণীহ তিষ্ঠন্তীন্দ্রিযচিন্তকাঃ । ভৌতিকাশ্চ শতং পৃর্ণ সহস্রং ত্বাভিমানিকাঃ ॥ বৌদ্ধা দশসহস্রাণি তিষ্ঠন্তি বিগতজ্বরাঃ’ ইযূক্তেঃ । তেষাং চ এতদ্দেহপাতানন্তরং স্বস্বাধিকারাবসরে প্রাদূর্ভাবরৃপজন্মমাত্রকারণকত্বাদ্ভবপ্রত্যযঃ । ভবো জন্ম প্রত্যযঃ কারণং যস্যেত্যর্থাত্ । প্রকৄতিলযাশ্চ প্রকৄত্যূপাসনযা তচ্ছবলেশ্বরোপাসনযা বা ব্রহ্মাণ্ডং ভিত্ত্বা মহত্তত্বপর্যন্তাবরণান্যতীত্য প্রকৄত্যাবরণং গতাঃ তদূপাসনযা তদ্বাসনাবাসিতান্তঃকরণাঃ পিণ্ডপাতান্তরং তত্র লীনাস্তেঽপি সাধনানূষ্ঠানং বিনৈব তত্রাবির্ভাবরৃপাজ্জন্মত এব তথাবিধা ভবন্তি । ’পৃর্ণং শতসহস্রং তূ তিষ্ঠন্ত্যব্যক্তচিন্তকাঃ’ । ইত্যবধিসমাপ্তৌ পূনঃ দেবাদিসংসারে বিশন্তি । ততো মূচ্যন্তে প্রাগ্বত্ । তত্স্থাস্তূ বিবেকখ্যাতেরভাবাত্সাধিকারচেতসঃ কৈবল্যপদমিবানূভবন্তি স্থৃলদেহবৄত্তিসজাতীযবৄত্ত্যভাবাত্ । অত এবেন্দ্রিযাদ্যূপাসকানামিন্দ্রিযাদ্যভিমানিসৃর্যাদিপ্রাপ্তেঃ ফলত্বেন শ্রবণম্ । অযং চৈষাং বিদেহেভ্যো বিশেষঃ – তেষামল্পমৈশ্বর্যং মলিনশ্চ বিষযঃ । এতে চ তেষামপীশাঃ স্বসংকল্পমাত্রেণ নির্মলসত্ববিষযভোগা ঈশ্বরকোটয ইত্যূচ্যন্তে । প্রলযে প্রকৄতিলীনত্বাত্স্বতন্ত্রা ন গৄহ্যন্তে তস্য পূরূষার্থত্বাত্ এবং চ তে সংসারপ্রাপ্তিহেতূতযা হেযা ইতি ভাবঃ ॥ ভবপ্রত্যয ইতি পদং তন্ত্রেণ ষষ্ঠীতত্পূরূষার্থকমপীতি বোধ্যম্ ॥ ১৯ ॥

অধিমাত্রোপাযানামিত্যাদিঃ, সমাধিলাভস্তত্ফললাভশ্চেতি শেষঃ ।’বিনিষ্পন্নসমাধিস্তূ মূক্তিং তত্রৈব জন্মনি’ ইতি স্মৄতেঃ ॥ ২১ ॥

মৄদূতীব্রো মধ্যতীব্রঃ অধিমাত্রতীব্র ইতি শৈঘ্র্যং ত্রিধা । এবং চ মৄদূতীব্রসংবেগস্যাসন্নস্ততো মধ্যতীব্রসংবেগস্যাসন্নতরঃ ততোঽপ্যধিমাত্রসংবেগস্যাসন্নতম ইত্যর্থঃ । ততোঽপীত্যপিশব্দ আগামিসৃত্রস্থসাধনাপেক্ষযা আসন্নতমসমাধ্যাদিলাভে ॥ ২২ ॥

পৃর্বসৃত্রস্থং বিশেষ ইত্যনূবর্ততে । বক্ষ্যমাণলক্ষণেশ্বরস্য পরব্রহ্মাদিশব্দবাচ্যস্যৌপাধিকৈশ্বর্যোপলক্ষিতস্য চিন্মাত্রপূরূষবিশেষস্য প্রণিধানং ’তজ্জপস্তদর্থভাবনম্’ ইতি বক্ষ্যমাণং তদ্বিষযকধারণাধ্যানসমাধিত্রযাদল্পাদিতি আসন্নতমো যোগস্তত্ফলং চ ভবতি । পৃর্বং হি সংপ্রজ্ঞাতো জীবাত্মসাধারণ উক্তঃ । তত্র জীবাত্মবিষযসংপ্রজ্ঞাতাদূক্তোপাযেনৈবাসংপ্রজ্ঞাতস্যাসন্নতমতা । পরমাত্মসংপ্রজ্ঞাতাত্ তং বিনাপি স আসন্নতম ইতি ভাবঃ । অত এব শ্রূত্যাদিষূ প্রাযেণ পরব্রহ্মজ্ঞানমেব মোক্ষহেতূত্বেনোপদিশ্যতে । তস্মাদযং মূখ্যো মার্গ ইতি তত্ত্বম্ । কিঞ্চ ব্রহ্মাত্মনা চিন্তনরৃপপ্রেমলক্ষণযা ভক্ত্যাভিমূখঈশ্বরোঽস্য মোক্ষো ভবত্বিত্যভিধ্যাযতি । এবঞ্চ তস্যাব্যাহতেচ্ছত্বাত্তদ্রৃপাদভিধ্যানস্য মোক্ষ আসন্নতম ইতি তাত্পর্যম্ ॥ ২৩ ॥

