ஶ்ரீஆதிநாதாய நமோ(அ)ஸ்து தஸ்மை யேநோபதிஷ்டா ஹடயோகவித்யா ।
விப்ராஜதே ப்ரோந்நதராஜமார்கமரோடுமிச்சந்நதிரோஹிணீவ ॥ 1 ॥
ப்ரணம்ய ஶ்ரீகுரும் நாதம் ஸ்வாத்மாராமேண யோகிநா ।
கேவலம் ராஜயோகாய ஹடவித்யோபதிஶ்யதே ॥ 2 ॥
ப்ராந்த்யா பஹுமதத்வாந்தே ராஜயோகமஜாநதாம் ।
ஹடப்ரதீபிகாம் தத்தே ஸ்வாத்மாராம: க்ருபாகர: ॥ 3 ॥
ஹடவித்யாம் ஹி மத்ஸ்யேந்த்ரகோரக்ஷாத்யா விஜாநதே ।
ஸ்வாத்மாராமோ(அ)தவா யோகீ ஜநீதே தத்ப்ரஸாதத: ॥ 4 ॥
ஶ்ரீஆதிநாதமத்ஸ்யேந்த்ரஶாபராநந்தபைரவா: ।
சௌரங்கீமீநகோரக்ஷவிரூபாக்ஷபிலேஶயா: ॥ 5 ॥
மந்தாநோ பைரவோ யோகீ ஸித்திர்புத்தஶ்ச கந்தடி: ।
கோரண்டக: ஸுராநந்த: ஸித்தபாதஶ்ச சர்படி: ॥ 6 ॥
காநேரீ பூஜ்யபாதஶ்ச நித்யநாதோ நிரஞ்ஜந: ।
கபலீ பிந்துநாதஶ்ச காகசண்டீஶ்வராஹ்வய: ॥ 7 ॥
அல்லம: ப்ரபுதேவஶ்ச கோடாசோலீ ச டிண்டிணி: ।
பாநுகீ நாரதேவஶ்ச கண்ட: காபாலிகஸ்ததா ॥ 8 ॥
இத்யாதயோ மஹாஸித்தா ஹடயோகப்ரபாவத: ।
கண்டயித்வா காலதண்டம் ப்ரஹ்மாண்டே விசரந்தி தே ॥ 9 ॥
அஶேஷதாபதப்தாநாம் ஸமாஶ்ரயமடோ ஹட: ।
அஶேஷயோகயுக்தாநாமாதாரகமடோ ஹட: ॥ 10 ॥
ஹடவித்யா பரம் கோப்யா யோகிநா ஸித்திமிச்சதா ।
பவேத் வீர்யவதீ குப்தா நிர்வீர்யா து ப்ரகாஶிதா । ॥ 11 ॥
ஸுராஜ்யே தார்மிகே தேஶே ஸுபிக்ஷே நிருபத்ரவே ।
தநு: ப்ரமாணபர்யந்தம் ஶிலாக்நிஜலவர்ஜிதே ।
ஏகாந்தே மடிகாமத்யே ஸ்தாதவ்யம் ஹடயோகிநா ॥ 12 ॥
அல்பத்வாரமரந்த்ரகர்தவிவரம் நாத்யுச்சநீசாயதம் ।
ஸம்யக்கோமயஸாந்த்ரலிப்தமமலம் நிஶ்ஶேஷஜந்தூஜ்ஜிதம் ।
பாஹ்யே மண்டபவேதிகூபருசிரம் ப்ராகாரஸம்வேஷ்டிதம் ।
ப்ரோக்தம் யோகமடஸ்ய லக்ஷணமிதம் ஸித்தைர்ஹடாப்யாஸிபி: ॥ 13 ॥
ஏவம்விதே மடே ஸ்தித்வா ஸர்வசிந்தாவிவர்ஜித: ।
குரூபதிஷ்டமார்கேண யோகமேவ ஸதாப்யஸேத் ॥ 14 ॥
அத்யாஹார: ப்ரயாஸஶ்ச ப்ரஜல்போ நியமக்ரஹ: ।
ஜநஸங்கஶ்ச லௌல்யம் ச ஷட்பிர்யோகோ விநஶ்யதி ॥ 15 ॥
உத்ஸாஹாத் ஸாஹஸாத் தைர்யாத் தத்த்வஜ்ஞாநாச்ச நிஶ்சயாத் ।
ஜநஸங்கபரித்யாகாத் ஷட்பிர்யோக: ப்ரஸித்த்யதி ॥ 16 ॥
அத யமநியமா: -
(அஹிம்ஸா ஸத்யமஸ்தேயம் ப்ரஹ்மசர்யம் க்ஷமா த்ருதி: ।
தயார்ஜவம் மிதாஹார: ஶௌசம் சைவ யமா தஶ ॥
தப:ஸந்தோஷ ஆஸ்திக்யம் தாநமீஶ்வரபூஜநம் ।
ஸித்தாந்தவாக்யஶ்ரவணம் ஹ்ரீமதீ ச ஜபோ ஹுதம் ।
நியமா தஶ ஸம்ப்ரோக்தா யோகஶாஸ்த்ரவிஶாரதை: । )
ஹடஸ்ய ப்ரதமாங்கத்வதாஸநம் பூர்வமுச்யதே ।
குர்யாத் ததாஸநம் ஸ்தைர்யமாரோக்யம் சாங்கலாகவம் ॥ 17 ॥
வஸிஷ்டாத்யைஶ்ச முநிபி: மத்ஸ்யேந்த்ராத்யைஶ்ச யோகிபி: ।
அங்கீக்ருதாந்யாஸநாநி கத்யந்தே காநிசிந்மயா ॥ 18 ॥
ஜநூர்வோரந்தரே ஸம்யக் க்ருத்வா பாததலே உபே ।
ருஜுகாய: ஸமாஸீந: ஸ்வஸ்திகம் தத் ப்ரசக்ஷதே ॥ 19 ॥
ஸவ்யே தக்ஷிணகுல்பம் து ப்ருஷ்டபார்ஶ்வே நியோஜயேத் ।
தக்ஷிணே(அ)பி ததா ஸவ்யம் கோமுகம் கோமுகாக்ருதி ॥ 20 ॥
ஏகம் பாதம் ததைகஸ்மிந் விந்யஸேதூருணி ஸ்திரம் ।
இதரஸ்மிம்ஸ்ததா சோரும் வீராஸநமிதீரிதம் ॥ 21 ॥
குதம் நிருத்ய குல்பாப்யாம் வ்யுத்க்ரமேண ஸமாஹித: ।
கூர்மாஸநம் பவேதேததிதி யோகவிதோ விது ॥ 22 ॥
பத்மாஸநம் து ஸம்ஸ்தாப்ய ஜாநூர்வோரந்தரே கரௌ ।
நிவேஶ்ய பூமௌ ஸம்ஸ்தாப்ய வ்யோமஸ்தம் குக்குடாஸநம் ॥ 23 ॥
குக்குடாஸநபந்தஸ்தோ தோர்ப்யாம் ஸம்பத்ய கந்தராம் ।
பவேத் கூர்மவதுத்தாந ஏததுத்தாநகூர்மகம் ॥ 24 ॥
பாதாங்குஷ்டௌ து பாணிப்யாம் க்ருஹீத்வா ஶ்ரவணாததி ।
தநுராகர்ஷணம் குர்யாத் தநுராஸநமுச்யதே ॥ 25 ॥
வாமோருமூலார்பிததக்ஷபாதம் ஜாநோர்பஹிர்வேஷ்டிதவாமபாதம் ।
ப்ரக்ருஹ்ய திஷ்டேத் பரிவர்திதாங்க: ஶ்ரீமத்யநாதோதிதமாஸநம் ஸ்யாத் ॥ 26 ॥
மத்ஸ்யேந்த்ரபீடம் ஜடரப்ரதீப்திம் ப்ரசண்டருக்மண்டலகண்டநாஸ்த்ரம் ।
அப்யாஸத: குண்டலிநீப்ரபோதம் சந்த்ரஸ்திரத்வம் ச ததாதி பும்ஸாம் ॥ 27 ॥
ப்ரஸார்ய பாதௌ புவி தண்டரூபௌ தோர்ப்யாம் பதாக்ரத்விதயம் க்ருஹீத்வா ।
ஜாநூபரி ந்யஸ்தலலாடதேஶ: வஸேதிதம் பஶ்சிமதாநமாஹு: ॥ 28 ॥
இதி பஶ்சிமதாநநாமாஸநாக்ர்யம் பவநம் பஶ்சிமவஹிநம் காரோதி ।
உதயம் ஜடராநலஸ்ய குர்யாதுதரே கார்ஶ்யமரோகதாம் ச பும்ஸாம் ॥ 29 ॥
தராமவஷ்டப்ய கரத்வயேந தத்கூர்பரஸ்தாபிதநாபிபார்ஶ்வ: ।
உச்சாஸநோ தண்டவதுத்தித: கே மாயூரமேதத் ப்ரவதந்தி பீடம் ॥ 30 ॥
ஹரதி ஸகல்ரோகாநாஶுகுல்மோதராதீந்்
அபிபவதி ச தோஷாநாஸநம் ஶ்ரீமயூரம் ।
பஹு கதஶநபுக்தம் பஸ்மகுர்யாதஶேஷம்
ஜநயதி ஜடராக்நிம் ஜாரயேத்காலகூடம் ॥ 31 ॥
உத்தாநம் ஶவவத்பூமௌ ஶயநம் தச்சவாஸநம் ।
ஶவாஸநம் ஶ்ராந்திஹரம் சித்தவிஶ்ராந்திகாரகம் ॥ 32 ॥
சதுரஶீத்யாஸநாநி ஶிவேந கதிதாநி ச ।
தேப்யஶ்சதுஷ்கமாதாய ஸாரபூதம் ப்ரவீம்யஹம் ॥ 33 ॥
ஸித்தம் பத்மம் ததா ஸிம்ஹம் பத்ரம் சேதி சதுஷ்டயம் ।
ஶ்ரேஷ்டம் தத்ராபி ச ஸுகே திஷ்டேத் ஸித்தாஸநே ஸதா ॥ 34 ॥
யோநிஸ்தாநகமங்க்ரிமூலகடிதம் க்ருத்வா த்ருடம் விந்யஸேத்
மேட்ரே பாதமதைகமேவ ஹ்ருதயே க்ருத்வா ஹநும் ஸுஸ்திரம் ।
ஸ்தாணுஸ்ஸம்யமிதேந்த்ரியோ(அ)சலத்ருஶா பஶ்யேத் ப்ருவோரந்தரம்
ஹ்யேதந்மோக்ஷகபாடபேதஜநகம் ஸித்தாஸநம் ப்ரோச்யதே ॥ 35 ॥
மேட்ராதுபரி விந்யஸ்ய ஸவ்யம் குல்பம் ததோபரி ।
குல்பாந்தரம் ச நிக்ஷிப்ய ஸித்தாஸநமிதம் பவேத் ॥ 36 ॥
ஏதத்ஸித்தாஸநம் ப்ராஹுரந்யே வஜ்ராஸநம் விது: ।
முக்தாஸநம் வதந்த்யேகே ப்ராஹுர்குப்தாஸநம் பரே ॥ 37 ॥
யமேஷ்விவ மிதாஹாரமஹிம்ஸாம் நியமேஷ்விவ ।
முக்யம் ஸர்வாஸநேஷ்வேகம் ஸித்தா: ஸித்தாஸநம் விது: ॥ 38 ॥
சதுரஶீதிபீடேஷு ஸித்தமேவ ஸதாப்யஸேத் ।
த்வாஸப்ததிஸஹஸ்ராணாம் நாடீநாம் மலஶோதநம் ॥ 39 ॥
ஆத்மத்யாயீ மிதாஹாரீ யாவத்-த்வாதஶவத்ஸரம் ।
ஸதா ஸித்தாஸநாப்யாஸாத் யோகீ நிஷ்பத்திமாப்நுயாத் ॥ 40 ॥
கிமந்யைர்பஹுபி: பீடை: ஸித்தே ஸித்தாஸநே ஸதி ।
ப்ராணாநிலே ஸாவதாநே பத்தே கேவலகும்பகே ।
உத்பத்யதே நிராயாஸாத் ஸ்வயமேவோந்மநீ கலா ॥ 41 ॥
ததைகஸ்மிந்நேவ த்ருடே பத்தே ஸித்தாஸநே ஸதி ।
பந்தத்ரயமநாயாஸாத் ஸ்வயமேவோபஜாயதே ॥ 42 ॥
நாஸநம் ஸித்தஸத்ருஶம் ந கும்ப: கேவலோபம: ।
ந கேசரீஸமா முத்ரா ந நாதஸத்ருஶோ லய: ॥ 43 ॥
அத பத்மாஸநம் -
வாமோரூபரி தக்ஷிணம் ச சரணம் ஸம்ஸ்தாப்ய வாமம் ததா
தக்ஷோரூபரி பஶ்சிமேந விதிநா த்ருத்வா கராப்யாம் த்ருடம் ।
அங்குஷ்டௌ ஹ்ருதயே நிதாய சிபுகம் நாஸாக்ரமாலோகயேத்
ஏதத்வ்யாதிவிநாஶஹாரி யமிநாம் பத்மாஸநம் ப்ரோச்யதே ॥ 44 ॥
மதாந்தரே -