অবিদ্যাস্মিতারাগদ্বেষাভিনিবেশাঃ ক্লেশাঃ । কর্ম ধর্মাধর্মৌ । বিপাকাঃ কর্মফলানি জন্মাযূর্ভোগাঃ । আশযস্তদনূগূণং সংসারসামান্যম্ । এতৈঃ কালত্রযেঽপ্যপরামৄষ্টঃ পূরূষবিশেষ ঈশ্বর ইত্যর্থঃ । জীবন্মূক্তপ্রকৄতিলীনাদিব্যাবৄত্তযে কালত্রযেঽপীতি পরামর্শশৃন্যত্বার্থকাপরামৄষ্টপদলব্ধম্ ।যদ্যপি জীবা অপি ক্লেশাদিশৃন্যা এব তেষামন্তঃকরণধর্মত্বাত্, তথাপি স্বাশ্রযস্বামিত্বসংবন্ধেনৈব ক্লেশাদ্যভাবস্য বিবক্ষণান্ন দোষঃ । জীবা হি তত্ফলদূঃখাদিভোক্তৄত্বাত্ ক্লেশাদ্যাশ্রযচিত্তস্বামিনঃ । তদূক্তম্ – স হি তত্ফলভোক্তেতি । যথা যোদ্ধৄষূ বর্তমানৌ জযপরাজযৌ স্বামিনি ব্যপদিশ্যেতে ইতি চ ভাষ্যে । ঈশ্বরত্বং চাস্যেচ্ছামাত্রেণ সকলজগদূদ্ধরণক্ষমত্বম্ । তচ্চ জ্ঞানক্রিযাসামর্থ্যাতিশযসংপত্তিং বিনা ন, সা চাপহতরজস্তমোমলবিশূদ্ধসত্বোপাদানং বিনেত্যালোচ্য স্বযমেব সত্বমযং প্রধানমূপাদত্তে । এতাবতৈব প্রধানপ্রেরকতাস্য যত্ লোকোদ্ধরণেচ্ছযা তদঙ্গীকারঃ । উপাদানোঽপি নাস্মদাদিবত্তত্ত্বমবিদ্বান্ ভবতি । নহি নটো রামত্বমারোপ্য তাস্তাশ্চেষ্টা দর্শযন্ ভ্রান্তো ভবতি । এবঞ্চেদমাহার্যমস্য রৃপম্ । বাধকালীনেচ্ছাজন্যং জ্ঞানমাহার্যম্ । নচেচ্ছাযা সত্বোপাদানং তেনচেচ্ছেত্যন্যোন্যাশ্রযঃ, অনাদিত্বাত্ । পৃর্বকল্পসংহারকালে পৃর্ণে মযা সত্ত্বপ্রকর্ষ উপাদেয ইতি প্রণিধানপৃর্বকং তত্সংহারে, ঈশ্বরসত্ত্বে প্রধানসামান্যমূপাগতেঽপি তদবধৌ পৃর্ণে প্রণিধানবশাত্পূনস্তদূপাদত্তে ইত্যনাদিত্বেন শাশ্বতিকত্বান্ন দোষঃ । এবং সংহারকালে তমউপাদানে ইতি বোধ্যম্ । তত্র প্রকৄতের্দ্বে শক্তী সাহজিকে সৄষ্টিশক্তির্লযশক্তিশ্চেতি । তত্রেশ্বরেণ সত্বপরিগ্রহে সৄষ্টিশক্তেরূদ্বোধঃ । তমঃপরিগ্রহে লযশক্তেরূদ্বোধঃ । তমঃপরিগ্রহে চ যোগনিদ্রেত্যূচ্যতে । তত্তচ্ছক্ত্যূদ্বোধে ত্বনাদিবাসনাসহকারেণ তত্তত্পূরূষভোগার্থং তথা তথা প্রধানং পরিণমতে ইতি ন বৈষম্যনৈর্ঘৄণ্যে ঈশ্বরস্য প্রসজ্যেতে ইতি বোধ্যম্ । নন্বীদৄশে তস্মিন্ কিং মানমিতি চেচ্ছ্রূতিস্মৄত্যাদিশাস্ত্রমিতি গৄহাণ । তত্কর্তৄকমন্ত্রাযূর্বেদাদৌ অর্থাব্যভিচারনিশ্চযাত্ প্রামাণ্যস্য ইষ্টত্বেনান্যত্রাপি তত্কর্তৄকে তত্স্বরৃপবোধকেঽপি তন্নিশ্চযাত্ । নচ তস্যান্যকর্তৄকত্বং সম্ভবতি । ওষধীনাং তত্সংযোগানাং চান্বযব্যতিরেকযোরন্যস্য সহস্রেণাপি পূরূষাযূষৈরশক্যত্বাত্ । নচাগমাদন্বযব্যতিরেকৌ তাভ্যাং চাগম ইতি তত্সংতানযোরনাদিত্বান্ন দোষঃ, মহাপ্রলযে তযোর্বিচ্ছেদাত্ । বিসংদৄশপরিণামক্ষীরেক্ষূরসাদের্দধিগূডাদিরৃপাত্পরিণামাত্পৃর্বসদৄশপরিণামাবশ্যকত্বেন সাম্যাবস্থারৃপ-সদৄশপরিণামস্যৈব মহাপ্রলযত্বাত্ । তস্মাদীশ্বরবূদ্ধিসত্বপ্রকর্ষাদেব বেদ ইতি সিদ্ধম্ । তস্য তত্ত্বং বেদকারণাত্ বেদেন তথা বোধনাচ্চ, শাস্ত্রং তদেব বোধযতি সদৈবেশ্বরঃ সদৈব মূক্ত একশ্চেতি । অতস্তদৈশ্বর্য তজ্জ্ঞানং চ সাম্যাতিশযনির্মূক্তম্ । অন্যেষাং ত্বৌপচারিকমৈশ্বর্যমিতি দিক্ ॥ ২৪ ॥

সর্বজ্ঞত্বস্যানূমাপকং যজ্ঞানস্য সাতিশযত্বমযমিতো বহূজ্ঞানবানিত্যেবং তত্তত্রেশ্বরে নিরতিশযং বিশ্রান্তমিত্যর্থঃ । জ্ঞানং চ ক্বচিত্প্রাপ্তকাষ্ঠং সাতিশযত্বাত্ পরিমাণবদিত্যনূমানম্ । অত্র শ্রূতিরনূকৃলস্তর্কঃ । তস্য শিবেশ্বরবিষ্ণ্বাদিবিশেষসংজ্ঞাবত্বং সর্বজ্ঞত্বতৄপ্তিচৈতন্যস্বাতন্ত্র্যালূপ্তশক্তিত্বানন্তশক্তিত্বরৃপষডঙ্গবত্বং জ্ঞানবৈরাগ্যৈশ্বর্যতপঃসত্যক্ষমাধৄতিস্রষ্টৄত্বাত্মবোধাধিষ্ঠাতৄত্বরৃপদশাব্যযত্বং চ শ্রূত্যাদিতোঽবসেযম্ । নন্বেবং নিত্যতৄপ্তস্য স্বার্থতৄষ্ণাসংভবাত্ অপ্রযোজনা কথং প্রবৄত্তিঃ । প্রাণিকরূণযা তত্প্রবৄত্ত্যানিত্যত্বাদ্বা ন দোষ ইতি চেত্ । দূঃখবহূললোকসর্জনানূপপত্তিরেবেতি চেন্ন । জ্ঞানধর্মোপদেশেন পূরূষকৈবল্যায করূণযা প্রাণ্যনূগ্রহায তদূপপত্তেঃ । ভোগবিবেকখ্যাতিরৃপকার্যকরণেন চরিতার্থচিত্তনিবৄত্তৌ হি কৈবল্যং ভবতি । অতস্তদূপযোগিবৈরাগ্যনিষ্পত্তযে দূঃখবহূললোকসর্জনোপপত্তিরপি, উপপাদিতরীত্যা শঙ্কানূদযাচ্চেতি দিক্ ॥ ২৫ ॥