உத்தாநௌ சரணௌ க்ருத்வா ஊருஸம்ஸ்தௌ ப்ரயத்நத: ।
ஊருமத்யே ததோத்தாநௌ பாணீக்ருத்வா ததோ த்ருஶௌ ॥ 45 ॥
நாஸாக்ரே விந்யஸேத் ராஜதந்தமூலே து ஜிஹ்வயா ।
உத்தம்ப்ய சிபுகம் வக்ஷஸ்யுத்தாப்ய பவநம் ஶநை: ॥ 46 ॥
இதம் பத்மாஸநம் ப்ரோக்தம் ஸர்வவ்யாதிவிநாஶநம் ।
துர்லபம் யேந கேநாபி தீமதா லப்யதே புவி ॥ 47 ॥
க்ருத்வா ஸம்புடிதௌ கரௌ த்ருடதரம் பத்தவா து பத்மாஸநம்
காடம் வக்ஷஸி ஸந்நிதாய சிபுகம் த்யாயம்ஶ்ச தச்சேதஸி ।
வாரம் வாரமபாநமூர்த்வமநிலம் ப்ரோத்ஸாரயந் பூரிதம்
ந்யஞ்சந் ப்ராணமுபைதி போதமதுலம் ஶக்திப்ரபாவாந்நர: ॥ 48 ॥
பத்மாஸநே ஸ்திதோ யோகீ நாடீத்வாரேண பூரிதம் ।
மாருதம் தாரயேத் யஸ்து ஸ முக்தோ நாத்ர ஸம்ஶய: ॥ 49 ॥
அத ஸிம்ஹாஸநம் -
குல்பௌ ச வ்ருஷணஸ்யாத: ஸீவந்யா: பார்ஶ்வயோ: க்ஷிபேத்
தக்ஷிணே ஸவ்யகுல்பம் து தக்ஷகுல்பம் து ஸவ்யகே ॥ 50 ॥
ஹஸ்தௌ து ஜாந்வோ: ஸம்ஸ்தாப்ய ஸ்வாங்குலீ: ஸம்ப்ரஸார்ய ச ।
வ்யத்தவக்த்ரோ நிரீக்ஷேத நாஸாக்ரம் ஸுஸமாஹித: ॥ 51 ॥
ஸிம்ஹாஸநம் பவேதேதத் பூஜிதம் யோகிபுங்கவை: ।
பந்தத்ரிதயஸந்தாநம் குருதே சாஸநோத்தமம் ॥ 52 ॥
அத பத்ராஸநம் -
குல்பௌ ச வ்ருஷணஸ்யாத: ஸீவந்யா: பார்ஶ்வயோ: க்ஷிபேத் ।
ஸவ்யகுல்பம் ததா ஸவ்யே தக்ஷகுல்பம் து தக்ஷிணே ॥ 53 ॥
பார்ஶ்வபாதௌ ச பாணிப்யாம் த்ருடம் பத்த்வா ஸுநிஶ்சலம் ।
பாத்ராஸநம் பவேதேதத் ஸர்வவ்யாதிவிநாஶநாம் ।
கோரக்ஷாஸநமித்யாஹுரிதம் வை ஸித்தயோகிந: ॥ 54 ॥
ஏவமாஸாநபந்தேஷு யோகீந்த்ரோ விகதஶ்ரம: ।
அப்யஸேநாடிகாஶுத்திம் முத்ராதிபவநக்ரியாம் ॥ 55 ॥
ஆஸநம் கும்பகம் சித்ரம் முத்ராக்யம் கரணம் ததா ।
அத நாதாநுஸந்தநம் அப்யாஸாநுக்ரமோ ஹடே ॥ 56 ॥
ப்ரஹ்மசாரீ மிதாஹாரீ த்யாகீ யோகபராயண: ।
அப்தாதூர்த்வம் பவேத் ஸித்தோ நாத்ர கார்யா விசாரணா ॥ 57 ॥
ஸுஸ்நிக்தமதுராஹார: சதுர்தாம்ஶவிவர்ஜித: ।
புஜ்யதே ஶிவஸம்ப்ரீத்யை மிதாஹார: ஸ உச்யதே ॥ 58 ॥
கட்வம்ல-தீக்ஷ்ண-லவணோஷ்ண-ஹாரீதஶாக-
ஸௌவீர-தைல-தில-ஸர்ஷப-மத்ய-மத்ஸ்யாந் ।
ஆஜாதிமாம்ஸ-ததி-தக்ர-குலத்த-கோல-
பிண்யாக-ஹிங்கு-லஶுநாத்யமபத்யமாஹு: ॥ 59 ॥
போஜநமஹிதம் வித்யாத் புநரஸ்யோஷ்ணீக்ருதம் ரூக்ஷம் ।
அதைலவணமம்லயுக்தம் கதஶநஶாகோத்கடம் வர்ஜ்யம் ॥ 60 ॥
வஹ்நிஸ்த்ரீபதிஸேவாநாமாதௌ வர்ஜநமாசரேத் ।
ததா ஹி கோரக்ஷவசநம் -
வர்ஜயேத்துர்ஜநப்ராந்தம் வஹ்நிஸ்த்ரீபதிஸேவநம் ।
ப்ராத: ஸ்நாநோபவாஸாதி காயக்லேஶவிதிம் ததா ॥ 61 ॥
கோதூமஶாலியவஷாஷ்டிகஶோபநாந்நம்
க்ஷீராஜ்யகண்டநவநீதஸிதாமதூநி ।
ஶுண்டீபடோலகபலாதிகபஞ்சஶாகம்
முத்காதிதிவ்யமுதகம் ச யமீந்த்ரபத்யம் ॥ 62 ॥
புஷ்டம் ஸுமதுரம் ஸ்நிக்தம் கவ்யம் தாதுப்ரபோஷணம் ।
மநோபிலஷிதம் யோக்யம் யோகீ போஜநமாசரேத் ॥ 63 ॥
யுவாவ்ருத்தோ(அ)திவ்ருத்தோ வா வ்யாதிதோ துர்பலோ(அ)பி வா ।
அப்யாஸாத் ஸித்திமாப்நோதி ஸர்வயோகேஷ்வதந்த்ரித: ॥ 64 ॥
க்ரியாயுக்தஸ்ய ஸித்தி: ஸ்யாதக்ரியஸ்ய கதம் பவேத் ।
ந ஶாஸ்த்ரபாடமாத்ரேண யோகஸித்தி: ப்ரஜாயதே ॥ 65 ॥
ந வேஷதாரணம் ஸித்தே: காரணம் ந ச தத்கதா ।
க்ரியைவ காரணம் ஸித்தே: ஸத்யமேதந்ந ஸம்ஶய: ॥ 66 ॥
பீடாநி கும்பகாஶ்சித்ரா திவ்யாநி கரணாநி ச
ஸர்வாண்யபி ஹடாப்யாஸே ராஜயோகபாலாவதி ॥ 67 ॥
இதி ஶ்ரீஸஹஜாநந்தஸந்தாநசிந்தாமணிஸ்வாத்மாராமயோகீந்த்ரவிரசிதாயாம் ஹடப்ரதீபிகாயாமாஸநவிதிகதநம் நாம ப்ரதமோபதேஶ: ।
இதி ஶ்ரீஹடப்ரதீபிகாயாம் ஜ்யோத்ஸ்நாபிதாயாம் ப்ரஹ்மாநந்தக்ருதாயாம் ப்ரதமோபதேஶ:
அதாஸநே த்ருடே யோகீ வஶீ ஹிதமிதாஶந: ।
குரூபதிஷ்டமார்கேண ப்ராணாயாமாந் ஸமப்யஸேத் ॥ 1 ॥
சலே வாதே சலம் சித்தம் நிஶ்சலே நிஶ்சலம் பவேத் ।
யோகீ ஸ்தாணுத்வமாப்நோதி ததோ வாயும் நிரோதயேத் ॥ 2 ॥
யாவத்வாயு: ஸ்திதோ தேஹே தாவஜ்ஜிவநமுச்யதே ।
மரணம் தஸ்ய நிஷ்க்ராந்தி: ததோ வாயும் நிரோதயேத் ॥ 3 ॥
மலாகுலாஸு நாடீஷு மாருதோ நைவ மத்யக: ।
கதம் ஸ்யாதுந்மநீபாவ: கார்யஸித்தி: கதம் பவேத் ॥ 4 ॥
ஶுத்திமேதி யதா ஸர்வம் நாடீசக்ரம் மலாகுலம் ।
ததைவ ஜாயதே யோகீ ப்ராணஸங்க்ரஹணே க்ஷம: ॥ 5 ॥
ப்ராணயாமம் தத: குர்யாந்நித்யம் ஸாத்விகயா தியா ।
யதா ஸுஷும்நாநாடீஸ்தா மலா: ஶுத்திம் ப்ரயாந்தி ச ॥ 6 ॥
பத்தபத்மாஸநோ யோகீ ப்ராணம் சந்த்ரேண பூரயேத் ।
தாரயித்வா யதாஶக்தி பூய: ஸூர்யேண ரேசயேத் ॥ 7 ॥
ப்ராணம் ஸூர்யேண சாக்ருஷ்ய பூரயேதுதரம் ஶநை: ।
விதிவத் கும்பகம் க்ருத்வா புநஶ்சந்த்ரேண ரேசயேத் ॥ 8 ॥
யேந த்யஜேத் தேந பீத்வா தாரயேததிரோதத: ।
ரேசயேச்ச ததோ(அ)ந்யேந ஶநைரேவ ந வேகத: ॥ 9 ॥
ப்ராணம் சேதிடயா பிபேந்நியமிதம் பூயோ(அ)ந்யயா ரேசயேத்
பீத்வா பிங்கலயா ஸமீரணமதோ பத்த்வா த்யஜேத்வாமயா ।
ஸூர்யாசந்த்ரமஸோரநேந விதிநாப்யாஸம் ஸதா தந்வதாம்
ஶுத்தா நாடிகணா பவந்தி யமிநாம் மாஸத்ரயாதூர்த்வத: ॥ 10 ॥
ப்ராதர்மத்யந்திநே ஸாயமர்தராத்ரே ச கும்பகாந் ।
ஶநைரஶீதிபர்யந்தம் சதுர்வாரம் ஸமப்யஸேத் ॥ 11 ॥
கநீயஸி பவேத் ஸ்வேத: கம்போ பவதி மத்யமே ।
உத்தமே ஸ்தாநமாப்நோதி ததோ வாயும் நிபந்தயேத் ॥ 12 ॥
ஜலேந ஶ்ரமஜாதேந காத்ரமர்தநமாசரேத் ।
த்ருடதா லகுதா சைவ தேந காத்ரஸ்ய ஜாயதே ॥ 13 ॥
அப்யாஸகாலே ப்ரதமே ஶஸ்தம் க்ஷீராஜ்யபோஜநம் ।
ததோ(அ)ப்யாஸே த்ருடீபூதே ந தாத்ருங் நியமக்ரஹ: ॥ 14 ॥
யதா ஸிம்ஹோ கஜோ வ்யாக்ரோ பவேத் வஶ்ய: ஶநை: ஶநை: ।
ததைவ ஸேவிதோ வாயு: அந்யதா ஹந்தி ஸாதகம் ॥ 15 ॥
ப்ராணாயாமேந யுக்தேந ஸர்வரோகக்ஷயோ பவேத் ।
அயுக்தாப்யாஸயோகேந ஸர்வரோகஸமுத்பவ: ॥ 16 ॥
ஹிக்கா ஶ்வாஸஶ்ச காஸஶ்ச ஶிர: கர்ணாக்ஷிவேதநா: ।
பவந்தி விவிதா ரோகா: பவநஸ்ய ப்ரகோபத: ॥ 17 ॥
யுக்தம் யுக்தம் த்யஜேத்வாயும் யுக்தம் யுக்தஞ்ச பூரயேத் ।
யுக்தம் யுக்தஞ்ச பத்நீயாதேவம் ஸித்திமவாப்நுயாத் ॥ 18 ॥
யதா து நாடீஶுத்தி: ஸ்யாத் ததா சிஹ்நாநி பாஹ்யத: ।
காயஸ்ய க்ருஶதா காந்தி: ததா ஜாயேத நிஶ்சிதம் ॥ 19 ॥
மேதஶ்லேஷ்மாதிக: பூர்வம் ஷட்கர்மாணி ஸமாசரேத் ।
அந்யஸ்து நாசரேத்தாநி தோஷாணாம் ஸமபாவத: ॥ 21 ॥
தௌதிர்வஸ்தி: ததா நேதி: த்ராடகம் நௌலிகம் ததா ।
கபாலபாதிஶ்சைதாநி ஷட்கர்மாணி ப்ரசக்ஷதே ॥ 22 ॥
கர்மஷட்கமிதம் கோப்யம் கடஶோதநகாரகம் ।
விசித்ரகுணஸந்தாயி பூஜ்யதே யோகிபுங்கவை: ॥ 23 ॥
தத்ர தௌதி -
சதுரங்குலவிஸ்தாரம் ஹஸ்தபஞ்சதஶாயதம் ।
குரூபதிஷ்டமார்கேண ஸிக்தம் வஸ்த்ரம் ஶநை: க்ரஸேத் ।
புந: ப்ரத்யாஹரேச்சைததுதிதம் தௌதிகர்ம தத் ॥ 24 ॥
காஸஶ்வாஸப்லீஹகுஷ்டம் கபரோகாஶ்ச விம்ஶதி: ।
தௌதிகர்மப்ரபாவேண ப்ரயாந்த்யேவ ந ஸம்ஶய: ॥ 25 ॥
அத வஸ்தி: -
நாபிதக்நஜலே பாயௌ ந்யஸ்தநாலோத்கடாஸந: ।
ஆதாரகுஞ்சநம் குர்யாத் க்ஷாலநம் வஸ்திகர்ம தத் ॥ 26 ॥
குல்மப்லீஹோதரம் சாபி வாதபித்தகபோத்பவா: ।
வஸ்திகர்மப்ரபாவேண க்ஷீயந்தே ஸகலாமயா: ॥ 27 ॥
தாத்வித்ரியாந்த: கரணப்ரஸாதம் தத்யாச்ச காந்திம் தஹநப்ரதீப்திம் ।
அஶேஷதோஷோபசயம் நிஹந்யாதப்யஸ்யமாநம் ஜலவஸ்திகர்ம ॥ 28 ॥
அத நேதி: -
ஸூத்ரம் விதஸ்தி ஸுஸ்நிக்தம் நாஸாநாலே ப்ரவேஶயேத் ।
முகாந்நிர்கமயேச்சைஷா நேதி: ஸித்தை: நிகத்யதே ॥ 29 ॥
கபாலஶோதிநீ சைவ திவ்யத்ருஷ்டிப்ரதாயிநீ ।
ஜத்ரூர்த்வஜாதரோகௌகம் நேதிராஶு நிஹந்தி ச ॥ 30 ॥
அத த்ராடகம் -
நிரீக்ஷேந்நிஶ்சலத்ருஶா ஸூக்ஷ்மலக்ஷ்யம் ஸமாஹித: ।
அஶ்ருஸம்பாதபர்யந்தம் ஆசார்யைஸ்த்ராடகம் ஸ்ம்ருதம் ॥ 31 ॥
மோசநம் நேத்ரரோகாணாம் தந்த்ராதீநாம் கபாடகம் ।
யத்நதஸ்த்ராடகம் கோப்யம் யதா ஹாடகபேடகம் ॥ 32 ॥
அத நௌலி: -
அமந்தாவர்தவேகேந துந்தம் ஸவ்யாபஸவ்யத: ।
நதாம்ஸோ ப்ராமயேதேஷா நௌலி: ஸித்தை: ப்ரஶஸ்யதே ॥ 33 ॥
மந்தக்நிஸந்தீபநபாசநாதிஸந்தாபிகாநந்தகரீ ஸதைவ ।
அஶேஷதோஷாமயஶோஷிணீ ச ஹடக்ரியாமௌலிரியம் ச நௌலி: ॥ 34 ॥
அத கபாலபாதி: -
பஸ்த்ராவல்லோஹகாரஸ்ய ரேசபூரௌ ஸஸம்ப்ரமம் ।
கபாலபாதிர்விக்யாதா கபதோஷவிஶோஷிணீ ॥ 35 ॥
ஷட்கர்மநிர்கதஸ்தௌல்யகபதோஷமலாதிக: ।
ப்ராணாயாமம் தத: குர்யாதநாயாஸேந ஸித்த்யதி ॥ 36 ॥
ப்ராணாயாமைரேவ ஸர்வே ப்ரஶுஷ்யந்தி மலா இதி ।
ஆசார்யாணாந்து கேஷாஞ்சிதந்யத் கர்ம ந ஸம்மதம் ॥ 37 ॥
அத கஜகரணீ -
உதரகதபதார்தமுத்வமந்தி பவநமபாநமுதீர்ய கண்டநாலே ।
க்ரமபரிசயவஶ்யநாடிசக்ரா கஜகரணீதி நிகத்யதே ஹடஜ்ஞை: ॥ 38 ॥
ப்ரஹ்மாதயோ(அ)பி த்ரிதஶா பவநாப்யாஸதத்பரா: ।
அபூவந்நந்தகபயாத் தஸ்மாத் பவநமப்யஸேத் ॥ 39 ॥
யாவத் பத்தோ மருத்தேஹே யாவச்சித்தம் நிராகுலம் ।
யாவத்-த்ருஷ்டி: ப்ருவோர்மத்யே தாவத் காலபயம் குத: ॥ 40 ॥
விதிவத்ப்ராணஸம்யாமை: நாடீசக்ரே விஶோதிதே ।
ஸுஷும்நாவதநம் பித்த்வா ஸுகாத் விஶதி மாருத: ॥ 41 ॥
மாருதே மத்யஸஞ்சாரே மந:ஸ்தைர்யம் ப்ரஜாயதே ।
யோ மந:ஸுஸ்திரீபாவ: ஸைவாவஸ்தா மநோந்மநீ ॥ 42 ॥
தத்ஸித்தயே விதாநஜ்ஞாஶ்சித்ராந் குர்வந்தி கும்பகாந் ।
விசித்ரகும்பகாப்யாஸாத் விசித்ராம் ஸித்திமாப்நுயாத் ॥ 43 ॥
அத கும்பகபேதா: -
ஸூர்யபேதநமுஜ்ஜாயீ ஸீத்காரீ ஶீதலீ ததா ।
பஸ்த்ரிகா ப்ராமரீ மூர்ச்சா ப்லாவிநீத்யஷ்டகும்பகா: ॥ 44 ॥
பூரகாந்தே து கர்தவ்யோ பந்தோ ஜாலந்தராபித: ।
கும்பகாந்தே ரேசகதௌ கர்தவ்யஸ்தூட்டியநக: ॥ 45 ॥
அதஸ்தாத் குஞ்சநேநாஶு கண்டஸங்கோசநே க்ருதே ।
மத்யே பஶ்சிமதாநேந ஸ்யாத் ப்ராணோ ப்ரஹ்மநாடிக: ॥ 46 ॥
அபாநமூர்தவமுத்தாப்ய ப்ராணம் கடாததோ நயேத் ।
யோகீ ஜரா விமுக்த: ஸந் ஷோடஶாப்தவயா பவேத் ॥ 47 ॥
ஆஸநே ஸுகதே யோகீ பத்வா சைவாஸநம் தத: ।
தக்ஷநாட்யா ஸமாக்ருஷ்ய பஹி:ஸ்தம் பவநம் ஶநை: ॥ 48 ॥
ஆ கேஶாதாநகாக்ராச்ச நிரோதாவதி கும்பயேத் ।
தத: ஶநை: ஸவ்யநாட்யா ரேசயேத் பவநம் ஶநை: ॥ 49 ॥
கபாலஶோதநம் வாததோஷக்நம் க்ருமிதோஷஹ்ருத் ।
புந: புநரிதம் கார்யம் ஸூர்யபேதநமுத்தமம் ॥ 50 ॥
அதோஜ்ஜாயீ -
முகம் ஸம்யம்ய நாடீப்யாம் ஆக்ருஷ்ய பவநம் ஶநை: ।
யதா லகதி கண்டாத்து ஹ்ருதயாவதி ஸஸ்வநம் ।
பூர்வவத் கும்பயேத் ப்ராணம் ரேசயேதிடயா ததா ॥ । 51 ॥
ஶ்லேஷ்மதோஷஹரம் கண்டே தேஹாநலவிவர்தநம் ॥ 52 ॥
நாடீஜலோதராதாதுகததோஷவிநாஶநம் ।
கச்சதா திஷ்டதா கார்யமுஜ்ஜாய்யாக்யம் து கும்பகம் ॥ 53 ॥
அத ஸீத்காரீ -
ஸீத்காம் குர்யாத் ததா வக்த்ரே க்ராணேநைவ விஜ்ரும்பிகாம் ।
ஏவமப்யாஸயோகேந காமதேவோ த்விதீயக: ॥ 54 ॥
யோகிநீசக்ரஸம்மாந்ய ஸ்ருஷ்டிஸம்ஹாரகாரக: ।
ந க்ஷுதா ந த்ருஷா நித்ரா நைவாலஸ்யம் ப்ரஜாயதே ॥ 55 ॥
பவேத் ஸத்த்வம் ச தேஹஸ்ய ஸர்வோபத்ரவவிவர்ஜித: ।
அநேந விதிநா ஸத்யம் யோகீந்த்ரோ பூமிமண்டலே ॥ 56 ॥
அத ஶீதலீ -
ஜிஹ்வயா வாயுமாக்ருஷ்ய பூர்வவத் கும்பஸாதநம் ।
ஶநகைக்ராணரந்த்ராப்யாம் ரேசயேத் பவநம் ஸுதீ: ॥ 57 ॥
குல்மப்லீஹாதிகாந் ரோகாந் ஜ்வரம் பித்தம் க்ஷுதாம் த்ருஷாம் ।
விஷாணி ஶீதலீ நாம கும்பிகேயம் நிஹந்தி ஹி ॥ 58 ॥
அத பஸ்த்ரிகா -
ஊர்வோருபரி ஸம்ஸ்தாப்ய ஶுபே பாததலே உபே ।
பத்மாஸநம் பவேதேதத் ஸர்வபாபப்ரணஶநம் ॥ 59 ॥
ஸம்யக் பத்மாஸநம் பத்த்வா ஸமக்ரீவோதர: ஸுதீ: ।
முகம் ஸம்யம்ய யத்நேந ப்ராணம் க்ராணேந ரேசயேத் ॥ 60 ॥
யதா லகதி ஹ்ருத்கண்டே கபாலாவதி ஸஸ்வநம் ।
வேகேந பூரயேச்சாபி ஹ்ருத்பத்மாவதி மாருதம் ॥ 61 ॥
புநர்விரேசயேத் தத்வத் பூரயேச்ச புந: புந: ।
யதைவ லோஹகாரேண பஸ்த்ரா வேகேந சால்யதே ॥ 62 ॥
ததைவ ஸ்வஶரீரஸ்தம் சாலயேத் பவநம் தியா ।
யதா ஶ்ரமோ பவேத்தேஹே ததா ஸூர்யேண பூரயேத் ॥ 63 ॥
யதோதரம் பவேத் பூர்ணமநிலேந ததா லகு ।
தாரயேந்நாஸிகாம் மத்யாதர்ஜநீப்யாம் விநா த்ருடம் ॥ 64 ॥
விதிவத் கும்பகம் க்ருத்வா ரேசயேதிடயாநிலம் ।
வாதபித்தஶ்லேஷ்மஹரம் ஶரீராக்நிவிவர்தநம் ॥ 65 ॥
குண்டலீபோதகம் க்ஷிப்ரம் பவநம் ஸுகதம் ஹிதம் ।
ப்ரஹ்மநாடீமுகே ஸம்ஸ்தகபாத்யர்கலநாஶநம் ॥ 66 ॥
ஸம்யக்காத்ரஸமுத்பூதக்ரந்தித்ரயவிபேதகம் ।
விஶேஷேணைவ கர்தவ்யம் பஸ்த்ராக்யம் கும்பகம் த்விதம் ॥ 67 ॥
வேகாத் கோஷம் பூரகம் ப்ருங்கநாதம் ப்ருங்கீநாதம் ரேசகம் மந்தமந்தம் ।
யோகீந்த்ராணாமேவப்யாஸாயோகாச்சித்தே ஜாதா கதாசிதாநந்தலீலா ॥ 68 ॥
பூரகாந்தே காடதரம் பத்த்வா ஜாலந்தரம் ஶநை: ।
ரேசயேந்மூர்ச்சநாக்யேயம் மநோ மூர்ச்சா ஸுகப்ரதா ॥ 69 ॥
அந்த: ப்ரவர்த்திதோதாரமாருதாபூரிதோதர: ।
பயஸ்யகாதே(அ)பி ஸுகாத் ப்லவதே பத்மபத்ரவத் ॥ 70 ॥
ப்ராணாயாமஸ்த்ரிதா ப்ரோக்தோ ரேசபூரககும்பகை: ।
ஸஹித: கேவலஶ்சேதி கும்பகோ த்விவிதோ மத: ॥ 71 ॥
யாவத் கேவலஸித்தி: ஸ்யாத் ஸஹிதம் தாவதப்யஸேத் ।
ரேசகம் பூரகம் முக்த்வா ஸுகம் யத் வாயுதாரணம் ॥ 72 ॥
ப்ராணாயாமோ(அ)யமித்யுக்த: ஸ வை கேவலகும்பக: ।
கும்பகே கேவலே ஸித்தே ரேசபூரகவர்ஜிதே ॥ 73 ॥
ந தஸ்ய துர்லபம் கிஞ்சித் த்ரிஷு லோகேஷு வித்யதே ।
ஶக்த: கேவலகும்பேந யதேஷ்டம் வாயுதாரணம் ॥ 74 ॥
ராஜயோகபதம் சாபி லபதே நாத்ரஸம்ஶய: ।
கும்பகாத் குண்டலீபோத: குண்டலீபோததோ பவேத் ।
அநர்கலா ஸுஷும்நா ச ஹடஸித்திஶ்ச ஜாயதே ॥ 75 ॥