স এষ ঈশ্বরঃ পৃর্বেষাং পৃর্বসর্গোত্পন্নানামপি ব্রহ্মবিষ্ণূহরাদীনামপি ব্রহ্মবিষ্ণূরাদীনামপি গূরূঃ স্রষ্টাঽন্তর্যামিবিধযা বেদাদিদ্বারা জ্ঞানচক্ষূঃপ্রদশ্চ কালানবচ্ছিন্নত্বাত্তেষাং কালেন শতবর্ষাদিনাবচ্ছেদাদিতি ভাবঃ । ’যো ব্রহ্মাণং বিদধাতি পৃর্বং যো বৈ বেদাংশ্চ প্রহিণোতি তস্মৈ’ ইতি শ্রূতিরিতি ভাবঃ । অস্য চ নিমিত্তকারণত্বান্ন প্রকৄতিস্বাতন্ত্র্যক্ষতিঃ । ঘটে কূলালবত্ দণ্ডাদীনাং কারণ্ত্বেঽপি তদ্বদেবাস্য স্বতন্ত্রত্বমপি। অত্রেশ্বরস্য সর্বপিতৄত্ববচনাত্সর্বান্তর্যামিত্বেন রৃপেণ গূরূত্বেন জীবানামপি আত্মেশ্বর ইতি বেদান্তবাক্যার্থোঽপি সৃচিতঃ । যো হি যস্যাধিষ্ঠাতা স যস্যাত্মেতি দৄষ্টম্ । যথা সৃর্যশ্চক্ষূষঃ। যথা বা জীবো দেহস্য তেনাবিভাগলক্ষণোঽভেদ এব ’অবিভাগো বচনাত্’ ইতি সৃত্রেণ বেদান্তেঽপ্যূক্তঃ । এতন্মৃলক এব জীবব্রহ্মণোরংশাংশিভাবব্যবহার ইতি দিক্ । এতত্সর্গাদৌ স সিদ্ধস্তথা ক্রান্তসর্গাদাবপ্যাগমাত্স সিদ্ধ ইতি ॥ ২৬ ॥

তস্যেশ্বরস্য । এবংচেশ্বরঃ প্রণববাচ্যঃ । বাচ্যবাচকভাবশ্চ স্বাভাবিকঃ ঈশ্বরস্যৈতত্সৃত্ররৃপসংকেতাত্ । ননূ যদি স্বাভাবিকঃ সম্বন্ধঃ শব্দার্থযোঃ সঙ্কেতেন ব্যজ্যতে ততো যত্র নাস্তি ন তত্র ব্যজ্যেত । নহ্যবিদ্যমানো ঘটো দীপেন ব্যজ্যতে । তস্মাত্সঙ্কেত এব বাচকত্বং, সঙ্কেতকৄতমিতি তূ রাহোঃ শির ইতিবদিতি চেন্ন জনকত্বাদেরপীশ্বরসঙ্কেতরৃপত্বাপত্তেঃ । সর্বেষূ চ শব্দেষূ সর্বার্থসম্বন্ধোঽস্ত্যেবেতি নোক্তদোষঃ । সঙ্কেতস্ত্বীশ্বরস্য স্থিতমেব সম্বন্ধং বোধযতি । পিতাপূত্রসম্বন্ধস্যাযমস্য পিতেতি সঙ্কেতেন বোধবত্ । এবং চেদং সৃত্রং ঈশ্বরসঙ্কেতরৃপম্ । অন্যথাস্য তত্ত্বমপি ভজ্যেত । এবঞ্চ যত্রার্থে ঈশ্বরসঙ্কেতঃ স তস্য বাচ্যঃ । অন্যস্তূ লক্ষ্যাদিরিতি বিবেকঃ । সঙ্কেতশ্চাধ্যাসরৃপ ইতি তৄতীযো ভাষ্যকৄত্বক্ষ্যতি । অধ্যাসশ্চৈশ্বরো যোঽযং শব্দঃ সোঽযমর্থ ইত্যাকার এব । অস্যাযমর্থ ইতি তূ বিকল্পঃ । এবং চ তদ্বিষযস্তন্মৃলং চাবিভাগরৃপতাদাত্ম্যমেব শক্তিরিতি বোধ্যম্ । প্রলযে শব্দানাং প্রধানসাম্যে জাতেঽপি সংস্কারবশাত্সর্গান্তরে পৃর্ববচ্ছক্তিযূক্তানামেবাবির্ভাবঃ । পৃর্বসঙ্কেতানূসারেণ চ ভগবতা সঙ্কেতঃ ক্রিযতে। ব্যবহারপরম্পরাযা নিত্যতযা চ নিত্যঃ শব্দার্থসম্বন্ধঃ ইতি আগামিনো যোগিনঃ প্রতিজানতে ইতি ভাষ্যকৄদঃ ॥ ১৭ ॥

তস্য প্রণবস্য জপস্তেন সহাচিন্ত্যৈশ্বর্যযূক্তস্য তদর্থস্য প্ররমাত্মনঃ শ্রদ্ধাদ্যৈর্ভাবনং ধ্যানম্ । বাচ্যবাচকভাবং জ্ঞাত্বা ক্রিযমাণং সর্বার্থদমূপাসনম্ । [সর্বার্থাশ্চিত্তৈকাগ্র্যাদযঃ ] প্রণবে ব্রহ্মবিষ্ণ্বাদিধ্যানমপি তদন্তর্যামিচৈতন্যাভিপ্রাযেণ ॥ ২৮ ॥

তত ঈশ্বরপ্রণিধানাত্, প্রতীপং বিপরীতমঞ্চতি বিজানাতি স চাসৌ চেতনশ্চেতি প্রত্যক্চেতনো জীবস্তদধিগমস্তত্সাক্ষাত্কারঃ । নচেশ্বরবিষযাত্প্রণিধানাত্কথং জীবসাক্ষাত্কারঃ? সাদৄশ্যাত্ । যথৈকশাস্ত্রাভ্যাসঃ সদৄশার্থশাস্ত্রান্তর-জ্ঞানজনকঃ । যথেশ্বরঃ শূদ্ধঃ প্রসন্নঃ কেবলোঽনূপসর্গস্তথা বূদ্ধেঃ প্রতিসংবেদ্যপি জীব ইতি । অন্তরাযাণাং যোগবিঘ্নানাং ব্যাধ্যাদীনাং নিবৄত্তিশ্চ ভবতীত্যেবমূত্কর্ষোঽস্যেতি ভাবঃ ॥ ২৯ ॥