ஹடம் விநா ராஜயோகோ ராஜயோகம் விநா ஹட: ।
ந ஸித்யதி ததோ யுக்மமமாநிஷ்பத்தே: ஸமப்யஸேத் ॥ 76 ॥
கும்பகப்ராணரோதாந்தே குர்யாச்சித்தம் நிராஶ்ரயம் ।
ஏவமப்யாஸயோகேந ராஜயோகபதம் வ்ரஜேத் ॥ 77 ॥
வபு: க்ருஶத்வம் வதநே ப்ரஸந்நதா நாதஸ்புடத்வம் நயநே ஸுநிர்மலே ।
அரோகதா பிந்துஜயோ(அ)க்நிதீபநம் நாடீவிஶுத்தி: ஹடஸித்திலக்ஷணம் ॥ 78 ॥
இதி ஹ்டயோகப்ரதீபிகாவ்யாக்யாயாம் ஜ்யோத்ஸ்நாபிதாயாம் ப்ரஹ்மாநந்தக்ருதாயாம் த்விதீயோபதேஶ: ।
இதி ஹடயோகப்ரதீபிகாயாம் த்விதீயோபதேஶ:
ஸஶைலவநதாத்ரீணாம் யதாதரோ(அ)ஹிநாயக: ।
ஸர்வேஷாம் யோகதந்த்ராணாம் ததாதாரோ ஹி குண்டலீ ॥ 1 ॥
ஸுப்தா குருப்ரஸாதேந யதா ஜகர்தி குண்டலீ ।
ததா ஸர்வாணி பத்மாநி பித்யந்தே க்ரந்தயோ(அ)பி ச ॥ 2 ॥
ப்ராணஸ்ய ஶூந்யபதவீ ததா ராஜபதாயதே ।
ததா சித்தம் நிராலம்பம் ததா காலஸ்ய வஞ்சநம் ॥ 3 ॥
ஸுஷும்நா ஶூந்யபதவீ ப்ரஹ்மரந்த்ரம் மஹாபத: ।
ஶ்மஶாநம் ஶாம்பவீ மத்யமார்கஶ்சேத்யேகவாசகா: ॥ 4 ॥
தஸ்மாத் ஸர்வப்ரயத்நேந ப்ரபோதயிதுமீஶ்வரம் ।
ப்ரஹ்மத்வாரமுகே ஸுப்தாம் முத்ராப்யாஸம் ஸமாசரேத் ॥ 5 ॥
மஹாமுத்ரா மஹபந்தோ மஹாவேதஶ்ச கேசரீ ।
உட்யாநம் மூலபந்தஶ்ச பந்தோ ஜாலந்தராபித: ॥ 6 ॥
கரணீ விபரீதாக்யா வஜ்ரோலீ ஶக்திசாலநம் ।
இதம் ஹி முத்ராதஶகம் ஜராமரணநாஶகம் ॥ 7 ॥
ஆதிநாதோதிதம் திவ்யமஷ்டைஶ்வர்யப்ரதாயகம் ।
வல்லபம் ஸர்வஸித்தாநாம் துர்லபம் மருதாமபி ॥ 8 ॥
கோபநீயம் ப்ரயத்நேந யதா ரத்நகரண்டகம் ।
கஸ்யசிந்நைவ வைக்தவ்யம் குலஸ்த்ரீ ஸுரதம் யதா ॥ 9 ॥
அத மஹாமுத்ரா -
பாதமூலேந வாமேந யோநிம் ஸம்பீட்ய தக்ஷிணம் ।
ப்ரஸாரிதம் பதம் க்ருத்வா கராப்யம் தாரயேத் த்ருடம் ॥ 10 ॥
கண்டே பந்தம் ஸமாரோப்ய தாரயேத் வாயுமூர்த்வத: ।
யதா தண்டஹத: ஸர்ப: தண்டாகார: ப்ரஜாயதே ॥ 11 ॥
ருஜ்வீபூதா ததா ஶக்தி: குண்டலீ ஸஹஸா பவேத் ।
ததா ஸா மரணாவஸ்தா ஜாயதே த்விபுடாஶ்ரயா ॥ 12 ॥
தத: ஶநை: ஶநைரேவ ரேசயேந்நைவ வேகத: ।
இயம் கலு மஹாமுத்ரா மஹாஸித்தை: ப்ரதர்ஶிதா ॥ 13 ॥
மஹாக்லேஶாதயோ தோஷா: க்ஷீயந்தே மரணாதய: ।
மஹாமுத்ராம் ச தேநைவ வதந்தி விபுதோத்தமா: ॥ 14 ॥
சந்த்ராங்கே து ஸமப்யஸ்ய ஸூர்யாங்கே புநரப்யஸேத் ।
யாவத்துல்யா பவேத் ஸங்க்யா ததோ முத்ராம் விஸர்ஜயேத் ॥ 15 ॥
ந ஹி பத்யமபத்யம் வா ரஸா: ஸர்வே(அ)பி நீரஸா: ।
அபி புக்தம் விஷம் கோரம் பீயூஷமிவ ஜீர்யதி ॥ 16 ॥
க்ஷயகுஷ்டகுதாவர்தகுல்மாஜீர்ணபுரோகமா: ।
தஸ்ய தோஷா க்ஷயம் யாந்தி மஹாமுத்ராம் து யோ(அ)ப்யஸேத் ॥ 17 ॥
கதிதேயம் மஹாமுத்ரா மஹாஸித்திகரீ ந்ருணாம் ।
கோபநீயா ப்ரயத்நேந ந தேயா யஸ்ய கஸ்யசித் ॥ 18 ॥
அத மஹாபந்த: -
பார்ஷ்ணிம் வாமஸ்ய பாதஸ்ய யோநிஸ்தாநே நியோஜயேத் ।
வாமோரூபரி ஸம்ஸ்தாப்ய தக்ஷிணம் சரணம் ததா ॥ 19 ॥
பூரயித்வா ததோ வாயும் ஹ்ருதயே சுபுகம் த்ருடம் ।
நிஷ்பீட்ய யோநிமாகுஞ்ச்ய மநோ மத்யே நியோஜயேத் ॥ 20 ॥
தரயித்வா யதாஶக்தி ரேசயேதநிலம் ஶநை: ।
ஸவ்யாங்கே து ஸமப்யஸ்ய தக்ஷாங்கே புநரப்யஸேத் ॥ 21 ॥
மதமத்ர து கேஷாஞ்சித் கண்டபந்தம் விவர்ஜயேத் ।
ராஜதந்தஸ்தஜிஹ்வாயாம் பந்த: ஶஸ்தோ பவேதிதி ॥ 22 ॥
அயம் து ஸர்வநாடீநாமூர்த்வகதிநிரோதக: ।
அயம் கலு மஹாபந்தோ மஹாஸித்திப்ரதாயக: ॥ 23 ॥
காலபாஶமஹாபந்தவிமோசநவிசக்ஷண: ।
த்ரிவேணீஸங்கமம் தத்தே கேதாரம் ப்ராபயேந்மந: ॥ 24 ॥
ரூபலாவண்யஸம்பந்நா யதா ஸ்த்ரீ புருஷம் விநா ।
மஹாமுத்ராமஹாபந்தௌ நிஷ்பலௌ வேதவர்ஜிதௌ ॥ 25 ॥
அத மஹவேத: -
மஹாபந்தஸ்திதோ யோகீ க்ருத்வா பூரகமேகதீ: ।
வாயூநாம் கதிமாவ்ருத்ய நிப்ருதம் கண்டமுத்ரயா ॥ 26 ॥
ஸமஹஸ்தயுகோ பூமௌ ஸ்பிசௌ ஸம்தாடயேச்சநை: ।
புடத்வயமதிக்ரம்ய வாயு: ஸ்புரதி மத்யக: ॥ 27 ॥
ஸோமஸூர்யாக்நிஸம்பந்தோ ஜாயதே சாம்ருதாய வை ।
ம்ருதாவஸ்தா ஸமுத்பந்நா ததோ வாயும் விரேசயேத் ॥ 28 ॥
மஹாவேதோ(அ)யமப்யாஸாத் மஹாஸித்திப்ரதாயக: ।
வலீபலிதவேபக்ந: ஸேவ்யதே ஸாதகோத்தமை: ॥ 29 ॥
ஏதத்த்ரயம் மஹாகுஹ்யம் ஜராம்ருத்யுவிநாஶநம் ।
வஹ்நிவ்ருத்திகரம் சைவ ஹ்யணிமாதிகுணப்ரதம் ॥ 30 ॥
அஷ்டதா க்ரியதே சைவ யாமே யாமே திநே திநே ।
புண்யஸம்பாரஸந்தாயீ பாபௌகபிதுரம் ஸதா ॥
ஸம்யக் ஶிக்ஷாவதாமேவம் ஸ்வல்பம் ப்ரதமஸாதநம் ॥ 31 ॥
அத கேசரீ -
கபாலகுஹரே ஜிஹ்வா ப்ரவிஷ்டா விபரீதகா ।
ப்ருவோரந்தர்கதா த்ருஷ்டி: முத்ரா பவதி கேசரீ ॥ 32 ॥
சேதநசாலநதோஹை: கலாம் க்ரமேணாத வர்தயேத் தாவத் ।
ஸா யாவத் ப்ரூமத்யம் ஸ்ப்ருஶதி ததா கேசரீஸித்தி: ॥ 33 ॥
ஸ்நுஹீபத்ரநிபம் ஶஸ்த்ரம் ஸுதீக்ஷ்ணம் ஸ்நிக்தநிர்மலம் ।
ஸமாதாய ததஸ்தேந ரோமமாத்ரம் ஸமுச்சிநேத் ॥ 34 ॥
தத: ஸைந்தவபத்யாப்யாம் சூர்ணிதாப்யாம் ப்ரகர்ஷயேத் ।
புந: ஸப்ததிநே ப்ராப்தே ரோமமாத்ரம் ஸுமுச்சிநேத் ॥ 35 ॥
ஏவம் க்ரமேண ஷண்மாஸம் நித்யம் யுக்த: ஸமாசரேத் ।
ஷணாஸாத் ரஸநாமூலஶிராபந்த: ப்ரணஶ்யதி ॥ 36 ॥
கலாம் பராங்முகீம் க்ருத்வா த்ரிபதே பரியோஜயேத் ।
ஸா பவேத் கேசரீமுத்ரா வ்யோமசக்ரம் ததுச்யதே ॥ 37 ॥
ரஸநாமூர்த்வகாம் க்ருத்வா க்ஷாணார்தமபி திஷ்டதி ।
விஷை: விமுச்யதே யோகீ வ்யாதிம்ருத்யுஜராதிபி: ॥ 38 ॥
ந ரோகா மரணம் தந்த்ரா ந நித்ரா ந க்ஷுதா த்ருஷா ।
ந ச மூர்ச்சா பவேத்தஸ்ய யோ முத்ராம் வேத்தி கேசரீம் ॥ 39 ॥
பீட்யதே ந ஸ ரோகேண லிப்யதே ந ச கர்மணா ।
பாத்யதே ந ஸ காலேந யோ முத்ராம் வேத்தி கேசரீம் ॥ 40 ॥
சித்தம் சரதி கே யஸ்மாத் ஜிஹ்வா சரதி கே கதா ।
தேநைஷா கேசரீ நாம முத்ரா ஸித்தை: நிரூபிதா ॥ 41 ॥
கேசர்யா முத்ரிதம் யேந விவரம் லம்பிகோர்த்வத: ।
ந தஸ்ய க்ஷரதே பிந்து: காமிந்யாஶ்லேஷிதஸ்ய ச ॥ 42 ॥
சலிதோ(அ)பி யதா பிந்து: ஸம்ப்ரப்தோ யோநிமண்டலம் ।
வ்ரஜத்யூர்த்வம் ஹ்ருத: ஶக்த்யா நிபத்தோ யோநிமுத்ரயா ॥ 43 ॥
ஊர்த்வஜிஹ்வ: ஸ்திரோபூத்வா ஸோமபாநம் கரோதி ய: ।
மாஸார்தேந ந ஸந்தேஹோ ம்ருத்யும் ஜயதி யோகவித் ॥ 44 ॥
நித்யம் ஸோமகலாபூர்ணம் ஶரீரம் யஸ்ய யோகிந: ।
தக்ஷகேணாபி தஷ்டஸ்ய விஷம் தஸ்ய ந ஸர்பதி ॥ 45 ॥
இந்தநாநி யதா வஹ்நி: தைலவர்திம் ச தீபக: ।
ததா ஸோமகலாபூர்ணம் தேஹீ தேஹம் ந முஞ்சதி ॥ 46 ॥
கோமாம்ஸம் பக்ஷயேந்நித்யம் பிபேதமரவாருணீம் ।
குலீநம் தமஹம் மந்யே இதரே குலகாதகா: ॥ 47 ॥
கோஶப்தேநோதிதா ஜிஹ்வா தத்ப்ரவேஶோ ஹி தாலுநி ।
கோமாம்ஸபக்ஷணம் தத்து மஹாபாதகநாஶநம் ॥ 48 ॥
ஜிஹ்வாப்ரவேஶஸம்பூதவஹ்நிநோத்பாதித: கலு ।