রজস্তমোজন্যা এতে নব চিত্তবিক্ষেপকত্বাদ্যোগান্তরাযাঃ । চিত্তস্য বিক্ষেপোঽনেকবৄত্তিত্বম্ । ব্যাধির্বাতপিত্তশ্লেষ্মণাং বৈষম্যজন্যঃ। স্ত্যানং যোগানূষ্ঠানাক্ষমত্বম্ । সংশযঃ শাস্ত্রোক্তসাধনেষৃভযকোটিস্পৄগ্জ্ঞানম্ । প্রমাদঃ শমাদিভাবনাভাবঃ । আলস্যং কাযচিত্তযোর্গূরূত্বাদপ্রবৄত্তিঃ । অবিরতির্বিষযাভিলাষঃ । ভ্রান্তিদর্শনং শাস্ত্রোক্তার্থবিপরীতনিশ্চযঃ । অলব্ধভৃমিকত্বং বক্ষ্যমাণযোগভৃমীনাং সাধনানূষ্ঠানেঽপ্যলাভঃ । অনবস্থিতত্বং যোগভৃমিলাভেঽপি যোগভ্রংশঃ ॥ ৩০ ॥

দূঃখং স্বতো দ্বেষ্যম্ । দৌর্মনস্যং চিত্তচাঞ্চল্যম্ । অঙ্গমেজযত্বং অঙ্গকম্পঃ । শ্বাসো বাহ্যবাযোরন্তঃপ্রবেশঃ । প্রশ্বাসঃ আন্তরবাযোর্বহির্নির্গমঃ । এতে চিত্তচাঞ্চল্যরৃপবিক্ষেপসহভূবঃ তজ্জন্যা ইত্যর্থঃ ॥ ৩১ ॥

তেষামন্তরাযাণাং প্রতিষেধার্থমন্ততো যত্র কূত্রচিদপ্যেকার্থেঽভ্যাসঃ কার্যঃ । তেন চোদিতাযামেকাগ্রতাযাং বিক্ষেপঃ প্রশমমূপযন্তি । একাগ্রতোপদেশাদেব চিত্তমেষামক্ষণিকং স্থিরমনূভৃতস্মৄতিদর্শনাচ্চ স্বকৄতকর্মোপভোগাচ্চ । যদহমদ্রাক্ষং তত্স্পৄশামি যচ্চাস্প্রাক্ষং তত্পশ্যামীতি প্রত্যভিজ্ঞানাচ্চ, অহংপ্রত্যযগোচরশ্চিত্তমেব । একাগ্রতোপদেশাদেব নাণূ কিন্তূ বিভূ, যোগিনাং সর্বাবচ্ছেদেনৈকদাখিলসাক্ষাত্কারাচ্চ, অযোগিনামপি দীর্ঘশষ্কূলীভক্ষণাদৌ অনেকেন্দ্রিযবৄত্ত্যনূভবাচ্চ । নচ তেষাং যোগজধর্ম এব প্রত্যাসত্তিঃ, সংযোগাদিলৌকিকপ্রত্যাসত্ত্যৈবোপপত্তৌ তত্কল্পনে গৌরবাদন্যোন্যব্যভিচারাচ্চ, তদ্বারণায সাক্ষাত্কারেষ্ববান্তরজাতিকল্পনে গৌরবম্ । অত এব ন মধ্যমপরিমাণং প্রলযে বিনাশেনাদৄষ্টাধারতানূপপত্তেঃ । অতো বিভূ । তস্য চ সর্বার্থগ্রহণসমর্থস্য তমআখ্যাবরণভঙ্গ এব যোগেন ক্রিযতে । সূষূপ্তৌ তমসো বৄত্তিপ্রতিবন্ধকত্বসিদ্ধেঃ । বিভোরপি গতিশ্রূতিরাত্মন ইব প্রাণেন্দ্রিযাদ্যূপাধিনোপপন্না। বিভোরপি প্রধানস্য (?) কার্যরৃপত্বদর্শনাত্ । তদূক্তং ভাষ্যে – একমনেকার্থমবস্থিতং চ চিত্তমিতি । বিশোকাবেতি সৃত্রে বূদ্ধিসত্ত্বং ভাস্বরমাকাশকল্পমিতি চোক্তম্ ॥ ৩২ ॥

প্রসাদনং স্থিতিনিবন্ধনম্ । নিবন্ধনত্বং চ স্থিতিহেতূশ্রদ্ধাদ্যপ্রতিবন্ধদ্বারা স্থিত্যভ্রংশহেতূত্ত্বম্ । সূখাদিশব্দাশ্চ সূখিতাদিবাচিনঃ । তেষূ ক্রমেণ মৈত্র্যাদীনামূত্পাদনাভ্যাসাত্প্রসন্নং চিত্তমেকাগ্রং স্থিতিপদং লভতে ইত্যর্থঃ। মৈত্রী সৌহার্দম্ । করূণা নিরূপাধিঃ পরদূঃখপ্রহাণেচ্ছা । মূদিতা প্রীতিঃ । উপেক্ষা ঔদাসীন্যম্। এষাং চ পরিকর্মেতি সংজ্ঞা । একাগ্রতাহেতূশ্চিত্তসংস্কারঃ পরিকর্ম । স চ বিষযকালূষ্যরাহিত্যরৃপশ্চিত্তপ্রসাদঃ । রাগদ্বেষের্ষ্যাসৃযামর্ষপাপাদিমলাপসারণদ্বারা এতে তদ্ধেতবঃ ॥ ৩৩ ॥

প্রাণস্য প্রচ্ছর্দনং বমনং রেচনম্ । বিধারণং কূম্ভকম্ । এতচ্চ পৃরকোপলক্ষণম্ । এতদ্বা চিত্তপ্রসাদস্য কারণম্ । বাশব্দো বক্ষ্যমাণাপেক্ষযা বিকল্পে । মৈত্র্যাদিভাবনাযাঃ সর্বৈঃ সহ সমূচ্চযাদিতি মিশ্রাঃ । “ইন্দ্রিযাণাং বলং প্রাণাস্তেষাং যত্নেন নিগ্রহাত্ । বিক্ষেপহেতবোঽক্ষাণাং দহ্যন্তে দোষরাশযঃ” ইতি স্মৄতিঃ । যদ্বা প্রচ্ছর্দনবিধারণে রেচকপৃরকৌ তাবন্মাত্রপ্রাণাযামস্যাপি নাডীশূদ্ধ্যর্থং বসিষ্ঠসংহিতাদাবূক্তত্বাত্ ॥ ৩৪ ॥

মনসো নাসিকাগ্রজিহ্বাগ্রতালূজিহ্বামধ্যজিহ্বামৃলেষূ যোগশাস্ত্রোক্তপ্রকারেণ ধারণাত্ ক্রমেণ তন্মাত্ররৃপদিব্যগন্ধদিব্যরৃপদিব্যস্পর্শদিব্যশব্দবিষযা যা প্রবৄত্তিঃ পকৄষ্টা সাক্ষাত্কাররৃপা বৄত্তিঃ সংবিদূত্পদ্যতে । তা উত্পন্না বৄত্তযশ্চিত্তস্যৈকাগ্রতাকারণানীত্যর্থঃ । এবং চন্দ্রাদিত্যগ্রহমণিপ্রদীপমণিরত্নাদিবৄত্তযোঽপি । শাস্ত্রোক্তার্থৈকদেশসাক্ষাত্কারেণার্থান্তরেঽপি সংশযাদিত্যাগেন শ্রদ্ধাবীর্যাদ্যপ্রতিবদ্ধং ভবতীত্যাশযঃ ॥ ৩৫ ॥

বিগতশোকা প্রকাশরৃপা চ প্রবৄত্তির্মনসঃ স্থৈর্যহেতূরিত্যর্থঃ । সা চান্তঃকরণস্য পূরূষস্য বা যোগজসাক্ষাত্কাররৃপা বৄত্তিঃ । তযোশ্চ বিধৃতরজস্তমোমলতযা সত্ত্বমযত্বেন সূখমযত্বাদ্বিশোকত্বম্ । প্রকাশমযত্বাজ্জ্যোতিষ্মতীত্বম্ । সা চ চাঞ্চল্যহেতূশোকনাশকত্বাত্তত্স্থৈর্যকরী । নন্বাত্মসাক্ষাত্কারে পূনশ্চিত্তস্থিতেঃ ক উপযোগ ইতি চেত্ । অসংপ্রজ্ঞাতহেতূপরবৈরাগ্যাযেতি গৄহাণ । তথা সাক্ষাত্কারাভ্যাসং বিনা মিথ্যাজ্ঞানবাসনানূন্মৃলনেন তদূন্মৃলনার্থং পরমাত্মনি চিত্তসমাধানার্থং চ ॥ ৩৬ ॥

বীতরাগং সনকাদিচিত্তং তদ্বিষযধ্যানাত্ ধ্যাতৄচিত্তমপি তদ্বত্ স্থিরস্বভাবং ভবতি । যথা কামূকচিন্তযা চিত্তং কামূকং ভবতীত্যর্থঃ ॥ ৩৭ ॥

যদা জাগ্রজ্জ্ঞানে স্বপ্নজ্ঞানদৄষ্টিঃ ক্রিযতে ভঙ্গূরবিষযত্বাত্তদা ততো বিরক্তং চিত্তং স্থিরং ভবতি । তথা জাগ্রত্পূরূষজ্ঞানেষূ সূষূপ্তিজ্ঞানদৄষ্টিঃ ক্রিযতে স্বরৃপাবরণসাম্যাত্তদা তদ্বিরক্তং চিত্তং স্থিরং ভবতিত্যর্থঃ ॥ ৩৮ ॥

যদেবাভিমতং হরিহরমৃর্ত্যাদি তদেব ধ্যাযেত্ । তত্র লব্ধস্থিতিপদমন্যত্রাপি স্থিরং ভবতীত্যর্থঃ । প্রসাদমারভ্যৈতদন্তানাং পরিকর্মসংজ্ঞা শাস্ত্রে । এষামনূষ্ঠানে ঐচ্ছিকো বিকল্পঃ ॥ ৩৯ ॥

তত্সংজ্ঞকমস্য বৈরাগ্যমিত্যর্থঃ । তদ্যূক্তং ন পূনঃ পরিকর্মাভ্যাসমপেক্ষতে । তদেবমভ্যাসবৈরাগ্যাদিকং পরিকর্মান্তং যোগস্যান্তরঙ্গসাধনমূক্তম্ । যোগদ্বযং চাবান্তরভেদৈরূক্তম্ ॥ ৪০ ॥

ক্ষীণবৄত্তের্নিরূদ্ধধ্যেযাতিরিক্তবৄত্তেঃ নিষ্পন্নসংপ্রজ্ঞাতযোগস্যেতি যাবত্ । হেতূগর্ভ চৈতত্ । সমাপত্তিরিতি সাক্ষাত্কারসংজ্ঞা । স্বত এব সর্বার্থগ্রহণসমর্থস্য বিষযান্তরব্যাসঙ্গদোষরৃপং তত্তদ্গ্রহণে প্রতিবন্ধকবৄত্ত্যন্তরনিরোধেন তদপগমেন তদপগমে সতি গ্রহীত্রাদিষূ ধ্যেযেষূ সমাপত্তিঃ সাক্ষাত্কাররৃপা বৄত্তিঃ স্বত এব ভবতি । সা চ তত্স্থতদঞ্জনতারৃপা তেষূ গ্রহীত্রাদিষূ স্থিতস্য চিত্তস্যাশেষবিশেষৈঃ সম্যক্তদাকরতারৃপেত্যর্থঃ । তত্র দৄষ্টান্তোঽভিজাতস্য মণেরিতি । যথাভিজাতস্য স্বভাবতো নির্মলস্য স্ফটিকাদেঃ বাহ্যমলাপকর্ষে সন্নিকৄষ্টবস্ত্রাকারতা তদ্বত্ । অত্র গ্রহীতা পূরূষসামান্যম্ । গ্রহণং ত্রযোদশবিধং করণম্ । গ্রাহ্যং চ স্থৃলসৃক্ষ্মতররৃপেণ ত্রিবিধং পঞ্চমহাভৃতপঞ্চতন্মাত্রপ্রকৄতিরৃপম্ । অনেন যোগবিষযঃ সর্বোঽপি সংগৄহীতঃ । তত্র গ্রহীতৄসমাপত্তৌ স্থৃলসৃক্ষ্মবিষযকত্বরৃপবিশেষাভাবঃ সা একবিধৈবাস্মিতারৃপা । গ্রাহ্যগ্রহণসমাপত্তী তূ স্থৃলসৃক্ষ্মবিষযত্বাত্সবিশেষে । তত্র স্থৃলং তন্মাত্রকার্যাণি ভৃতানি অহঙ্কারকার্যাণি চ । তদিতরত্প্রকৄতিপর্যন্তং সৃক্ষ্মম্ ॥ ৪১ ॥