சந்த்ராத் ஸ்ரவதி ய: ஸார: ஸா ஸ்யாதமரவாருணீ ॥ 49 ॥
சும்பந்தீ யதி லம்பிகாக்ரமநிஶம் ஜிஹ்வாரஸஸ்யந்திநீ
ஸக்ஷாரா கடுகாம்லதுக்தஸத்ருஶீ மத்வாஜ்யதுல்யா ததா ।
வ்யாதீநாம் ஹரணம் ஜராந்தகரணம் ஶஸ்த்ராகமோதீரணம்
தஸ்ய ஸ்யாதமரத்வமஷ்டகுணிதம் ஸித்தாங்கநாகர்ஷணம் ॥ 50 ॥
மூர்த்ந: ஷோடஶபத்ரபத்மகலிதம் ப்ராணாதவாப்தம் ஹடாத்
ஊர்த்வாஸ்யோ ரஸநாம் நியம்ய விவரே ஶக்திம் பராம் சிந்தயந் ।
உத்கல்லோலகலாஜலம் ச விமலம் தாராமயம் ய: பிபேத்
நிர்வ்யாதி: ஸ ம்ருணாலகோமலவபு: யோகீ சிரம் ஜீவதி ॥ 51 ॥
யத்ப்ராலேயம் ப்ரஹிதஸுஷிரம் மேருமூர்தாந்தரஸ்தம்
தஸ்மிம்ஸ்தத்த்வம் ப்ரவததி ஸுதீ: தந்முகம் நிம்நகாநம் ।
சந்த்ராத் ஸார: ஸ்ரவதி வபுஷ: தேந ம்ருத்யு: நராணாம்
தத்பத்நீயாத் ஸுகரணமதோ நாந்யதா காயஸித்தி: ॥ 52 ॥
ஸுஷிரம் ஜ்ஞாநஜநகம் பஞ்சஸ்ரோத:ஸமந்விதம் ।
திஷ்டதே கேசரீமுத்ரா தஸ்மிந் ஶூந்யே நிரஞ்ஜநே ॥ 53 ॥
ஏகம் ஸ்ருஷ்டிமயம் பீஜமேகா முத்ரா ச கேசரீ ।
ஏகோ தேவ: நிராலம்ப: ஏகாவஸ்தா மநோந்மநீ ॥ 54 ॥
அதோட்டீயாநபந்த: -
பத்தோ யேந ஸுஷும்நாயாம் ப்ராணஸ்தூட்டீயதே யத: ।
தஸ்மாதுட்டீயநாக்யோ(அ)யம் யோகிபி: ஸமுதாஹ்ருத: ॥ 55 ॥
உட்டீநம் குருதே யஸ்மாதவிஶ்ராந்தம் மஹாகக: ।
உட்டீயாநம் ததேவ ஸ்யாத் தத்ர பந்தோ(அ)பிதீயதே ॥ 56 ॥
உதரே பஶ்சிமம் தாநம் நாபேரூர்தவம் ச காரயேத் ।
உட்டீயாநோ ஹ்யஸௌ பந்தோ ம்ருத்யுமாதங்ககேஸரீ ॥ 57 ॥
உட்டீயாநம் து ஸஹஜம் குருணா கதிதம் ஸதா ।
அப்யஸேத் ஸததம் யஸ்து வ்ருத்தோ(அ)பி தருணாயதே ॥ 58 ॥
நாபேரூர்தவமதஶ்சாபி தாநம் குர்யாத் ப்ரயத்நத: ।
ஷண்மாஸமப்யஸேந்ம்ருத்யும் ஜயத்யேவ ந ஸம்ஶய: ॥ 59 ॥
ஸர்வேஷாமேவ பந்தாநாமுத்தமோ ஹ்யுட்டியாநக: ।
உட்டியாநே த்ருடே பந்தே முக்தி: ஸ்வாபாவிகீ பவேத் ॥ 60 ॥
அத மூலபந்த: -
பார்ஷ்ணிபாகேந ஸம்பீட்ய யோநிமாகுஞ்சயேத்குதம் ।
அபாநமூர்த்வமாக்ருஷ்ய மூலபந்தோ(அ)பிதீயதே ॥ 61 ॥
அதோகதிமபாநம் வா ஊர்த்வகம் குருதே பலாத் ।
ஆகுஞ்சநேந தம் ப்ராஹு: மூலபந்தம் ஹி யோகிந: ॥ 62 ॥
குதம் பார்ஷ்ண்யா து ஸம்பீட்ய வாயுமாகுஞ்சயேத் பலாத் ।
வாரம் வாரம் யதாசோர்த்வம் ஸமாயாதி ஸமீரண: ॥ 63 ॥
ப்ராணாபாநௌ நாதபிந்தூ மூலபந்தேந சைகதாம் ।
கத்வா யோகஸ்ய ஸம்ஸித்திம் யச்சதோ நாத்ர ஸம்ஶய: ॥ 64 ॥
அபாநப்ராணயோரைக்யம் க்ஷயோ மூத்ரபுரீஷயோ: ।
யுவா பவதி வ்ருத்தோ(அ)பி ஸததம் மூலபந்தநாத் ॥ 65 ॥
அபாந ஊர்த்வகே ஜாதே ப்ராயாதே பஹ்நிமண்டலம் ।
ததாநலஶிகா தீர்கா ஜாயதே வாயுநாஹதா ॥ 66 ॥
ததோ யாதோ வஹ்ந்யபாநௌ ப்ராணமுஷ்ணஸ்வரூபகம் ।
தேநாத்யந்தப்ரதீப்தஸ்து ஜ்வலநோ தேஹஜஸ்ததா ॥ 67 ॥
தேந குண்டலேநீ ஸுப்தா ஸந்தப்தா ஸம்ப்ரபுத்யதே ।
தண்டாஹதா புஜங்கீவ நிஶ்வஸ்ய ருஜுதாம் வ்ரஜேத் ॥ 68 ॥
பிலம் ப்ரவிஷ்டேவ ததோ ப்ரஹ்மநாட்யந்தரம் வ்ரஜேத் ।
தஸ்மாந்நித்யம் மூலபந்த: கர்தவ்யோ யோகிபி: ஸதா ॥ 69 ॥
அத ஜாலந்தரபந்த: -
கண்டமாகுஞ்ச்ய ஹ்ருதயே ஸ்தாபயேச்சிபுகம் த்ருடம் ।
பந்தோ ஜாலந்தராக்யோ(அ)யம் ஜராம்ருத்யுவிநாஶக: ॥ 70 ॥
பத்நாதி ஹி ஸிராஜாலமதோகாமி நபோஜலம் ।
ததோ ஜாலந்தரோ பந்த: கண்டதுகௌகநாஶந: ॥ 71 ॥
ஜாலந்தரே க்ருதே பந்தே கண்டஸங்கோசலக்ஷணே ।
ந பீயூஷம் பதத்யக்நௌ ந ச வாயு: ப்ரகுப்யதி ॥ 72 ॥
கண்டஸங்கோசநேநைவ த்வே நாட்யௌ ஸ்தம்பயேத் த்ருடம் ।
மத்யசக்ரமிதம் ஜ்ஞேயம் ஷோடஶாதாரபந்தநம் ॥ 73 ॥
மூலஸ்தாநம் ஸமாகுஞ்ச்ய உட்டியாநம் து காரயேத் ।
இடாம் ச பிங்கலாம் பத்த்வா வாஹயேத் பஶ்சிமே பதி ॥ 74 ॥
அநேநைவ விதாநேந ப்ரயாதி பவநோ லயம் ।
ததோ ந ஜாயதே ம்ருத்யு: ஜராரோகாதிகம் ததா ॥ 75 ॥
பந்தத்ரயமிதம் ஶ்ரேஷ்டம் மஹாஸித்தைஶ்ச ஸேவிதம் ।
ஸர்வேஷாம் ஹடதந்த்ராணாம் ஸாதநம் யோகிநோ விது: ॥ 76 ॥
யத்கிஞ்சித் ஸ்ரவதே சந்த்ராதம்ருதம் திவ்யரூபிண: ।
தத்ஸர்வே: க்ரஸதே ஸூர்ய: தேந பிண்டோ ஜராயுத: ॥ 77 ॥
தத்ராஸ்தி கரணம் திவ்யம் ஸூர்யஸ்ய முகவஞ்சகம் ।
குரூபதேஶதோ ஜ்ஞேயம் ந து ஶாஸ்த்ரார்தகோடிபி: ॥ 78 ॥
ஊர்த்வநாபேரத: தால்வோ: ஊர்த்வம் பாநுரத: ஶஶீ ।
கரணீ விபரீதாக்யா குருவாக்யேந லப்யதே ॥ 79 ॥
நித்யமப்யாஸயுக்தஸ்ய ஜடராக்நிவிவர்திநீ ।
ஆஹாரோ பஹுலஸ்தஸ்ய ஸம்பாத்ய: ஸாதகஸ்ய ச ॥ 80 ॥
அல்பாஹாரோ யதி பவேதக்நிர்தஹதி தத்க்ஷணாத் ।
அத: ஶிராஶ்சோர்த்வபாத: க்ஷணம் ஸ்யாத் ப்ரதமே திநே ॥ 81 ॥
க்ஷணாச்ச கிஞ்சிததிகமப்யஸேச்ச திநே திநே ।
பலிதம் பலிதம் சைவ ஷண்மாஸோர்த்வம் ந த்ருஶ்யதே ।
யாமமாத்ரம் து யோ நித்யமப்யஸேத் ஸ து காலஜித் ॥ 82 ॥
அத வஜ்ரோலீ -
ஸ்வேச்சயா வர்தமாநோ(அ)பி யோகோக்தைர்நியமைர்விநா ।
வஜ்ரோலீம் யோ விஜாநாதி ஸ யோகீ ஸித்திபாஜநம் ॥ 83 ॥
தத்ர வஸ்துத்வயம் வக்ஷ்யே துர்லபம் யஸ்ய கஸ்யசித் ।
க்ஷீரம் சைகம் த்விதீயம் து நாரீ ச வஶவர்திநீ ॥ 84 ॥
மேஹநேந ஶநை: ஸம்யக் ஊர்த்வாகுஞ்சநமப்யஸேத் ।
புருஷோப்யதவா நாரீ வஜ்ரோலீஸித்திமாப்நுயாத் ॥ 85 ॥
யத்நத: ஶஸ்தநாலேந பூத்காரம் வஜ்ரகந்தரே ।
ஶநை: ஶநை: ப்ரகுர்வீத வாயுஸஞ்சாரகாரணாத் ॥ 86 ॥
நாரீபாகே பதத்பிந்தும் அப்யாஸேநோர்த்வமாஹரேத் ।
சலிதம் ச நிஜம் பிந்தும் ஊர்த்வமாக்ருஷ்ய ரக்ஷயேத் ॥ 87 ॥
ஏவம் ஸம்ரக்ஷயேத் பிந்தும் ம்ருத்யும் ஜயதி யோகவித் ।
மரணம் பிந்துபாதேந ஜீவநம் பிந்துதாரணாத் ॥ 88 ॥
ஸுகந்தோ யோகிநோ தேஹே ஜாயதே பிந்துதாரணாத் ।
யாவத் பிந்து: ஸ்திரோ தேஹே தாவத் காலபயம் குத: ॥ 89 ॥
சித்தாயத்தம் ந்ருணாம் ஶுக்ரம் ஶுக்ராயத்தம் ச ஜீவிதம் ।
தஸ்மாச்சுக்ரம் மநஶ்சைவ ரக்ஷணீயம் ப்ரயத்நத: ॥ 90 ॥
ருதுமத்யா ரஜோ(அ)ப்யேவம் நிஜம் பிந்தும் ச ரக்ஷயேத் ।
மேட்ரேணாகர்ஷயேதூர்த்வம் ஸம்யகப்யாஸயோகவித் ॥ 91 ॥
அத ஸஹஜோலி: -
ஸஹஜோலிஶ்சாமரோலிர்வஜ்ரோல்யா பேத ஏகத: ।
ஜலே ஸுபஸ்ம நிக்ஷிப்ய தக்தகோமயஸம்பவம் ॥ 92 ॥
வஜ்ரோலிமைதுநாதூர்த்வம் ஸ்த்ரீபும்ஸோ: ஸ்வங்கலேபநம் ।
ஆஸீநயோ: ஸுகேநைவ முக்தவ்யாபாரயோ: க்ஷணாத் ॥ 93 ॥
ஸஹஜோலிரியம் ப்ரோக்தா ஶ்ரத்தேயா யோகிபி: ஸதா ।
அயம் ஶுபகரோ யோகோ போகயுக்தோ(அ)பி முக்தித: ॥ 94 ॥
அயம் யோக: புண்யவதாம் தீராணாம் தத்த்வதர்ஶிநாம் ।
நிர்மத்ஸராணாம் வை ஸித்யேந்ந து மத்ஸரஶீலிநாம் ॥ 95 ॥
அதாமரோலீ -
பித்தோல்பணத்வாத் ப்ரதமாம்புதாராம்
விஹாய நிஸ்ஸாரதயாந்த்யதாராம் ।
நிஷேவ்யதே ஶீதலமத்யதாரா
காபாலிகே கண்டமதே(அ)மரோலீ ॥ 96 ॥