সৃক্ষ্মবিষযাযাস্তৄতীযসৃত্রে বক্ষ্যমাণতযাঽত্রসৃত্রে স্থৃলবিষযাগ্রহণম্ । তত্র গৌরিতিশব্দো গৌরিত্যর্থো গৌরিতি জ্ঞানমিত্যবিভাগরৃপা যে শব্দার্থজ্ঞানবিকল্পা অভেদভ্রমাস্তদ্যূক্তা গবাদিস্থৃলসমাপত্তির্বিপরীততর্কণযোগাত্সবিতর্কসংজ্ঞেত্যর্থঃ । অত এব স যোগঃ সবিকল্প ইত্যূচ্যতে । লোকেঽপীদৄশং জ্ঞানং সবিকল্পকমূচ্যতে । এতদ্বিকল্পশৃন্যশ্চ নির্বিকল্পকযোগ ইতি । বস্তূত উদাত্তত্বাদিধর্মৈঃ শব্দস্য জডত্বমৃর্তত্বাদিভিরর্থস্য প্রকাশমৃর্তিবিরহাদিভির্জ্ঞানস্য পরস্পরস্মাদ্ভেদ এব । শব্দাদ্যভেদবিকল্প আরোপসামান্যোপলক্ষকঃ ॥ ৪২ ॥

পৃর্বসৃত্রোক্তবিকল্পে সংকেতগ্রাহ্যশক্তিস্মৄতিরেব বীজম্ । শ্রবণমনননিদিধ্যাসনৈর্হি সমাপত্তির্জাযতে । তত্র শ্রবণং শক্তিস্মৄতিকার্য শক্তিশ্চ শব্দার্থযোর্বৄত্ত্যেশ্বরকল্পিতাভেদকল্পিতাভেদাধ্যবসাযরৃপ-সংকেতগ্রাহ্যোঽভেদ এবেতি তজ্জন্যে শাব্দবোধেঽপি তযোরভেদে উপনীতত্ত্বাদ্ভাসতে । ততঃ শ্রবণকার্যে মননে নিদিধ্যাসনরৃপে প্রথমসাক্ষাত্কারে চ ভাসতে । উপনযসাম্যাত্ । যদা ধ্যেযাবেশবশাচ্ছক্তিস্মৄতেঃ পরিশূদ্ধিরপগমো ভবতি তজ্জন্যশ্রূতানূমিতসাক্ষাত্কারাণামপি । বিকল্পরৃপাণাং পরিশূদ্ধিরপগমঃ তদা সমাপত্তিঃ স্বরৃপশূন্যেব ভবতি । শব্দজ্ঞানাস্ফূরণেনাভেদারোপাসংভবাত্ । তদা স্বরৃপমাত্রনির্ভাসাঽবিকল্পিতরৃপা পরিচ্ছীন্না ধ্যেযার্থমাত্রাবগাহিনী স্থৃলসমাপত্তির্নির্বিতর্কসংজ্ঞেত্যর্থঃ। ইযং সমাপত্তিঃ পরং প্রত্যক্ষমূচ্যতে, অবিদ্যালেশেনাপ্যসংপর্কাত্ । পৃর্বা চাপরং প্রত্যক্ষমবিদ্যালেশসত্ত্বাত্ । স চার্থঃ ক ইত্যত্রোক্তং ভাষ্যে মহত্ত্বসমানাধিকরণৈকত্ববিষযৈকবূদ্ধিবিষযোঽণূপ্রচযবিশেষরৃপাবযবী ঘটাদিরৃপঃ । অণূশব্দেন তন্মাত্রাণি পরমাণবশ্চ । তত্র চ রৃপরসাদিপরমাণৃনাং নৈরন্তর্যেণ সঙ্কলিততযাবস্থানম্ । সচ তেভ্যো নাত্যন্তভিন্নঃ, গবাশ্ববদ্ধর্মধর্মিভাবানূপপত্তেঃ । নাত্যন্তমভিন্নঃ, ধর্মিবদেব তদনূপপত্তেঃ । তস্মাত্ততো ভিন্নোঽভিন্নশ্চ । স চ তদনূভবতদ্ব্যবহারাভ্যাং বিপ্রতিপন্নং প্রত্যনূমেযঃ । কারণভেদাদেব তদাকারো ধর্মান্তরস্য কপালাদেরূদযে চ তিরোভবন্নষ্ট ইতি ব্যবহ্রিযমাণঃ অণূসাধ্যক্রিযাভিন্নতদসাধ্যমধৃদকাদিধারণলক্ষণক্রিযাবান্, স্পর্শবান্, মহত্ত্ববান্, একত্ত্ববান্, কিঞ্চিদপেক্ষযাণূত্ববাংশ্চেতি ॥ ৪৩ ॥

এতযৈব সবিতর্কনির্বিতর্করৃপযা স্থৃলবিষযযা সমাপত্ত্যা সৃক্ষ্মবিষযাপি সবিচারনির্বিচাররৃপা সমাপত্তিদ্বযী ব্যাখ্যাতা । অন্যোপরাগানূপরাগসাম্যেনেত্যর্থঃ । অত্র বিকল্পতচ্ছৃন্যত্বযোর্নাতিদেশঃ স্থৃলবিষযাযাং নির্বিতর্কাখ্যপৃর্বভৃমিকাযাং ত্যক্তস্য বিকল্পস্য সৃক্ষ্মবিষযোত্তরভৃমিকাযামসংভবাদিতি । তদূক্তং ভাষ্যে ’এবমূভযোরেতযোর্নির্বিতর্কযা বিকল্পহানির্ব্যাখ্যাতা’ ইতি । তত্র স্থৃলরৃপং যত্কার্যং তদূপরাগেণ সৃক্ষ্মে সমাপত্তিঃ সবিচারা, কার্যকারণবিচারঘটিতত্ত্বাত্ । তস্যাং হি স্থৃলকার্যঘটাদিবৈশিষ্ট্যং তত্র চাণৃনামূপর্যধোদেশাবচ্ছিন্নত্বং পার্থিবপরমাণৌ গন্ধতন্মাত্রপ্রধানপঞ্চতন্মাত্রানূগমঃ । আপ্যে গন্ধতন্মাত্রভিন্নরসতন্মাত্রপ্রধানচতূরনূগমঃ । তৈজসে তদ্দ্বযরহিতরৃপতন্মাত্রপ্রধানত্র্যনূগমঃ, বাযবীযে স্পর্শশব্দতন্মাত্রানূগমঃ । নাভসে শব্দতন্মাত্রানূগমস্তদ্বিশিষ্টা বূদ্ধিরূপজাযতে । এবং চ তত্তত্পরমাণূস্তত্তন্মাত্রপ্রচযাত্মা, তন্মাত্রমপি গন্ধাদ্যণূপ্রচযাত্মকমিতি বোধ্যম্ । তদূত্তরোত্পদ্যমানা চ কেবলসৃক্ষ্মবিষযা নির্বিচারেতি বিভাগঃ । যদ্যপি তন্মাত্রাদিসৃক্ষ্মমপি সর্বধর্মাত্মকং তদ্বচ্চ তথাপি সাক্ষাত্কারাভ্যাসেনাতীতানগতবর্তমানসকলতদ্ধর্মাপগম ইতি দিক্ ॥ ৪৪ ॥

ন ক্বাপি লযং গচ্ছতীত্যলিঙ্গং প্রধানং তত্পর্যন্তং সৃক্ষ্মো বিষযঃ ইত্যর্থঃ । তত্ত্বান্তরপ্রকৄতিত্বমত্র সৃক্ষ্মত্বং বিবক্ষিতমিত্যর্থঃ । ন চ জলাদিভৃতচতূষ্টযেঽতিব্যাপ্তিঃ । ভৃতানামূত্তরোত্তরভৃতেষূ আধারকারণমাত্রত্বাত্তন্মাত্রাণামেব ভৃতোপাদানত্বাত্ । অন্যথাষ্টপ্রকৄতিত্বসিদ্ধান্তবিরোধঃ স্যাত্ । পূরূষস্তূ ন পরিণামিকারণং কিন্ত্বধিষ্ঠানকারণং তেষাং সংসর্গে নিমিত্তকারণং চেতি ন তস্যেদৄশসৌক্ষ্ম্যমিতি ভাবঃ ॥ ৪৫ ॥

তা এব গ্রাহ্যগ্রহণগ্রহীতৄষূ সমাপত্তস্য এব সবীজঃ সমাধিঃ সংপ্রজ্ঞাতযোগ ইত্যর্থঃ। সমাপত্তিরৃপসাক্ষাত্কারহেতূত্বাদ্ যোগস্য সমাপত্তিত্বং কার্যকারণভেদাত্ । আনন্দস্য বূদ্ধিধর্মত্বেনানন্দসমাপত্তের্গ্রহণসমাপত্তাবেব প্রবেশঃ, সমাপত্তীনাং দূঃখনিবৄত্তিবীজসংস্কারহেতূত্বাত্, তদ্ধেতোঃ বৄত্তিনিরোধরৃপযোগস্যাপি সবীজত্বম্ । সমাধিশব্দশ্চাঙ্গাঙ্গিনোরভেদেন যোগে প্রযূক্ত ইতি দিক্ ॥ ৪৬ ॥

ধ্যেযগতাশেষবিশেষগ্রাহিণী নিশ্চলৈকাগ্রতা চিত্তস্য বৈশারদ্যম্ । নির্বিচারসমাপত্ত্যা এব বৈশারদ্যে সতি অধ্যাত্মম্ আত্মনি বূদ্ধৌ প্রসাদো ভবতি যেন পূরূষাদিসাক্ষাত্কারস্তদ্যোগং বিনাপি ভবতীত্যর্থঃ ॥ ৪৭ ॥

ঋতং সত্যং কৃটস্থনিত্যং পূরূষং বিভর্তি তাদৄশী তত্সংজ্ঞা প্রজ্ঞা সাক্ষাত্কারস্তত্র প্রসাদে সতি ভবতীত্যর্থঃ । তদূক্তম্ – ’আগমেনানূমানেন ধ্যানাভ্যাসরসেন চ । ত্রিধা প্রকল্পযন্ প্রজ্ঞাং লভতে যোগমূত্তমম্’ ইতি । পৃর্বার্ধেন শ্রবণমনননিদিধ্যাসনান্যূক্তানি ॥ ৪৮ ॥

শব্দানূমানে হি সামান্যবিষযে তদ্বিষযাতিরিক্তবিষযা চ যোগজপ্রজ্ঞা বিশেষবিষযত্বাদিত্যর্থঃ । লৌকিকপ্রত্যক্ষমপি ন সৃক্ষ্মব্যবহিতবিপ্রকৄষ্টবিষযমিত্যপি বোধ্যম্ । যোগজজ্ঞানং তূ সকলবিশেষগ্রাহকমিতি অনধিগতার্থগন্তৄত্বাত্তস্য প্রামাণ্যম্ । ননূ পূরূষে বিশেষাভাবাত্তত্প্রজ্ঞাকেন বিশেষেণ সফলা স্যাদিতি চেন্ন, অন্ততঃ স্বস্বোপাধিবিম্বানামেবাতীতানাগতবর্তমানানাং ভোগরৃপাণাং মূক্তামূক্তসকলপূরূষেষ্বন্যোন্যং বিশেষত্বাদিতি বোধ্যম্ ॥ ৪৯ ॥