அமரீம் ய: பிபேந்நித்யம் நஸ்யம் குர்வந் திநே திநே ।
வஜ்ரோலீமப்யஸேத் ஸம்யக் ஸாமரோலீதி கத்யதே ॥ 97 ॥
அப்யாஸாந்நிஸ்ருதாம் சாந்த்ரீம் விபூத்யா ஸஹ மிஶ்ரயேத் ।
தாரயேதுத்தமாங்கேஷு திவ்யத்ருஷ்டி: ப்ரஜாயதே ॥ 98 ॥
பும்ஸோ பிந்தும் ஸமாகுஞ்ச்ய ஸம்யகப்யாஸபாடவாத் ।
யதி நாரீ ரஜோ ரக்ஷேத் வஜ்ரோல்யா ஸாபி யோகிநா ॥ 99 ॥
தஸ்யா: கிஞ்சித் ரஜோ நாஶம் ந கச்சதி ந ஸம்ஶய: ।
தஸ்யா: ஶரீரே நாதஶ்ச பிந்துதாமேவ கச்சதி ॥ 100 ॥
ஸ பிந்து: தத்ரஜஶ்சைவ ஏகீபூயஸ்வதேஹகௌ ।
வஜ்ரோல்யப்யாஸயோகேந ஸர்வஸித்திம் ப்ரயச்சத: ॥ 101 ॥
ரக்ஷேதாகுஞ்சநாதூர்த்வம் யா ரஜ: ஸா ஹி யோகிநீ ।
அதீதாநாகதம் வேத்தி கேசரீ ச பவேத் த்ருவம் ॥ 102 ॥
தேஹஸித்திம் ச லபதே வஜ்ரோல்யப்யாஸயோகத: ।
அயம் புண்யகரோ யோகோ போகே புக்தே(அ)பி முக்தித: ॥ 103 ॥
அத ஶக்திசாலநம் -
குடிலாங்கீ குண்டலிநீ புஜங்கீ ஶக்திரீஶ்வரீ ।
குண்டல்யருந்ததீ சைதே ஶப்தா: பர்யாயவாசகா: ॥ 104 ॥
உத்காடயேத் கபாடம் து யதா குஞ்சிகயா ஹடாத் ।
குண்டலிந்யா ததா யோகீ மோக்ஷத்வாரம் விபேதயேத் ॥ 105 ॥
யேந மார்கேண கந்தவ்யம் ப்ரஹ்மஸ்தாநம் நிராமயம் ।
முகேநாச்சாத்ய தத்த்வாரம் ப்ரஸுப்தா பரமேஶ்வரீ ॥ 106 ॥
கந்தோர்த்வே குண்டலிநீஶக்தி: ஸுப்தா மோக்ஷாய யோகிநாம் ।
பந்தநாய ச மூடாநாம் யஸ்தாம் வேத்தி ஸ யோகவித் ॥ 107 ॥
குண்டலீ குடிலாகாரா ஸர்பவத்பரிகீர்திதா ।
ஸா ஶக்திஶ்சாலிதா யேந ஸ முக்தோ நாத்ர ஸம்ஶய: ॥ 108 ॥
கங்காயமுநயோ: மத்யே பாலரண்டாம் தபஸ்விநீம் ।
பலாத்காரேண க்ருஹ்ணீயாத் தத்விஷ்ணோ: பரமம் பதம் ॥ 109 ॥
இடா பகவதீ கங்கா பிங்கலா யமுநா நதீ ।
இடாபிங்காலயோ: மத்யே பாலரண்டா ச குண்டலீ ॥ 110 ॥
புச்சே ப்ரக்ருஹ்ய புஜகீம் ஸுப்தாமுத்போதயேச்ச தாம் ।
நித்ராம் விஹாய ஸா ஶக்தி: ஊர்த்வமுத்திஷ்டதே ஹடாத் ॥ 111 ॥
அவஸ்திதா சைவ பணாவதீ ஸா
ப்ராதஶ்ச ஸாயம் ப்ரஹரார்தமாத்ரம் ।
ப்ரபூர்ய ஸூர்யாத் பரிதாநயுக்த்யா
ப்ரக்ருஹ்ய நித்யம் பரிசாலநீயா ॥ 112 ॥
ஊர்த்வம் விதஸ்திமாத்ரம் து விஸ்தாரம் சதுரங்குலம் ।
ம்ருதுலம் தவலம் ப்ரோக்தம் வேஷ்டிதாம்பரலக்ஷணம் ॥ 113 ॥
ஸதி வஜ்ராஸநே பாதௌ கராப்யாம் தாரயேத் த்ருடம் ।
குல்பதேஶஸமீபே ச கந்தம் தத்ர ப்ரபீடயேத் ॥ 114 ॥
வஜ்ராஸநே ஸ்திதோ யோகீ சாலயித்வா ச குண்டலீம் ।
குர்யாதநந்தரம் பஸ்த்ராம் குண்டலீமாஶு போதயேத் ॥ 115 ॥
பாநோராகுஞ்சநம் குர்யாத் குண்டலீம் சாலயேத் தத: ।
ம்ருத்யுவக்த்ரகதஸ்யாபி தஸ்ய ம்ருத்யுபயம் குத: ॥ 116 ॥
முஹூர்தத்வயபர்யந்தம் நிர்பயம் சாலநாதஸௌ ।
ஊர்த்வமாக்ருஷ்யதே கிஞ்சித் ஸுஷும்நாயாம் ஸமுத்கதா ॥ 117 ॥
தேந குண்டலிநீ தஸ்யா: ஸுஷும்நாயா முகம் த்ருவம் ।
ஜஹாதி தஸ்மாத் ப்ராணோ(அ)யம் ஸுஷும்நாம் வ்ரஜதி ஸ்வத: ॥ 118 ॥
தஸ்மாத் ஸஞ்சாலயேந்நித்யம் ஸுகஸுப்தாமருந்ததீம் ।
தஸ்யா: ஸஞ்சாலநேநைவ யோகீ ரோகை: ப்ரமுச்யதே ॥ 119 ॥
யேந ஸஞ்சாலிதஶக்தி: ஸ யோகீ ஸித்திபாஜநம் ।
கிமத்ர பஹுநோக்தேந காலம் ஜயதி லீலயா ॥ 120 ॥
ப்ரஹ்மசர்யரதஸ்யைவ நித்யம் ஹிதமிதாஶிந: ।
மண்டலாத் த்ருஶ்யதே ஸித்தி: குண்டல்யப்யாஸயோகிந: ॥ 121 ॥
குண்டலீம் சாலயித்வா து பஸ்த்ராம் குர்யாத் விஶேஷத: ।
ஏவமப்யஸதோ நித்யம் யமிநோ யமபீ: குத: ॥ 122 ॥
த்வாஸப்ததிஸஹஸ்ராணாம் நாடீநாம் மலஶோதநே ।
குத: ப்ரக்ஷாலநோபாய: குண்டல்யப்யஸநாத்ருதே ॥ 123 ॥
இயம் து மத்யமா நாடீ த்ருடாப்யாஸேந யோகிநாம் ।
ஆஸநப்ராணஸம்யாமாத் முத்ராபி: ஸரலா பவேத் ॥ 124 ॥
அப்யாஸே து விநித்ராணாம் மநோ த்ருத்வா ஸமாதிநா ।
ருத்ராணீ வா பரா முத்ரா பத்ராம் ஸித்திம் ப்ரயச்சதி ॥ 125 ॥
ராஜயோகம் விநா ப்ருத்வீம் ராஜயோகம் விநா நிஶா ।
ராஜயோகம் விநா முத்ரா விசித்ராபி ந ஶோபதே ॥ 126 ॥
மாருதஸ்ய விதிம் ஸர்வம் மநோயுக்தம் ஸமப்யஸேத் ।
இதரத்ர ந கர்தவ்யா மநோவ்ருத்தி: மநீஷிணா ॥ 127 ॥
இதி முத்ரா தஶ ப்ரோக்தா ஆதிநாதேந ஶம்புநா ।
ஏகைகா தாஸு யமிநாம் மஹாஸித்திப்ரதாயிநீ ॥ 128 ॥
உபதேஶம் ஹி முத்ராணாம் யோ தத்தே ஸாம்ப்ரதாயிகம் ।
ஸ ஏவ ஶ்ரீகுரு: ஸ்வாமீ ஸாக்ஷாதீஶ்வர ஏவ ஸ: ॥ 129 ॥
தஸ்ய வாக்யபரோ பூத்வா முத்ராப்யாஸே ஸமாஹித: ।
அணிமாதிகுணை: ஸார்தம் லபதே காலவஞ்சநம் ॥ 130 ॥
இதி ஹ்டயோகப்ரதீபிகாவ்யாக்யாயாம் ஜ்யோத்ஸ்நாபிதாயாம் ப்ரஹ்மாநந்தக்ருதாயாம் த்ருதீயோபதேஶ: ।
இதி ஸ்வாத்மாராமயோகீந்த்ரவிரசிதாயாம் ஹடயோகப்ரதீபிகாயாம் முத்ராவிதாநம் நாம த்ருதீயோபதேஶ:
நம: ஶிவாய குருவே நாதபிந்துகலாத்மநே ।
நிரஞ்ஜநபதம் யாதி நித்யம் தத்ர பராயண: ॥ 1 ॥
அதேதாநீம் ப்ரவக்ஷ்யாமி ஸமாதிக்ரமமுத்தம் ।
ம்ருத்யுக்நம் ச ஸுகோபாயம் ப்ரஹ்மாநந்தகரம் பரம் ॥ 2 ॥
ராஜயோக: ஸமாதிஶ்ச உந்மநீ ச மநோந்மநீ ।
அமரத்வம் லயஸ்தத்வம் ஶூந்யாஶூந்யம் பரம் பதம் ॥ 3 ॥
அமநஸ்கம் ததாத்வைதம் நிராலம்பம் நிரஞ்ஜநம் ।
ஜீவந்முக்திஶ்ச ஸஹஜா துர்யா சேத்யேகவாசகா ॥ 4 ॥
ஸலிலே ஸைந்தவம் யத்வத் ஸாம்யம் பஜதி யோகத: ।
ததாத்மமநஸோரைக்யம் ஸமாதிரபிதீயதே ॥ 5 ॥
யதா ஸம்க்ஷீயதே ப்ராணோ மாநஸம் ச ப்ரலேயதே ।
ததா ஸமரஸத்வம் ச ஸமாதிரபிதீயதே ॥ 6 ॥
தத்ஸமம் ச த்வயோரைக்யம் ஜீவாத்மபரமாத்மநோ: ।
ப்ரநஷ்டஸர்வஸம்கல்ப: ஸமாதி: ஸோ(அ)பிதீயதே ॥ 7 ॥
ராஜயோகஸ்ய மாஹாத்ம்யம் கோ வா ஜாநாதி தத்த்வத: ।
ஜ்ஞாநம் முக்தி: ஸ்திதி: ஸித்தி: குருவாக்யேந லப்யதே ॥ 8 ॥
துர்லபோ விஷயத்யாகோ துர்லபம் தத்த்வதர்ஶநம் ।
துர்லபா ஸஹஜாவஸ்தா ஸத்குரோ: கருணாம் விநா ॥ 9 ॥
விவிதைராஸநை: கும்பை: விசித்ரை: கரணைரபி ।
ப்ரபுத்தாயாம் மஹாஶக்தௌ ப்ராண: ஶூந்யே ப்ரலீயதே ॥ 10 ॥
உத்பந்நஶக்திபோதஸ்ய த்யக்தநிஶ்ஶேஷகர்மண: ।
யோகிந: ஸஹஜாவஸ்தா ஸ்வயமேவ ப்ரஜாயதே ॥ 11 ॥
ஸுஷும்நாவாஹிநீ ப்ராணே ஶூந்யே விஶதி மாநஸே ।
ததா ஸர்வாணி கர்மாணி நிர்மூலயதி யோகவித் ॥ 12 ॥
அமராய நமஸ்துப்யம் ஸோ(அ)பி காலஸ்த்வயா ஜித: ।
பதிதம் வதநே யஸ்ய ஜகதேதச்சராரம் ॥ 13 ॥
சித்தே ஸமத்வமாபந்நே வாயௌ வ்ரஜதி மத்யமே ।
ததாமரோலீ வஜ்ரோலீ ஸஹஜோலீ ப்ரஜாயதே ॥ 14 ॥
ஜ்ஞாநம் குதோ மநஸி ஸம்பவதீஹ தாவத்
ப்ராணோ(அ)பி ஜீவதி மநோ ம்ரியதே ந யாவத் ।
ப்ராணோ மநோ த்வயமிதம் விலயம் நயேத் யோ
மோக்ஷம் ஸ கச்சதி நரோ ந கதஞ்சிதந்ய: ॥ 15 ॥
ஜ்ஞாத்வா ஸுஷும்நாஸத்பேதம் க்ருத்வா வாயும் ச மத்யகம் ।
ஸ்தித்வா ஸதைவ ஸுஸ்தாநே ப்ரஹ்மரந்த்ரே நிரோதயேத் ॥ 16 ॥