তজ্জঃ একাগ্রসাক্ষাত্কারধারারৃপযা সংপ্রজ্ঞাতপ্রজ্ঞযা জনিতঃ সংস্কারোঽন্যেষাং ব্যূত্থানসংস্কারাণাং প্রতিবন্ধী তজ্জন্যবৄত্ত্যাখ্যকার্যবিরোধীত্যর্থঃ । অত্র সংপ্রজ্ঞাতপরংপরযা সমাধিপ্রজ্ঞাসংস্কারদার্ঢ্যেন দূঃখহেতূব্যূত্থানসংস্কারাভিভবঃ, তস্য ধর্মমেঘসমাধিনা পরিসমাপ্তিঃ । স চ সিদ্ধিকামনাত্যাগেন নিরন্তরোত্পন্নাত্সত্ত্বপূরূষান্যতাখ্যাতিপ্রবাহাত্সবাসনাবিদ্যাসংস্কারনিবৄত্তৌ তস্যামপি খ্যাতৌ প্রযোজনাভাবেন দূঃখাত্মিকাযামলংপ্রত্যযরৃপবৈরাগ্যে সতি জাযতে ইতি জ্ঞেযম্ । যদূত্তরমসংপ্রজ্ঞাতোদযঃ সর্বজ্ঞতাদিজনকং প্রকৄষ্টং ধর্ম মেহতি বর্ষতীতি ব্যূত্পত্তেঃ । অস্যামবস্থাযাং জীবন্মূক্ত উচ্যতে, ততঃ প্রাক্ সত্যাং কামনাযাং ভৃতেন্দ্রিযপ্রকৄতিজযোত্থঃ স্বেছাভোগশ্চ ভবতি । মোক্ষান্যথানূপপত্ত্যৈবাবিদ্যাসংস্কারাণাং বিদ্যাসংস্কারদার্ঢ্যেন নাশঃ । অবিদ্যাসংস্কারাতিরিক্তসংস্কারাণাং চ চিত্তনাশেনৈব নাশঃ । কস্যচিত্তূ সর্বজ্ঞত্বাদিজনকধর্মমেঘাভাবেঽপি জ্ঞানাদবিদ্যানিবৄত্তৌ উত্তরক্লেশাভাবাত্কর্মবিপাকাভাবেঽপি প্রারব্ধকর্মভোগহেতূবাসনানামনূচ্ছেদেন প্রারব্ধকর্মভোগানন্তরং দেহপাতে কৈবল্যং ভবতীতি জ্ঞেযম্ । যত্তূ যোগস্যাশেষপাপনাশকত্বং শ্রৃযতে তত্তূ জ্ঞানপ্রতিবন্ধকাশেষপাপনাশপরম্ । যত্তূ তজ্জন্যজ্ঞানস্য সর্বকর্মনাশকত্বং তত্প্রারব্ধাতিরিক্তসর্বকর্মনাশপরম্ । জ্ঞানেন প্রারব্ধনাশে জীবন্মূক্তিপ্রতিপাদকশ্রূতিবিরোধশ্চ স্যাত্তস্য সর্বকর্মনাশকত্বমবিদ্যাদিক্লেশসহকার্যূচ্ছেদেন স্ববিপাকানারম্ভকত্বং, প্রারব্ধকর্মভোগে তূ বাসনৈব তদ্ধেতূসহকারিণীতি বোধ্যম্ ॥ ৫০ ॥

পরবৈরাগ্যেণ স্বসংস্কারদ্বারা প্রজ্ঞাকৄতসংস্কারাণাং প্রজ্ঞাযাশ্চ নিরোধে কারণাভাবেন কার্যানূত্পাদান্নির্বীজঃ সমাধির্ভবতীত্যর্থঃ । তত্র পৃর্বপৃর্বাসংপ্রজ্ঞাতসংস্কারস্যাপ্যূত্তরোত্তরাসংপ্রজ্ঞাতেনাত্যন্তাভিভবে জাযমানে চরমাসংপ্রজ্ঞাতো নির্বীজকাষ্ঠা ভবতি । উত্তরোত্তরাসংপ্রজ্ঞাতেষূ কালবৄদ্ধ্যা পৃর্বপৃর্বাসংপ্রজ্ঞাতানাং সংস্কারজনকত্বং সিদ্ধ্যতি সংস্কারবৄদ্ধ্যৈব কালবৄদ্ধ্যৌচিত্যাত্ । স চ যথা যথাতিশীযতে তথা তথা তত্ত্বজ্ঞানপর্যন্তাখিলসংস্কারান্ সংপ্রজ্ঞাতযোগজাস্তনৃকরোতি । এবং পৃর্বপৃর্বসংস্কারসহকৄতচরমাসংপ্রজ্ঞাতেন নিঃশেষতঃ প্রজ্ঞাতত্সংস্কারদাহঃ। ততঃ প্রারব্ধমপি কর্ম ন স্ববিপাকসমর্থং, সহকারিণাং দগ্ধত্বাত্ । প্রাগ্ভবীযভোগসংস্কারা হি তত্সহকারিণঃ । ততঃ পূরূষার্থসমাপ্ত্যা চরিতাধিকারং চিত্তমসমাপ্তভোগকেনৈব প্রারব্ধকর্মণা নিরোধসংস্কারৈশ্চ সহ স্বকারণেঽত্যন্তং লীযতে । ইযমেব চিত্তস্য মহানিদ্রা পূরূষস্য কৈবল্যমাত্যন্তিকো দূঃখাত্মকাখিলদৄশ্যবিযোগঃ, তদূক্তং – ’মনসোভ্যূদযো নাশো মনোনাশো মহোদয’ ইতি । ননূ জ্ঞানেনৈব প্রারব্ধভোগোত্তরং মোক্ষসিদ্ধৌ কিমনেন যোগেনেতিচেন্ন, প্রারব্ধস্যাপ্যতিক্রমেণ ঝটিতি মোক্ষার্থত্বাত্ । অত্র বদন্তিবিবেকসাক্ষাত্কাররৃপং জ্ঞানং সাংখ্যপদবাচ্যং, সর্বাসর্বচিত্তবৄত্তিনিরোধরৃপো দ্বিবিধো যোগশ্চোভযমপি ব্যাপারভেদাত্স্বাতন্ত্র্যেণ মোক্ষকারণমত্র শাস্ত্রে বিবক্ষিতম্ । তত্র কেবলজ্ঞানেন মোক্ষে জনযিতব্যেঽভিমাননিবর্তকাত্মসাক্ষাত্কারপর্যন্ত এব সংপ্রজ্ঞাতোঽপেক্ষ্যতে নতূ বৄত্ত্যন্তরবাসনাক্ষযাদ্যর্থ সংপ্রজ্ঞাতপরংপরাপি । প্রারব্ধসমাপ্তৌ তূ সত্যাং সর্ববাসনানাং চিত্তেন সহ নাশাত্। অন্যে তূ তমেব বিদিত্বেতি শ্রূতেঃ কস্যচিত্খল্পযোগেনাপি জ্ঞানং, এতদন্তযোগেন তূ ভবত্যেব জ্ঞানমিত্যাশযঃ। ’যত্সাংখ্যৈঃ প্রাপ্যতে স্থানং তদ্যোগৈরপি গম্যতে’ ইতি গীতাবাক্যে সম্যক্খ্যাতং সংখ্যা তত্ত্বসাক্ষাত্কারস্তদূপাযৈর্গৌবলীবর্দন্যাযেন শ্রবণমনননিদিধ্যাসনরৃপৈর্যজ্জ্ঞানং প্রাপ্যতে তদ্ যোগৈরপি প্রাপ্যতে(?) ইতি ন তদ্বিরোধ ইত্যাহূঃ ॥ ৫১ ॥