ஸூர்யாசந்த்ரமஸௌ தத்த: காலம் ராத்ரிம்திவாத்மகம் ।
போக்த்ரீ ஸுஷும்நா காலஸ்ய குஹ்யமேததுதாஹ்ருதம் ॥ 17 ॥
த்வாஸப்ததிஸஹஸ்ராணி நாடீத்வாராணி பஞ்ஜரே ।
ஸுஷும்நா ஶாம்பவீ ஶக்தி: ஶேஷாஸ்த்வேவ நிரர்தகா: ॥ 18 ॥
வாயு: பரிசிதோ யஸ்மாதக்நிநா ஸஹ குண்டலீம் ।
போதயித்வா ஸுஷும்நாயாம் ப்ரவிஶேதநிரோதத: ॥ 19 ॥
வாயு: இதி । யஸ்மாத் பரிசித: அப்யஸ்த: வாயு: தஸ்மாதக்நிநா ஜடராக்நிநா ஸஹ குண்டலீம் ஶக்திம் போதயித்வா அநிரோததோ(அ)ப்ரதிபந்தாத் ஸுஷும்நாயாம் ஸரஸ்வத்யாம் ப்ரவிஶேத், வாயோ: ஸுஷும்நாப்ரவேஶார்தமப்யாஸ: கர்தவ்ய: இத்யர்த: ।
ஸுஷும்நாவாஹிநி ப்ராணே ஸித்யத்யேவ மநோந்மநீ ।
அந்யதாத்விதராப்யாஸா: ப்ரயாஸாயைவ யோகிநாம் ॥ 20 ॥
பவநோ பத்யதே யேந மநஸ்தேநைவ பத்யதே ।
மநஶ்ச பத்யதே யேந பவநஸ்தேந பத்யதே ॥ 21 ॥
ஹேதுத்வயம் ச சித்தஸ்ய வாஸநா ச ஸமீரண: ।
தயோ: விநஷ்ட ஏகஸ்மிந் தௌ த்வாவபி விநஶ்யத: ॥ 22 ॥
மதோ யத்ர விலீயேத பவநஸ்தத்ர லீயதே ।
பவநோ லீயதே யத்ர மநஸ்தத்ர விலீயதே ॥ 23 ॥
துக்தாம்புவத் ஸம்மிலிதாவுபௌ
துல்யக்ரியௌ மாநஸமாருதௌ ஹி ।
யதோ மருத் தத்ர மந: ப்ரவ்ருத்தி:
யதோ மநஸ்தத்ர மருத்ப்ரவ்ருத்தி: ॥ 24 ॥
தத்ரைகநாஶாதபரஸ்ய நாஶ ஏகப்ரவ்ருத்தேரபரப்ரவ்ருத்தி: ।
அத்வஸ்தயோஶ்சேந்த்ரியவர்கவ்ருத்தி: ப்ரத்வஸ்தயோ: மோக்ஷபதஸ்ய ஸித்தி: ॥ 25 ॥
ரஸஸ்ய மநஸஶ்சைவ சஞ்சலத்வம் ஸ்வபாவத: ।
ரஸோ பத்தோ மநோ பத்தம் கிம் ந ஸித்யதி பூதலே ॥ 26 ॥
மூர்ச்சதோ ஹரதே வ்யாதீந் ம்ருதோ ஜீவயதி ஸ்வயம் ।
பத்த: கேசரதாம் தத்தே ரஸோ வாயுஶ்ச பார்வதீ ॥ 27 ॥
மநஸ்ஸ்தைர்யே ஸ்திரோ வாயு: ததோ பிந்து: ஸ்திரோ பவேத் ।
பிந்துஸ்தைர்யாத் ஸதா ஸத்த்வம் பிண்டஸ்தைர்யம் ப்ரஜாயதே ॥ 28 ॥
இந்த்ரியாணாம் மநோ நாதோ மநோநாதஸ்து மாருத: ।
மாருதஸ்ய லயோ நாத: ஸ லயோ நாதமாஶ்ரித: ॥ 29 ॥
ஸோ(அ)யமேவாஸ்து மோக்ஷாக்யோ மாஸ்து வாபி மதாந்தரே ।
மந: ப்ராணலயே கஶ்சிதாநந்த: ஸம்ப்ரவர்ததே ॥ 30 ॥
ப்ரணஷ்டஶ்வாஸநிஶ்வாஸ: ப்ரத்வஸ்தவிஷயக்ரஹ: ।
நிஷ்சேஷ்டோ நிர்விகாரஶ்ச லயோ ஜயதி யோகிநாம் ॥ 31 ॥
உச்சிந்நஸர்வஸங்கல்போ நி:ஶேஷாஶேஷசேஷ்டித: ।
ஸ்வாவகம்யோ லய: கோ(அ)பி ஜாயதே வாககோசர: ॥ 32 ॥
யத்ர த்ருஷ்டிர்லயஸ்தத்ர பூதேந்த்ரியஸநாதநீ ।
ஸா ஶக்தி: ஜீவபூதாநாம் த்வே அலக்ஷ்யே லயம் கதே ॥ 33 ॥
லயோ லய இதி ப்ராஹு: கீத்ருஶம் லயலக்ஷணம் ।
அபுநர்வாஸநோத்தாநாத் லயோ விஷயவிஸ்ம்ருதி: ॥ 34 ॥
வேதஶாஸ்த்ரபுராணாநி ஸாமாந்யகணிகா இவ ।
ஏகைவ ஶாம்பவீ முத்ரா குப்தா குலவதூரிவ ॥ 35 ॥
அந்தர்லக்ஷ்யம் பஹிர்த்ருஷ்டி: நிமேஷோந்மேஷவர்ஜிதா ।
ஏஷா ஸா ஶாம்பவீ முத்ரா வேதஶாஸ்த்ரேஷு கோபிதா ॥ 36 ॥
அந்தர்லக்ஷ்யவிலீநசித்தபவநோ யோகீ யதா வர்ததே ।
த்ருஷ்ட்யா நிஶ்சலதாரயா பஹிரத: பஶ்யந்நபஶ்யந்நபி
முத்ரேயம் கலு ஶாம்பவீ பவதி ஸா லப்தா ப்ரஸாதாத்குரோ:
ஶூந்யாஶூந்யவிலக்ஷணம் ஸ்புரதி தத் தத்த்வம் பதம் ஶாம்பவம் ॥ 37 ॥
ஶ்ரீஶாம்பவ்யாஶ்ச கேசர்யா அவஸ்தாதாமபேதத: ।
பவேச்சித்தலயாநந்த: ஶூந்யே சித்ஸுகரூபிணி ॥ 38 ॥
தாரே ஜ்யோதிஷி ஸம்யோஜ்ய கிஞ்சிதுந்நமயேத் ப்ருவௌ ।
பூர்வயோகம் மநோ யுஞ்ஜந் உந்மநீகாரக: க்ஷணாத் ॥ 39 ॥
கேசிதாகமஜாலேந கேசிந்நிகமஸங்குலை: ।
கேசித் தர்கேண முஹ்யந்தி நைவ ஜாநந்தி தாரகம் ॥ 40 ॥
அர்தோந்மீலிதலோசந: ஸ்திரமநா நாஸாக்ரதத்தேக்ஷண:
சந்த்ரார்காவபி லீநதாமுபநயந் நிஸ்பந்தபாவேந ய: ।
ஜ்யோதீரூபமஶேஷபீஜமகிலம் தேதீப்யமாநம் பரம்
தத்த்வம் தத்பதமேதி வஸ்து பரமம் வாச்யம் கிமத்ராதிகம் ॥ 41 ॥
திவா ந பூஜயேல்லிங்கம் ராத்ரௌ சைவ ந பூஜயேத் ।
ஸர்வதா பூஜயேல்லிங்கம் திவாராத்ரிநிரோதத: ॥ 42 ॥
அத கேசரீ -
ஸவ்யதக்ஷிணநாடீஸ்தோ மத்யே சரதி மாருத: ।
திஷ்டதே கேசரீமுத்ரா தஸ்மிந் ஸ்தாநே ந ஸம்ஶய: ॥ 43 ॥
இடாபிங்கல்யோ: மத்யே ஶூந்யம் சைவாநிலம் க்ரஸேத் ।
திஷ்டதே கேசரீமுத்ரா தத்ர ஸத்யம் புந: புந: ॥ 44 ॥
ஸூர்யாசந்த்ரமஸோ: மத்யே நிராலம்பாந்தரே புந: ।
ஸம்ஸ்திதா வ்யோமசக்ரே யா ஸா முத்ரா நாம கேசரீ ॥ 45 ॥
ஸோமாத் யத்ரோதிதா தாரா ஸாக்ஷாத் ஸா ஶிவவல்லபா ।
பூரயேததுலாம் திவ்யாம் ஸுஷும்நாம் பஶ்சிமே முகே ॥ 46 ॥
புரஸ்தாச்சைவ பூர்யேத நிஶ்சிதா கேசரீ பவேத் ।
அப்யஸ்தா கேசரீமுத்ராப்யுந்மநீ ஸம்ப்ரஜாயதே ॥ 47 ॥
ப்ருவோ: மத்யே ஶிவஸ்தாநம் மந: தத்ர விலீயதே ।
ஜ்ஞாதவ்யம் தத்பதம் துர்யம் தத்ர காலோ ந வித்யதே ॥ 48 ॥
அப்யஸேத் கேசரீம் தாவத் யாவத் ஸ்யாத் யோகநித்ரித: ।
ஸம்ப்ராப்தயோகநித்ரஸ்ய காலோ நாஸ்தி கதாசந ॥ 49 ॥
நிராலம்பம் மந: க்ருத்வா ந கிஞ்சிதபி சிந்தயேத் ।
ஸபாஹ்யாப்யந்தரே வ்யோம்நி கடவத் திஷ்டதி த்ருவம் ॥ 50 ॥
பாஹ்யவாயு: யதா லீநஸ்ததா மத்யோ ந ஸம்ஶய: ।
ஸ்வஸ்தாநே ஸ்திரதாமேதி பவநோ மநஸா ஸஹ ॥ 51 ॥
ஏவமப்யஸ்யதஸ்தஸ்ய வாயுமார்கே திவாநிஶம் ।
அப்யாஸாஜ்ஜீர்யதே வாயு: மநஸ்தத்ரைவ லீயதே ॥ 52 ॥
அம்ருதை: ப்லாவயேத்தேஹமாபாததலமஸ்தகம் ।
ஸித்யத்யேவ மஹாகாயோ மஹாபலபராக்ரம: ॥ 53 ॥
ஶக்திமத்யே மந: க்ருத்வா ஶக்திம் மாநஸமத்யகாம் ।
மநஸா மந ஆலோக்ய தாரயேத் பரமம் பதம் ॥ 54 ॥
கமத்யே குரு சாத்மாநமாத்மமத்யே ச கம் குரு ।
ஸர்வம் கமயம் க்ருத்வா ந கிஞ்சிதபி சிந்தயேத் ॥ 55 ॥
அந்த: ஶூந்யோ பஹி: ஶூந்ய: ஶூந்ய: கும்ப இவாம்பரே ।
அந்த: பூர்ணோ பஹி: பூர்ண: பூர்ண: கும்ப இவாம்பரே ॥ 56 ॥
பாஹ்யசிந்தா ந கர்தவ்யா ததைவாந்தரசிந்தநம் ।
ஸர்வசிந்தாம் பரித்யஜ்ய ந கிஞ்சிதபி சிந்தயேத் ॥ 57 ॥
ஸங்கல்பமாத்ரகலநைவ ஜகத் ஸமக்ரம்
ஸங்கல்பமாத்ரகலநைவ மநோ விலாஸ: ।
ஸங்கல்பமாத்ரமதிமுத்ஸ்ருஜ்ய நிர்விகல்பம்
ஆஶ்ரித்ய நிஶ்சயமபாநுஹி ராம ஶாந்திம் ॥ 58 ॥
கர்பூரமநலே யத்வத் ஸைந்தவம் ஸலிலே யதா ।
ததா ஸந்தீயமாநம் து மநஸ்தத்த்வே விலீயதே ॥ 59 ॥
ஜ்ஞேயம் ஸர்வம் ப்ரதீதம் ச ஜ்ஞாநம் ச மந உச்யதே ।
ஜ்ஞாநம் ஜ்ஞேயம் ஸமம் நஷ்டம் நாந்ய: பந்தா த்விதீயக: ॥ 60 ॥
மநோத்ருஶ்யமிதம் த்வைதம் யத்கிஞ்சித் ஸசராசரம் ।
மநஸோ ஹ்யுந்மநீபாவாத் த்வைதம் நைவோபலப்யதே ॥ 61 ॥
ஜ்ஞேயவஸ்துபரித்யாகாத் விலயம் யாதி மாநஸம் ।
மநஸோ விலயே ஜாதே கைவல்யமவஶிஷ்யதே ॥ 62 ॥
ஏவம் நாநாவிதோபாயா: ஸம்யக் ஸ்வாநுபவந்விதா: ।
ஸமாதிமார்கா: கதிதா: பூர்வாசார்யை: மஹாத்மபி: ॥ 63 ॥
ஸுஷும்நாயை குண்டல்யை ஸுதாயை சந்த்ரஜந்மநே ।
மநோந்மந்யை நமஸ்துப்யம் மஹாஶக்த்யை சிதாத்மநே ॥ 64 ॥
அஶக்யதத்த்வபோதாநாம் மூடாநாமபி ஸம்மதம் ।
ப்ரோக்தம் கோரக்ஷநாதேந நாதோபாஸநமுச்யதே ॥ 65 ॥
ஶ்ரீஆதிநாதேந ஸபாதகோடிலயப்ரகாரா: கதிதா ஜயந்தி ।
நாதாநுஸந்தாநகமேகமேவ மந்யாமஹே முக்யதமம் லயாநாம் ॥ 66 ॥
முக்தாஸநே ஸ்திதோ யோகீ முத்ராம் ஸந்தாய ஶாம்பவீம் ।
ஶ்ருணுயாத் தக்ஷிணே கர்ணே நாதமந்தஸ்தமேகதீ: ॥ 67 ॥
ஶ்ரவணபுடநயநயுகலக்ராணமுகாநாம் நிரோதநம் கார்யம் ।
ஶுத்தஸுஷும்நா ஸரணௌ ஸ்புடமமல: ஶ்ரூயதே நாத: ॥ 68 ॥
ஆரம்பஶ்ச கடஶ்சைவ ததா பரிசயோ(அ)பி ச ।
நிஷ்பத்தி: ஸர்வயோகேஷு ஸ்யாதவஸ்தாசதுஷ்டயம் ॥ 69 ॥
அதாரம்பாவஸ்தா -
ப்ரஹ்மகந்தே: பவேத்பேதோ ஹ்யாநந்த: ஶூந்யஸம்பவ: ।
விசித்ர: க்வாணகோ தேஹே(அ)நாஹத: ஶ்ரூயதே த்வநி: ॥ 70 ॥
திவ்யதேஹஶ்ச தேஜஸ்வீ திவ்யகந்தஸ்த்வரோகவாந் ।
ஸம்பூர்ணஹ்ருதய: ஶூந்ய ஆரம்பே யோகவாந் பவேத் ॥ 71 ॥
அத கடாவஸ்தா -
த்விதீயாயாம் கடீக்ருத்ய வாயுர்பவதி மத்யக: ।
த்ருடாஸநோ பவேத்யோகீ ஜ்ஞாநீ தேவஸமஸ்ததா ॥ 72 ॥
விஷ்ணுக்ரந்தே: ததோ பேதாத் பரமாநந்தஸூசக: ।
அதிஶூந்யே விமர்தஶ்ச பேரீஶப்தஸ்ததா பவேத் ॥ 73 ॥
த்ருதீயாயாம் து விஜ்ஞேயோ விஹாயோமர்தலத்வநி: ।
மஹாஶூந்யம் ததா யாதி ஸர்வஸித்திஸமாஶ்ரயம் ॥ 74 ॥
சித்தாநந்தம் ததா ஜித்வா ஸஹஜாநந்தஸம்பவ: ।
தோஷது:கஜராவ்யாதிக்ஷுதாநித்ராவிவர்ஜித: ॥ 75 ॥
ருத்ரக்ரந்திம் யதா பித்த்வா ஶர்வபீடகதோ(அ)நில: ।
நிஷ்பத்தௌ வைணவ: ஶப்த: க்வணத்வீணாக்வணோ பவேத் ॥ 76 ॥
ஏகீபூதம் ததா சித்தம் ராஜயோகாபிதாநகம் ।
ஸ்ருஷ்டிஸம்ஹாரகர்தாஸௌ யோகீஶ்வரஸமோ பவேத் ॥ 77 ॥
அஸ்து வா மாஸ்து வா முக்திரத்ரைவாகண்டிதம் ஸுகம் ।
லயோத்பவமிதம் ஸௌக்யம் ராஜயோகாதவாப்யதே ॥ 78 ॥
ராஜயோகமஜாநந்த: கேவலம் ஹடகர்மிண: ।
ஏதாநப்யாஸிநோ மந்யே ப்ரயாஸபலவர்ஜிதாந் ॥ 79 ॥
உந்மந்யவாப்யதே ஶீக்ரம் ப்ரூத்யாநம் மம ஸம்மதம் ।
ராஜயோகபதம் ப்ராப்தும் ஸுகோபாயோ(அ)ல்பசேதஸாம் ।
ஸத்ய: ப்ரத்யயஸந்தாயீ ஜாயதே நாதஜோ லய: ॥ 80 ॥
நாதாநுஸந்தாநஸமாதிபாஜாம் யோகீஶ்வராணாம் ஹ்ருதி வர்தமாநம் ।
ஆநந்தமேகம் வசஸாமகம்யம் ஜாநாதி தம் ஶ்ரீகுருநாத ஏக: ॥ 81 ॥
கர்ணௌ பிதாய ஹஸ்தாப்யாம் யம் ஶ்ருணோதி த்வநிம் முநி: ।
தத்ர சித்தம் ஸ்திரீகுர்யாத் யாவத் ஸ்திரபதம் வ்ரஜேத் ॥ 82 ॥
அப்யஸ்யமாநோ நாதோ(அ)யம் பாஹ்யமாவ்ருணுதே த்வநிம் ।
பக்ஷாத் விக்ஷேபமகிலம் ஜித்வா யோகீ ஸுகீ பவேத் ॥ 83 ॥
ஶ்ரூயதே ப்ரதாமாப்யாஸே நாதோ நாநாவிதோ மஹாந் ।
ததோ(அ)ப்யாஸே வர்தமாநே ஶ்ரூயதே ஸூக்ஷ்மஸூக்ஷ்மக: ॥ 84 ॥
ஆதௌ ஜலதிஜீமூதபேரீஜர்ஜரஸம்பவா: ।
மத்யே மர்தலஶங்கோத்தா: கண்டாகாஹலஜாஸ்ததா ॥ 85 ॥
அந்தே து கிங்கிணீவம்ஶவீணாப்ரமரநிஸ்வநா: ।
இதி நாநாவிதா நாதா: ஶ்ரூயந்தே தேஹமத்யகா: ॥ 86 ॥
மஹதி ஶ்ரூயமாணே(அ)பி மேகபேர்யாதிகே த்வநௌ ।
தத்ர ஸூக்ஷ்மாத் ஸூக்ஷ்மதரம் நாதமேவ பராம்ருஶேத் ॥ 87 ॥
கநமுத்ஸ்ருஜ்ய வா ஸூக்ஷ்மே ஸூக்ஷ்மமுத்ஸ்ருஜ்ய வா கநே ।
ரமமாணமபி க்ஷிப்தம் மநோ நாந்யத்ர சாலயேத் ॥ 88 ॥
யத்ர குத்ராபி வா நாதே லகதி ப்ரதமம் மந: ।
தத்ரைவ ஸுஸ்திரீபூய தேந ஸார்தம் விலீயதே ॥ 89 ॥
மகரந்தம் பிபந் ப்ருங்கோ கந்தம் நாபேக்ஷதே யதா ।
நாதாஸக்தம் ததா சித்தம் விஷயாந் ந ஹி காங்க்ஷதே ॥ 90 ॥
மநோ மத்தகஜேந்த்ரஸ்ய விஷயோத்யாநசாரிண: ।
ஸமர்தோ(அ)யம் நியமநே நிநாதநிஶிதாங்குஶ ॥ 91 ॥
பத்தம் து நாதபந்தேந மந: ஸந்த்யக்தசாபலம் ।
ப்ரயாதி ஸுதராம் ஸ்தைர்யம் சிந்நபக்ஷ: ககோ யதா ॥ 92 ॥
ஸர்வசிந்தாம் பரித்யஜ்ய ஸாவதாநேந சேதஸா ।
நாத ஏவாநுஸந்தேயோ யோகஸாம்ராஜ்யமிச்சதா ॥ 93 ॥
நாதோ(அ)ந்தரங்கஸாரங்கபந்தநே வாகுராயதே ।
அந்தரங்ககுரங்கஸ்ய வதே வ்யாதாயதே(அ)பி ச ॥ 94 ॥
அந்தரங்கஸ்ய யமிந: வாஜிந: பரிகாயதே ।
நாதோபாஸ்திரதோ நித்யமவதார்யா ஹி யோகிநா ॥ 95 ॥
பத்தம் விமுக்தசாஞ்சல்யம் நாதகந்தகஜாரணாத் ।
மந:பாரதமாப்நோதி நிராலம்பாக்யகே(அ)டநம் ॥ 96 ॥
நாதஶ்ரவணத: க்ஷிப்ரமந்தரங்கபுஜங்கம: ।
விஸ்ம்ருத்ய ஸர்வமேகாக்ர: குத்ரசிந்நஹி தாவதி ॥ 97 ॥
காஷ்டே ப்ரவர்திதோ வஹ்நி: காஷ்டேந ஸஹ ஶாம்யதி ।
நாதே ப்ரவர்திதம் சித்தம் நாதேந ஸஹ லீயதே ॥ 98 ॥
கண்டாதிநாதஸக்தஸ்தப்தந்த:கரணஹரிணஸ்ய ।
ப்ரஹரணமபி ஸுகரம் ஸ்யாச்சரஸந்தாநப்ரவீணஶ்சேத் ॥ 99 ॥
அநாஹதஸ்ய ஶப்தஸ்ய த்வநிர்ய உபலப்யதே ।
த்வநேரந்தர்கதம் ஜ்ஞேயம் ஜ்ஞேயஸ்யாந்தர்கதம் மந: ।
மநஸ்தத்ர லயம் யாதி தத்விஷ்ணோ: பரமம் பதம் ॥ 100 ॥
தாவதாகாஶஸங்கல்போ யாவச்சப்த: ப்ரவர்ததே ।
நி:ஶப்தம் தத்பரம் ப்ரஹ்ம பரமாத்மேதி கீயதே ॥ 101 ॥
யத்கிஞ்சிநாதரூபேண ஶ்ரூயதே ஶக்திரேவ ஸா ।
யஸ்தத்த்வாந்தோ நிராகார: ஸ ஏவ பரமேஶ்வர: ॥ 102 ॥
ஸர்வே ஹடலயோபாயா ராஜயோகஸ்ய ஸித்தயே ।
ராஜயோகஸமாரூட: புருஷ: காலவஞ்சக: ॥ 103 ॥
தத்த்வம் பீஜம் ஹட: க்ஷேத்ரமௌதாஸீந்யம் ஜலம் த்ரிபி: ।
உந்மநீகல்பலதிகா ஸத்ய ஏவ ப்ரவர்ததே ॥ 104 ॥
ஸதா நாதாநுஸந்தாநாத் க்ஷீயந்தே பாபஸஞ்சயா: ।
நிரஞ்ஜநே விலீயேதே நிஶ்சிதம் சித்தமாருதௌ ॥ 105 ॥
ஶங்கதுந்துபிநாதம் ச ந ஶ்ருணோதி கதாசந ।
காஷ்டவஜ்ஜாயதே தேஹ உந்மந்யவஸ்தயா த்ருவம் ॥ 106 ॥
ஸர்வாவஸ்தாவிநிர்முக்த: ஸர்வசிந்தாவிவர்ஜித: ।
ம்ருதவத் திஷ்டதே யோகீ ஸ முக்தோ நாத்ர ஸம்ஶய: ॥ 107 ॥
காத்யதே ந ச காலேந பாத்யதே ந ச கர்மணா ।
ஸாத்யதே ந ஸ கேநாபி யோகீ யுக்த: ஸமாதிநா ॥ 108 ॥
ந கந்தம் ந ரஸம் ரூபம் ந ச ஸ்பர்ஶம் ந நிஸ்வநம் ।
நாத்மாநம் ந பரம் வேத்தி யோகீ யுக்த: ஸமாதிநா ॥ 109 ॥
சித்தம் ந ஸுப்தம் நோஜாக்ரத்-ஸ்ம்ருதிவிஸ்ம்ருதிவர்ஜிதம் ।
ந சாஸ்தமேதி நோதேதி யஸ்யாஸௌ முக்த ஏவ ஸ: ॥ 110 ॥
ந விஜாநாதி ஶீதோஷ்ணம் ந து:கம் ந ஸுகம் ததா ।
ந மாநம் நாபமாநம் ச யோகீ யுக்த: ஸமாதிநா ॥ 111 ॥
ஸ்வஸ்தோ ஜாக்ரதவஸ்தாயாம் ஸுப்தவத்யோ(அ)வதிஷ்டதே ।
நி:ஶ்வாஸோச்ச்வாஸஹீநஶ்ச நிஶ்சிதம் முக்த ஏவ ஸ: ॥ 112 ॥
அவத்ய: ஸர்வஶாஸ்த்ராணம் அஶக்ய: ஸர்வதேஹிநாம் ।
அக்ராஹ்யோ மந்த்ரயந்த்ராணாம் யோகீ யுக்த: ஸமாதிநா ॥ 113 ॥
யாவந்நைவ ப்ரவிஶதி சரந்மாருதோ மத்யமார்கே
யாவத் பிந்துர்ந பவதி த்ருட: ப்ராணவாதப்ரபந்தாத் ।
யாவத் த்யாநே ஸஹஜஸத்ருஶம் ஜாயதே நைவ தத்த்வம்
தாவஜ்ஜ்ஞாநம் வததி ததிதம் தம்பமித்யாப்ரலாப: ॥ 114 ॥
இதி ஹடயோகப்ரதீபிகாவ்யாக்யாயாம் ப்ரஹ்மாநந்தக்ருதாயாம் ஜ்யோத்ஸ்நாபிதாயாம் ஸமாதிநிரூபணம் நாம சதுர்தோபதேஶ: ।
